ठेयब कुम्सो 8:5 - Sunuwar Bible

⁵ आंम दाक्‍शो मुर नु क्‍येम्‍सीशा, गोरशो रागी रे जाक्‍ब सु बाक्‍बा? गो स्‍याउ रवा आ पुंमी इन कली सेंताक्‍ङ। मेकेर इन ममामी इन कली कुरतु। मेकेर इन कली थिचा कली आल थितीक रोइ पाप्‍तु।

ठेयब कुम्सो 8:5 ပူးပေါင်းရင်းမြစ်များ

२ इतिहास 32:8

मेको नु शुश मुर ला बाक्‍नीम। तन्‍न गोपुकी नु परमप्रभु यावे, इं परमप्रभु बाक्‍ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्‍कीयाहमी मुर आन थुं बारपदा बाक्‍त। येरमीया १७:५-६

भजन संग्रह 63:8

आं थुं गे नु बाक्‍ब। गे आं कली कोव़ब बाक्‍नीनी।

भजन संग्रह 63:9

तन्‍न आं कली साइक्‍चा माल्‍बपुकी खतम दुम्‍शा, खप आगा ओव़नीम।

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 3:11

ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।

ठेयब कुम्सो 3:4

मिनु गो मेको आन कली प्रोंइ‍शा इच्‍का आइक्‍ची ला जाक्‍दीश्‍शो नङ। गो आं दाक्‍शो वोंइश मुर कली थित्‍ता। मिनु गो मेको कली आं ममा आ खिं, आं जरमेसीशो कोठा मचाक्‍गु सम्‍म मेको कली ग्‍याइश्‍शा मप्रोनु। ठेयब कुम्‍सो ८:२

ठेयब कुम्सो 3:6

गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।

ठेयब कुम्सो 4:8

आं ग्‍युम्‍ली, लेबानोन रे पा गो नु गाक्‍को। लेबानोन रे पा गाक्‍को। आमाना डांडा रे पा यीवो। सेनीर आ ङर नु हेरमोन डांडा रे पा गाक्‍को। गुप्‍स आन पुक्‍खी नु जोइ आन बाक्‍तीक डांडा रे पा गाक्‍को।

ठेयब कुम्सो 6:10

सुनी खोदेंशो पा दारशो, तास्‍ला खोदेंशो पा दाप्‍शो, नां खोदेंशो पा छेङछेङ देंशो, हिंचा ङा लडाइ पाइब खोदेंशो सु बाक्‍बा?

ठेयब कुम्सो 8:1

आं ममामी इ कली दूध तुंइ‍शो आं लोक्‍ब न‍‍वे हना, इ कली लाङगाम ग्रुमुनु, पुक्‍पु पङ वा। मिनु सुइमी आं कली मरिम्‍शो मदेंम वा।

यसैया 36:6

गे जिक्‍शो कोक्‍के खोदेंशो इजीप्‍त कली थमा सुइक्‍नेवे? सु सु मेको कोक्‍के तिक्‍शा गाक्‍नीमी, मेको आन गुइ थोक्‍ब। सु सुमी इजीप्‍त ङा पिप फाराओ कली थमा सुइक्‍नीमी, मेको कोक्‍केम थोक्‍शो खोदेंशो दुम्‍नीम। इजीप्‍त ङा फाराओ मोदेंशो बाक्‍ब’ दे मतीन। इजीकीएल २९:६-७

यसैया 40:3

मिनु ब्रेप्‍ब मुर आ सेंदा कामी “मुर मबाक्‍तीकेमी परमप्रभु यावे आ लां सेलीन। गोरशो रागीमी इं परमप्रभु कली लां रिम्‍शो पा फुल्‍लु ग्रोक्‍शा थेलीने। लूका ३:४-६; यूहन्‍ना १:२३

यसैया 43:19

गो नक गेय का पचा चिक्‍शो बाक्‍नुङ। मुल मेको दुम्‍चशो बाक्‍ब। गे मेको मतुइक्‍नीनी? गो मुर मबाक्‍तीकेम लां का सेल्‍‍नुङ। यसैया ४१:१८

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

होसे 12:4

मेको परमप्रभु आ स्‍वर्ग ङा गेय पाइब नु राम्‍शी पा ग्रात। मेकोमी ङाक्‍शा “शिशी पाइय्‍यी” दे पुंइतु। मेकोमी परमप्रभु कली बेथेल सहरमी ग्रुमानु, परमप्रभुमी मेको नु लोव़ पाप्‍तु। उत्‍पत्ती ३५:१५

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

यूहन्‍ना 13:23

येसु आ नेल्‍ल क्‍येङा दाक्‍शो शेंसीब येसु आ नेक्‍था बाक्‍त। यूहन्‍ना १९:२६; यूहन्‍ना २०:२; यूहन्‍ना २१:२०

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

प्रकाश 12:6

मिनु मेको मीश मुर आल थिशा नोले गोरशो रागीमी प्रोक्‍त। मेकेर परमप्रभु यावेमी बाक्‍तीके ठीक पशो बाक्‍त। मिनु मेको कली हजार का सहे निक्‍शी ६० नाक्‍त थुल्‍तेक्‍म। प्रकाश ११:३