ठेयब कुम्सो 5:2 - Sunuwar Bible

² गो गोल्‍‍ती, तन्‍न मइम्‍ङ। नेनीन, आं दाक्‍शो मुरुमी लाप्‍चो ख्रोकोल पाप्‍तु। “आं समी, आं दाक्‍शो मीश आल, आ ढुकुर, मारेइ मारेइम रिम्‍शो बाक्‍‍शो मीश आल लाप्‍चो रोक्‍को। आं पिया सीतम जिश्‍शो बाक्‍ब। आं चां नाक्‍दो ङा सीतम जिश्‍शो बाक्‍ब” देंत।

ठेयब कुम्सो 5:2 ပူးပေါင်းရင်းမြစ်များ

उत्पत्ती 29:20

मिनु याकूबम राहेल आ पर्बम ७ बर्स गेय पवा बाक्‍त। मेको ७ बर्स याकूब कली नाक्‍त का निक्‍शी खोदेंशो पा लमाक्‍त। मारदे हना राहेल कली शुश दाक्‍ता बाक्‍त।

भजन संग्रह 119:1

सु सु रिम्‍शो पाइनीमी नु दोस मताइब बाक्‍नीमी, मेको ग्‍येरसीशो मुर बाक्‍नीम। मारदे हना मेकोपुकीमी परमप्रभु यावे आ अरेशो टिशो बाक्‍नीम। भजन संग्रह ११२:१-२

भजन संग्रह 81:10

गो परमप्रभु यावे, इन परमप्रभु नङ। गो इन कली इजीप्‍त रे ग्रुंइशा एक चाक्‍तन्‍नी। इन शोव़ पाक्‍कीन, मिनु गो प्रिंनन्‍नी।

हितोपदेस 23:26

आं तौ, इ थुं आं कली गेयी। आं पशो कोव़ङो।

ठेयब कुम्सो 1:16

ए आं दाक्‍शो मुर, गे यो दारशो बाक्‍नेवे। थमा पा दारशो बाक्‍नेवे। इस ब्राख्‍ये गिग बाक्‍ब।

ठेयब कुम्सो 2:10

आं दाक्‍शो मुरुमी आं कली “आं नेल्‍ल क्‍येङा दाक्‍शो नु आं दार‍शो मीश आल बोक्‍को। मिनु गो नु गाक्‍को” देंत। ठेयब कुम्‍सो २:१३

ठेयब कुम्सो 2:14

पहाड मेर ङा पोव़ला मेर, सेरथे फुल्‍लु मेर बाक्‍ब आं दाक्‍शो ढुकुर, इ कुल कोंइदी। इ सेंदा नेंचा तङल। मारदे हना इ सेंदा रिम्‍शो बाक्‍ब। मिनु इ कुल दारशो बाक्‍ब।

ठेयब कुम्सो 2:8

लो आं दाक्‍शो मुर, आ सेंदा नेनीन। कोव़ङीन, मेको पहाड मेर प्रेक्‍ना प्रेक्‍न, डांडा मेर दोरना दोरन जाक्‍शो बाक्‍ब।

ठेयब कुम्सो 3:1

गो नाक्‍दो रे आं ब्राख्‍येम आं दाक्‍शो वोंइश मुर कली माल्‍ता। गो मेको कली ब्रेत्‍ताक्‍ङ। तन्‍न मेकोम लोव़ मलेत्‍ती। ठेयब कुम्‍सो ५:६

ठेयब कुम्सो 4:7

आं दाक्‍शो मीश आल गे नेल्‍लेम दारशो बाक्‍नेवे। इ के मारेइ मरिम्‍शो मबाक्‍ब।

ठेयब कुम्सो 4:9

ए आं समी, आं ग्‍युम्‍ली, गे आं कली कोव़शा, आं थुं खुइ पाप्‍तीवी। इ माला के गेडा कामीन आं थुं खुइ पाप्‍तीवी।

ठेयब कुम्सो 5:11

मेको आ पिया क्‍येख सुन के खोदेंशो बाक्‍ब। मेको आ चां हिरशो नु खद खोदेंशो क्‍येर बाक्‍ब।

ठेयब कुम्सो 5:6

मिनु गो आं दाक्‍शो मुर कली लाप्‍चो रोक्‍ता, तन्‍न मेको गाक्‍ने थुमा बाक्‍त। मेको मेकेर मबा। मेको गाक्‍तीके गो सुर्ता पाता। गो मेको कली माल्‍ता। तन्‍न मथिदु। गो मेको कली ब्रेत्‍ताक्‍ङ। तन्‍न मेकोम लोव़ मलेत्‍ती।

ठेयब कुम्सो 6:9

आं मीश आल, आं ढुकुर, आं नेल्‍ल क्‍येङा दारशो मीश आल, आ ममामी दाक्‍शो तमी बाक्‍ब। आ ममामी “थम दारशो मीश आल बाक्‍ब” देंब। मिनु मीश आलपुकीम मेको कली तशा “ग्‍येरसीशो मीश आल बाक्‍ब” देंतेक्‍म। पिपीम नु नोले चाक्‍शो मीशपुकीम मेको कली ठेयब सेल्‍तेक्‍म।

ठेयब कुम्सो 7:9

इ पुक्‍पु पाइश्‍शो ब्रोव़शो अङगुर शांबु खोदेंशो बाक्‍ब। अङगुर शांबु शोव़ नु ख्रुइ रे ओंखां पा शाइश्‍शो खोदेंशो बाक्‍ब।

ठेयब कुम्सो 8:7

शुश ब्‍वाक्‍कुमी दाक्‍तीक कली क्‍याम्‍ने मचाप्‍ब। बारशो खोलामी यो मेको कली योल्‍ने मचाप्‍ब। सुइ मुरुमी आंम दाक्‍तीक आ पा ङा खिं नु आ शोंप नेल्‍ल गेप्‍तु हना, मुरुमी मेको कली शुक्‍शी पाइनीम।

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 52:14

मिनु शुश मुर मेको कली तशा हिंतेक्‍म। मारदे हना मेको काइ मरिम्‍शो तांइसीशो बाक्‍त। मुर मोदेंशो मरिम्‍शो मतांइसीनीम। आ रां यो मुर आन रां क्‍येङा मरिम्‍शो बाक्‍त। मिनु मेको कली तशा, मुरपुकी हिंतेक्‍म।

दानीएल 8:18

मिनु मेकोमी आं कली लोव़ पवानु, गो खपीमी दिङ गोल्‍शा बाप्‍शा, थशो खोदेंशो दुम्‍ती। मिनु मेकोमी आं कली थिशा, पोक्‍शा राप्‍पाइक्‍ती।

जकरिया 4:1

मिनु गो नु लोव़ पाइब, स्‍वर्ग ङा गेय पाइब लेंशा जाक्‍‍त। मेकोमी आं कली मुर कली निन्‍द्रा रे पा पोक्‍शो खोदेंशो पा सेंपाइक्‍ती।

मत्ती 7:8

मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़ङा? दे लाप्‍चो ख्रोकोल पाइबा, मेको ओव़चा ताइब।

मत्ती 8:17

मो पवानु, साइ नेसी यसैयामी देंशो लोव़ “मेकोमी आंइ गुरपाइक्‍ब रोइ लाइक्‍तु। आंइ रोइ नेल्‍ल कुरतु” देंशो लोव़ थमा दुम्‍माक्‍त। यसैया ५३:४

मर्कूस 1:35

आ दीसा सुनी नां मसोव़थु, येसु बोक्‍शा मेकेर रे गाक्‍शा, सुइ मबाक्‍तीकेमी जाक्‍दीश्‍शा, प्रार्थना पवा बाक्‍त। मत्ती १४:२३; मत्ती २६:३६; लूका ५:१६; लूका ११:१

लूका 22:44

मिनु लेंशा आ थुं खाइश्‍शा पुना बाक्‍त। आ थुं खाइश्‍शा पुनानु, आ पस्‍ना हुश खोदेंशो दुम्‍शा खपीम दोक्‍माक्‍त।

लूका 6:12

काबु येसु डांडा का ङोइश्‍शा, नाक्‍दो रे परमप्रभु यावे कली प्रार्थना पवा बाक्‍त। मर्कूस १:३५

लूका 9:32

मेको सांफा मोदेंशो लोव़ पामेनु, पत्रुस, यूहन्‍ना नु याकूब मारेइ मतुइक्‍चा ङा पा निन्‍द्रा पामे बाक्‍त। तन्‍न मेको आ ङोंइती येसु नु मुर निक्‍शी राप्‍शो तामे बाक्‍त। येसु आ छेङछेङम मेको निक्‍शी नु बाक्‍शो तामे बाक्‍त।

यूहन्‍ना 10:4

मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

एफिसी 5:14

मोपतीके “ए निन्‍द्रा पाइब, बोक्‍को। मिनु बेक्‍शो रे सेंसीशा बाक्‍को। मो पवीनु, ख्रीस्‍तमी इ कली आ छेङछेङ गेब” देंशो बाक्‍ब। यूहन्‍ना ३:२०-२१; रोमी १३:११; यसैया ६०:१; यूहन्‍ना ८:१२

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

प्रकाश 3:20

नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। यूहन्‍ना १४:२३

प्रकाश 3:4

मिनु सारडीस सहर ङा थमा सुइक्‍ब आन ग्रुम्‍तीकेमी का निक्‍शी रिम्‍शो पा थमा सुइक्‍ब यो बाक्‍नीम। मेकोपुकीमी पाप मपाम, मोपा आन वा मलुम्‍सीशो बाक्‍ब। मारदे हना मेको आन नाक्‍त किंत ङा गेय परमप्रभु यावे कली गारब। मोपतीके मेकोपुकी गो नु बुश वा फेक्‍शा, हिरचा शिरनीम। यहूदा :२३