ठेयब कुम्सो 8:13 - Sunuwar Bible

¹³ अङगुर रूमी बाक्‍ब आं वारचपुकीम इ सेंदा नेंचा दाक्‍नीम। इ सेंदा आं कली नेंपाइय्‍यी।

ठेयब कुम्सो 8:13 ပူးပေါင်းရင်းမြစ်များ

भजन संग्रह 45:14

मिनु बुटा आप्‍शो वा फेक्‍पाइश्‍शा, मेको कली पिप आ बाक्‍तीके चाक्‍नीम। मेको आ गेय पाइब मीश आल आ नोले खोइक्‍पाइश्‍शा, पिप आ बाक्‍तीकेमी जाक्‍नीम।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

ठेयब कुम्सो 1:7

ए आं दाक्‍शो मुर, इन क्‍यारश भेडा आन कली ते योव़नीनी? मिनु नाक्‍त मेको ते नाइक्‍नीमी? गो मारदे हेंथे गाक्‍ब मीश मुर खोदेंशो पा इन वारच आन बगाल आ नेक्‍था लचा माल्‍नुङा?

ठेयब कुम्सो 4:16

उत्तर ङा फश, बोक्‍को। ए दक्‍खिन ङा फश, कुवो। आं रूमी फश पावो। मेको आ ब्रोव़शो रिना ङोन सम्‍म जाक्‍दील्‍ल। आं दाक्‍शो वोंइश मुर आ रूमी जाक्‍ल। मिनु मेकेर ङा नेल्‍ल क्‍येङा ब्रोव़शो फल जवल।

ठेयब कुम्सो 6:11

गो फोरो रवा ङा रू मेर दोशो कोच्‍वा दम्‍मा, दे कोव़थ लती। अङगुर बोटमी कोच्‍वा दम्‍मा कों, दारीम फू बोइश्‍शो बाक्‍मा कों मबाक्‍मा, दे कोव़थ लती।

ठेयब कुम्सो 6:2

आं दाक्‍शो वोंइश मुर आंम फल फुल रू लत। मेको आ ब्रोव़शो रिना पाइश्‍शो मस्‍ला रू मेर लत। मेको क्‍यारश भेडा योव़चा कली नु लिली फू खुप्‍चा कली लत।

ठेयब कुम्सो 8:12

तन्‍न आं के यो अङगुर रू का बाक्‍ब। ए सोलोमन, मेको हजार का चांदी के शेकेल इन केन बाक्‍ल। मिनु सहे निक्‍शी शेकेल चहिं मेको फल फुल खाल पाइ‍ब आन के बाक्‍ल।

मत्ती 18:20

मारदे हना तेकेर आं नेंमी निक्‍शी सां खुम्‍सीनीमी, मेकेर गो यो बाक्‍नुङ” दे येसुमी देंत।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

यूहन्‍ना 15:7

गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४

यूहन्‍ना 16:24

मुल सम्‍म गेपुकीमी आं नेंमी मारेइ मपुंइनी। पुनीन, मिनु इन पुंइशो ताइनीनी। मेको तशा, गेपुकी थमा पा ग्‍येरसीनीनी।

न्‍यायाधीस 11:38

मिनु येफ्‍तामी “लावो” देंशा, आ तमी कली महिना निक्‍शी सम्‍म प्रोना बाक्‍त। मिनु मेको आ वारचपुकी नु डांडा लशा ङा मीन आ कन्‍नेमीन बाक्‍शा बेक्‍चा माल्‍शो आ पर्बम ङाक्‍माक्‍त।

न्‍यायाधीस 14:11

मिनु मेकेर ङा मुरपुकीमी सिम्‍सोन कली ग्रुम्‍शा, ३० जना वोंइश मुर मेको कली वारच पचा कली चाक्‍गमे बाक्‍त।