ठेयब कुम्सो 7:13 - Sunuwar Bible

¹³ आल थिपाइक्‍ब फलम ब्रोव़शो रिना फ्रशो बाक्‍नीम। नेल्‍ल खाल ङा रिम्‍शो फल आंइ लाप्‍चो आ तार बाक्नीम। आं दाक्‍शो मुर, नक नु सोव़शो फल इ कली खेक्‍शा वोइश्‍शो बाक्‍नुङ।

ठेयब कुम्सो 7:13 ပူးပေါင်းရင်းမြစ်များ

उत्पत्ती 30:14

मिनु काबु रूबेनमी चेरब रिक्‍ची ना आल थिपाइक्‍ब फल थिदा बाक्‍त। मिनु आ ममा लेआ कली गेवा बाक्‍त। मिनु राहेलमी लेआ कली “इ तौ आ चाक्‍शो फल आं कली का निक्‍शी गेयी” देंमाक्‍त।

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 4:13

इ रू दारीम रू खोदेंशो बाक्‍ब। मेकेर नेल्‍ल क्‍येङा रिम्‍शो फल फुल बाक्‍नीम। हेन्‍ना बुटा नु ब्रोव़शो रिना पाइब तेल बाक्‍नीम।

ठेयब कुम्सो 4:16

उत्तर ङा फश, बोक्‍को। ए दक्‍खिन ङा फश, कुवो। आं रूमी फश पावो। मेको आ ब्रोव़शो रिना ङोन सम्‍म जाक्‍दील्‍ल। आं दाक्‍शो वोंइश मुर आ रूमी जाक्‍ल। मिनु मेकेर ङा नेल्‍ल क्‍येङा ब्रोव़शो फल जवल।

ठेयब कुम्सो 6:11

गो फोरो रवा ङा रू मेर दोशो कोच्‍वा दम्‍मा, दे कोव़थ लती। अङगुर बोटमी कोच्‍वा दम्‍मा कों, दारीम फू बोइश्‍शो बाक्‍मा कों मबाक्‍मा, दे कोव़थ लती।

ठेयब कुम्सो 8:1

आं ममामी इ कली दूध तुंइ‍शो आं लोक्‍ब न‍‍वे हना, इ कली लाङगाम ग्रुमुनु, पुक्‍पु पङ वा। मिनु सुइमी आं कली मरिम्‍शो मदेंम वा।

यसैया 23:18

मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।

मत्ती 13:52

मिनु येसुमी “स्‍वर्ग ङा राज्‍य आ पर्बम शेंसीशो जोक्‍ब तुइक्‍ब दुम्‍शो मुर खिं ङा होव़प खोदेंशो बाक्‍ब। मेकोमी आ भकारी रे माइत नु नक थोव़क शोल्‍ने चाप्‍ब” देंत।

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

यूहन्‍ना 15:8

गेपुकी आं शेंसीब दुम्‍शा, शुश फल सिप्‍ब दुम्‍तीनी हना, आं आफ आ सक्ति कोंइनीनी। मोपा गेपुकी आं शेंसीब दुम्‍नीनी। मत्ती ५:१६

१ कोरिन्‍थी 16:2

हप्‍ता ङा ङोंइती नाक्‍ती गे नेल्‍लेमी आंम के बाक्‍शो रे हेंशा, गो ओशो गेने चाप्‍नुङ, दे वोतीने। मो पाइतीनी हना, गो जाक्‍ङानु, क्‍येट मबा दे खिं खिं हिरशा पुंइशा गाक्‍चा ममाल्‍नीनी। प्रेरित २०:७

१ कोरिन्‍थी 2:9

मिनु “मिक्‍चीम मतशो, नोफाम मनेंशो, मुर आन थुंमी ममिम्‍शो लोव़ परमप्रभु यावेमी आ कली दाक्‍ब आन कली तुइक्‍पाइश्‍शा, रुप्‍चा गेम्‍तीमी” दे ब्रेक्‍शो बाक्‍ब। यसैया ६४:४

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

कलस्‍सी 3:17

मार मार लोव़पुकी, गेयपुकी, मारेइ मारेइ पनीनु, नेल्‍ल प्रभु येसु आ नेंमी पने। इं आफ परमप्रभु यावे कली “गे रिम्‍शो पाइतीनी” दे येसु आ नेंमी देनीन। १कोरिन्‍थी १०:३१

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७