ठेयब कुम्सो 8:6 - Sunuwar Bible

⁶ आं कली इन थुंमी छाप थोक्‍शो खोदेंशो पा वोतीन। इन गुइमी यो छाप थोक्‍शो खोदेंशो पा वोतीन। मारदे हना दाक्‍तीके, बेक्‍पाइक्‍ब खोदेंशो पा सक्ति पाइश्‍शो बाक्‍ब। मेको आ दाक्‍शो तुरस खोदेंशो मटीब नु शुश ब्रशो मी क्‍येङा यो शुश ब्राइब बाक्‍ब। मत्ती २२:३०; रोमी ७:२; उत्‍पत्ती २:२४; मत्ती १९:५-६; एफिसी ५:२८-३३

ठेयब कुम्सो 8:6 ပူးပေါင်းရင်းမြစ်များ

१ इतिहास 11:18

मेना मेको मुर सां पलिस्‍ती आन दाते रे ग्रीशा लशा बेथलेहेम ङा ठेयब लाप्‍चो आ ङोंइती ङा इनार ङा ब्‍वाक्‍कु ताप्‍शा, दाऊद आ बाक्‍तीकेम चाक्‍गमे बाक्‍त। तन्‍न दाऊदम मेको तूने मबिस्‍से बाक्‍त। मिनु ब्‍वाक्‍कु परमप्रभु यावे आ ङोंइती मोदा बाक्‍त।

भजन संग्रह 120:4

लडाइ पाइबमी आ हेश्‍शो ब्रा आप्‍ब। मिनु ब्रशो कोइला इ तार जुक्‍पाइक्‍नीम।

भजन संग्रह 63:1

परमप्रभु, गे आं परमप्रभु बाक्‍नीनी। गो इन कली थमा पा माल्‍नुङ। गो ब्‍वाक्‍कु तूतू दाक्‍शो खोदेंशो पा आं थुंमी इन कली माल्‍नुङ। गो ब्‍वाक्‍कु मबाक्‍शो रागीम ब्‍वाक्‍कु माल्‍शो खोदेंशो पा इन कली माल्‍स ङा माल्‍स बाक्‍नुङ। भजन संग्रह ४२:३

भजन संग्रह 84:2

गो आं थुं नेल्‍लेमी परमप्रभु यावे आ खिं ङा लाङगा लचा दाक्‍नुङ। गो ग्‍येरशा सोम्‍शा ब्रोंइशा बाक्‍ब परमप्रभु कली कुम्‍सो पाइनुङ। भजन संग्रह ४२:३

प्रस्‍थान 28:21

मेको हीरा १२ ओटा दुम्‍चा माल्‍नीम। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍पाइक्‍चा माल्‍नेवे। हीरा का आ तारी थर का आ नें दुम्‍चा माल्‍ब।

हितोपदेस 25:22

मो पाप्‍तीवी हना, मेको आन पिया तारी ब्रशो कोइला मोइश्‍शो खोदेंशो दुम्‍ब। मिनु परमप्रभु यावेमी इ कली इनाम गेब।

हितोपदेस 6:34

मिनु मेको मीश मुर आ वोंइश शुश गाइक्‍ब। मिनु मेकोमी क्‍येक्‍क लेत्‍ची नाक्‍ती मेको कली मारेइ शिशी मपाइब।

ठेयब कुम्सो 5:8

ए यरूसलेम ङा तमी “गो इन कली ‘गेपुकीम आं दाक्‍शो मुर कली ग्रुम्‍तीनी हना, मेको कली इन कली दाक्‍ब मुर दाक्‍तीकेम थशो बाक्‍ब’ देनीन” देंत। ठेयब कुम्‍सो २:५

यसैया 49:16

कोव़ङो, गो इ कली आं गुइमी ब्रेक्‍ताक्‍न। इ गारोपुकी गेना हना यो आं ङोंइती बाक्‍नीम।

येरमीया 22:24

परमप्रभु यावेम “गो दोपा ब्रोंइशा बाक्‍ङा, मोपा यहूदा ङा पिप येहो-याकीम आ तौ कोन्‍याह माइश्‍शो येहो-याकीम कली ‘गे आं ग्‍युरा गुइ ङा छाप थोक्‍तीक औंठी नवे हना, गो इ कली ग्रुंइशा ताइक्‍तन वा।कोन्‍याह कली योयाकीम यो देंनीम। २राजा २४:८-१६; येरमीया २४:१

हाग्‍गै 2:23

मिनु मुर नेल्‍ल आन परमप्रभु यावेमी “मेको नाक्‍त शाल्‍तीएल आ तौ, आं गेय पाइब, जेरूब-बाबेल गो इ कली छाप पाइश्‍शो औंठी खोदेंशो सेल्‍नन। मारदे हना गो इ कली योव़शो बाक्‍नुङ” दे मुर नेल्‍ल आन परमप्रभु यावेमी देंत। जकरिया ४:६-७

जकरिया 3:9

मारदे हना गो यहोसु आ ङोंइती फुल्‍लु का वोइक्‍ता। मेको आ तारी ७ ओटा मिक्‍च बाक्‍नी‍म। मिनु गो फुल्‍लु तारी मेको आ ब्रेक्‍स मुशा ब्रेक्‍नुङ। मिनु गो काबुमीन मेको रागी ङा मुर आन दोस नेल्‍ल क्‍याम्‍नुङ। प्रस्‍थान ३९:६-७; जकरिया ४:१०; प्रकाश ५:६

गन्‍ती 25:11

“चढ़ेब हारून आ चच, एलाजर आ तौ, फिनेहासमी इस्राएली आन पर्बमी आं गाइश्‍शो नाइक्‍पाइक्‍तु। फिनेहासमी आं रुश पशो तुइश्‍शा, आ जोंब बोक्‍शा, आं गाइश्‍शो नाइक्‍पाइक्‍तु। मिनु मेको आन कली मसदुमी।

गन्‍ती 5:14

मेको वोंइश मुरुमी आ ग्रांग्रा दिशो सेल्‍सीशो मीश आ पर्बम रुश पा, आ थुंम मरिम्‍शो मिम्‍शो बाक्‍त हना, मेको आ मीश आंम कली ग्रांग्रा दिशो मसेल्‍सीशो बाक्‍त हना यो,

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 21:13

पावलमी चहिं “मारदे ङाक्‍शा ब्रेश्‍शा, आं थुं खाइक्‍पाइक्‍नीनी? मलथु मप्रोंइनुङ। यरूसलेम जाक्‍दीश्‍शा, प्रभु येसु आ नेंमी फ्रेंसीचा ला ममाइ, बेक्‍चा माल्‍ती हना यो, बेक्‍नुङ” देंत। प्रेरित २०:२४

रोमी 12:20

क्‍येक्‍क मलेत्‍चा ला ममाइ। “इ जोरी सत्रु शोव़लु बेक्‍तेक्‍म हना, जचा गेवो। तूतू दाक्‍तेक्‍म हना, तूचा गेवो। मो पाप्‍तीवी हना, मेको आन पियामी मी मोइश्‍शो खोदेंशो पा, मुने तोक्‍नेवे” दे ब्रेक्‍शो बाक्‍ब। हितोपदेस २५:२१-२२

२ कोरिन्‍थी 11:2

इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७

ब्‍यवस्‍था 32:21

देवी देवता आन पर्बमी आं कली रुश पपाइक्‍नीम। मूर्ति पूजा पा आं कली गाइक्‍ब सेल्‍तीमी। मोपतीके गो ङोन ङा मुर आन कली आंम के सेल्‍शा, एको आन कली रुश पपाइक्‍नुङ। रागी ङा मतुइक्‍ब मुर आन कली गुप्‍शा, मेको आन कली गाइक्‍पाइक्‍नुङ। भजन संग्रह ७८:५८; येरमीया २:११; रोमी १०:१९

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९