तीतस 1:1 - Sunuwar Bible

¹ गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

तीतस 1:1 ပူးပေါင်းရင်းမြစ်များ

१ इतिहास 6:49

मिनु हारून नु आ तौपुकीमी ला चढ़ेतीकेम चोशा चढ़ेतीक नु धूप चोशा चढ़ेतीकेम चढ़ेमे बाक्‍त। मेकोम नेल्‍ल क्‍येङा चोव़खो कोठा ङा गेय यो पामे बाक्‍त। इस्राएली आन पर्बम पाप क्‍याम्‍तीक गेय पामे बाक्‍त। परमप्रभु आ गेय पाइब मोसामी दोदेंशो पा अरेवा मोदेंशो पा पामे बाक्‍त। प्रस्‍थान २८:१; लेवी १६:-

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

प्रेरित 13:48

मिनु अर्को रागी ङा मुरपुकीमी “मुल गो यो पाप रे ब्रोंइचा ताइबाक्‍तक” दे रुप्‍शा थाम्‍पा ग्‍येरसीशा, परमप्रभु यावे कली ठेयब सेल्‍मे बाक्‍त। परमप्रभु यावेमी ङोंइती रे योव़शोपुकीमी ख्रीस्‍त कली थमा सुइश्‍शा, गेना हना यो ब्रोंइशा बाक्‍चा ताइब दुम्‍मा बाक्‍त। रोमी ८:२९-३०

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

२ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१

एफिसी 2:8

मिनु गेपुकी परमप्रभु यावे आ शिशी तशा, थमा सुइक्‍तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्‍ब। रोमी ३:२३-२४; गलाती २:१६

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

कलस्‍सी 2:2

मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

१ तिमोथी 6:3

सुमी अरु शेंतीक शेंबा, मेकोमी इं प्रभु येसु ख्रीस्‍त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्‍ब नु दाक्‍ब थुं रे बाक्‍ब। २तिमोथी १:१३

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

२ तिमोथी 2:23

हिक्‍सी मङाम्‍शो लोव़ पाइब नु काम मलाप्‍चा ङा लोव़ पा जितीके रे ङोन बाक्‍को। मेको जिचा पोक्‍ब ला बाक्‍नीम दे तुइक्‍नेवे। १तिमोथी ४:७

२ तिमोथी 2:25

जिचा पोक्‍ब आन कली रिम्‍शो लोव़मी ठीक सेल्‍चा माल्‍ब। परमप्रभु यावेमी मेको आन कली आ गे लेप्‍पाइश्‍शा, थमा शेंतीके तुइक्‍पाइक्‍ब कों?

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

२ पत्रुस 1:3

परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

२ पत्रुस 3:11

मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।

१ यूहन्‍ना 2:23

सु सुमी “येसु ख्रीस्‍त परमप्रभु यावे आ तौ ममाइ” दे शेंनीमी, मेको इं आफ परमप्रभु यावे नु थुं का ङा मबाक्‍नीम। सु सुमी चहिं “येसु ख्रीस्‍त परमप्रभु यावे आ तौ बाक्‍ब” दे शेंनीमी, मेको इं आफ, परमप्रभु यावे नु थुं का ङा बाक्‍नीम। यूहन्‍ना ५:२३; १यूहन्‍ना ४:१५

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।