ठेयब कुम्सो 7:5 - Sunuwar Bible

⁵ इ पिया कारमेल डांडा खोदेंशो बाक्‍ब। इ चां पिप आ रङ खोदेंशो बाक्‍ब। मोपतीके पिपम इ कली दाक्‍शो बाक्‍ब।

ठेयब कुम्सो 7:5 ပူးပေါင်းရင်းမြစ်များ

उत्पत्ती 32:26

मिनु मेको मुरुमी “नां दाप्‍चावानु, मुल लचा गेयी” देंमाक्‍त। मिनु याकूबमी “आं कली आसीक मगेवी सम्‍म मप्रोंइनन” दे मदा बाक्‍त मत्ती १५:२२-२८

भजन संग्रह 68:24

परमप्रभु, मुरपुकीमी इन कली ताइनीम। आं परमप्रभु, आं पिप कली आ बाक्‍तीकेम लशो ताइनीम। भजन संग्रह २४:७; २सामुएल ६:१३-१५

भजन संग्रह 87:2

परमप्रभु यावेमी याकूब आ मुर आन बाक्‍तीके क्‍येङा सियोन सहर ङा गारो ङा लाप्‍चो दाक्‍ब।

हितोपदेस 5:19

मेको दारशो किश्‍श नु रिम्‍शो रोकोश खोदेंशो बाक्‍ब। मेको आ दारस नु दाक्‍तीकेमी गे गेना हना यो ग्‍येरशा बाक्‍को।

ठेयब कुम्सो 1:17

इस खिं ङा पैद्रा लेबानोन ङा लाइश्‍शो रवा के बाक्‍नीम। स‍ला के फलेकम साप्‍शो बाक्‍ब।

ठेयब कुम्सो 4:1

आं दाक्‍शो मीश आल, गे दारशो बाक्‍नेवे। गे थाम्‍पा दारशो बाक्‍नेवे। इ मिक्‍च इ सुम्‍तीके आगाम ख्रुइश्‍शो ढुकुर आ मिक्‍च खोदेंशो बाक्‍ब। इ चां गिलाद डांडा रे पा ब्रुप्‍शो क्‍यारश आन हुल खोदेंशो बाक्‍ब।

ठेयब कुम्सो 4:4

इ शुर दाऊद आ लाइश्‍शो खिं खोदेंशो बाक्‍ब। मेकेर हजार का तेक्‍तीक क्‍युक्‍शो बाक्‍नीम। मेको नेल्‍ल लडाइ पाइब आन तेक्‍तीक बाक्‍नीम।

ठेयब कुम्सो 5:11

मेको आ पिया क्‍येख सुन के खोदेंशो बाक्‍ब। मेको आ चां हिरशो नु खद खोदेंशो क्‍येर बाक्‍ब।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

मीका 7:14

गे इन मुर आन कली कोक्‍केम योव़ङीन। मेको ब्‍वाकीम बाक्‍शो बगाल इन के बाक्‍ब। मेको रिम्‍शो बाक्‍तीकेम बाक्‍नीम। मेको आन कली ङोंइती ङा खोदेंशो पा बाशान नु गिलादमी जोचा गेन। मीका ५:३; येरमीया ५०:१९

गन्‍ती 21:26

हेश्‍बोन सहर एमोरी आन पिप सीहोन आ सहर बाक्‍त। पिप सीहोनमी मोआबी आन ङोंइती ङा पिप नु लडाइ पा मेको आ रागी अरनोन खोला सम्‍म आ के सेल्‍शो बाक्‍त।

मत्ती 18:20

मारदे हना तेकेर आं नेंमी निक्‍शी सां खुम्‍सीनीमी, मेकेर गो यो बाक्‍नुङ” दे येसुमी देंत।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

एफिसी 1:22

मिनु गेमी मारेइ मारेइ आन कली येसु ख्रीस्‍त आ खोइलीमी दिम्‍पाइक्‍तीनी। थमा सुइक्‍बपुकी रां का खोदेंशो सेल्‍शा, येसु ख्रीस्‍त कली मेको रां आ पिया सेल्‍तीनी। भजन संग्रह ८:७; मत्ती २८:१८; एफिसी ४:१५

कलस्‍सी 1:18

थमा सुइक्‍बपुकी रां का बाक्‍तेक्‍म हना, येसु ख्रीस्‍त मेको रां आ पिया बाक्‍ब। मेको नेल्‍ल आन क्‍येङा ङोंइती ङा दुम्‍शा, ङोंइती बेक्‍शो रे सेंसीब यो बाक्‍ब। मोपा नेल्‍ल आन क्‍येङा ठेयब बाक्‍ब। एफिसी १:२२; प्रेरित २६:२३; १कोरिन्‍थी १५:२०; प्रकाश १:५

कलस्‍सी 2:19

मेकोपुकी पिया नु मबाक्‍शो बाक्‍नीम। मेको पियामी रां कली थुल्‍ना थुल्‍न बाक्‍मेनु, नाडी नु रुशेम बोइक्‍पाइश्‍शा, परमप्रभु यावेमी मेको रां कली कोल्‍पाइक्‍ब। एफिसी ४:१५-१६

प्रकाश 1:14

मेको आ पिया नु आ चां बुश ऊन नु फुं खोदेंशो बुश तांइसाक्‍व। आ मिक्‍च हुरुर पा ब्रशो मी खोदेंशो तांइसाक्‍व। प्रकाश २:१८; प्रकाश १९:१२