ठेयब कुम्सो 8:1 - Sunuwar Bible1 आं ममामी इ कली दूध तुंइशो आं लोक्ब नवे हना, इ कली लाङगाम ग्रुमुनु, पुक्पु पङ वा। मिनु सुइमी आं कली मरिम्शो मदेंम वा। အခန်းကိုကြည့်ပါ။ |
ठेयब कुम्सो 8:1
40 ပူးပေါင်းရင်းမြစ်များ
मारदे हना आंइ कली आल का थिशो बाक्ब। तौ का गेशो बाक्ब। मेको आंइ कली रिम्शो पा सासन पाइब दुम्ब। मेको आ नें मार बाक्ब देंशा हना, छक लाक्चा ङा गेय पाइब, जोक्तीक तुइक्तीक अर्ती गेब, सक्ति पाइश्शो परमप्रभु, गेना हना यो बाक्ब आफ नु थुं नाइश्शा बाक्चा गेब पिप बाक्ब। यसैया २२:२२; मीका ५:१; मीका ४:३
नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
ကြော်ငြာတွေ