तीतस 1:15 - Sunuwar Bible

¹⁵ रिम्‍शो मुर आन कली मारेइ मारेइ रिम्‍शो बाक्‍ब। ग्रांग्रा दिचा ङा मुर नु थमा मसुइक्‍ब आन कली चहिं मारेइ मारेइ रिम्‍शो मबाक्‍ब। मेको आन थुं नु मिम्‍तीके मरिम्‍शो बाक्‍ब। मत्ती १५:११; रोमी १४:२०

तीतस 1:15 ပူးပေါင်းရင်းမြစ်များ

हितोपदेस 21:4

ठेयब लेश्‍शो नु बोरशो मुर दुम्‍चा, परमप्रभु यावे आ अरेशो मटीब आन छेङछेङ बाक्‍ब। मेको पाप बाक्‍ब।

हितोपदेस 30:12

का निक्‍शी मुरुमी आंम कली “गो गेना हना यो रिम्‍शो पाइब मुर नङ” देंनीम। तन्‍न मेको आन मरिम्‍शो पशो मक्‍याम्‍सीशो बाक्‍ब। हितोपदेस २०:९

हाग्‍गै 2:13

मिनु हाग्‍गैमी “बेक्‍शो मुर थिशा, ग्रांग्रा दिशो दुम्‍शो मुरुम मारेइ थोव़क थिप्‍तु हना, मेको थोव़क ग्रांग्रा दिशो दुम्‍बा?” दे हिल्‍लो पाप्‍तु। मिनु चढ़ेबपुकीमी “मेको ग्रांग्रा दिशो दुम्‍ब” देंतेक्‍म। लेवी ५:२; गन्‍ती १९:२२

मत्ती 15:18

शोव़ रे ग्रूशो चहिं थुं रे ग्रूशो बाक्‍ब। मेकोमी मुर कली ग्रांग्रा सेल्‍ब।

प्रेरित 10:15

मिनु लेंशा “परमप्रभु यावे आ चोव़खो सेल्‍शो कली ग्रांग्रा मदित्‍तो” देंशो नेंना बाक्‍त। रोमी १४:१४

रोमी 14:14

गो प्रभु येसु आ मुर दुम्‍शा, मारेइ मारेइ जचा थोव़क रिम्‍शो बाक्‍ब, दे शेंसाक्‍ङ। तन्‍न सुमी ग्रांग्रा दिशो मिम्‍बा, मेको कली ग्रांग्रा दिशोन दुम्‍ब। मत्ती १५:११; प्रेरित १०:१५; तीतस १:१५

रोमी 14:20

गे जचा थोव़क आ पर्बम परमप्रभु यावे आ गेय मक्‍याम्‍दीने। मारेइ मारेइ जचा ठीक बाक्‍‍ब। तन्‍न होस पने। मारदे हना इन जचा ब्‍वचामी इन लोक्‍ब आन थुं खाइक्‍पाइक्‍तीनी हना, मरिम्‍शो दुम्‍ब।

रोमी 14:23

दाल्‍गीर पा जाइब चहिं दोस ताइब दुम्‍ब। मारदे हना आ थमा सुइक्‍तीक रे मपाइब। मोपा थमा मसुइक्‍तीक रे पशो गेय नेल्‍ल पाप बाक्‍ब।

१ कोरिन्‍थी 10:23

मारेइ मारेइ ठीक बाक्‍ब। तन्‍न गेय का निक्‍शी चहिं इन कली रिम्‍शो मदुम्‍ब। मारेइ मारेइ ठीक बाक्‍तेक्‍म हना यो, का निक्‍शीम इन थमा सुइक्‍तीक मबारपाइक्‍नीम। १कोरिन्‍थी ६:१२

१ कोरिन्‍थी 10:25

श्‍ये ब्‍वचा आ पर्बम “श्‍ये ग्‍याप्‍थ लनीनु ‘चढ़ेशो श्‍ये कों’ दे हिल्‍लो मपने। मारेइ ममिम्‍थु ग्‍यापीन” दे शेंनन्‍नी। रोमी १४:२-१०,२२

१ कोरिन्‍थी 10:31

मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७

१ कोरिन्‍थी 8:7

गोपुकी नु बाक्‍ब का निक्‍शीमी इं मिम्‍शो लोव़ मरुबेम। मेकोपुकीमी “देवी देवता बाक्‍नीम” दे ङोंइती रे ङा आन मिम्‍शो प्रोंइने मचबेम। मिनु मुल मूर्ति कली चढ़ेशो श्‍ये ब्‍वामेनु “पाप राइसीबा, कोर में?” दे मिम्‍शा, आन थुं क्‍याल्‍नीम। १कोरिन्‍थी १०:२८

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 12:15

अर्ती गेमुशा वारच पमुशा बाक्‍कीने। सुइ परमप्रभु यावे आ शिशी मताइब मदुम्‍ल। सुइमी थुं चोशा दुशा बाक्‍ब आन कली फ्राशा, मुर आन कली मरिम्‍शो मसेलल। ब्‍यवस्‍था २९:१७

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३