ठेयब कुम्सो 5:16 - Sunuwar Bible

¹⁶ ए यरूसलेम ङा मीश आलपुकी, मेको आ शोव़ ब्रोव़शो लोव़मी ब्रीशो बाक्‍ब। मेको थम दारशो बाक्‍ब। मेकोन आं दाक्‍शो वोंइश मुर नु आं वारच बाक्‍ब।

ठेयब कुम्सो 5:16 ပူးပေါင်းရင်းမြစ်များ

२ सामुएल 1:23

सावल नु योनाथन दाक्‍मुबाक्‍ताक्‍स। अरुम यो दाक्‍चा पुंइसाक्‍स। ब्रोंइसा नु बेक्‍सा नु यो काथा दुम्‍‍ताक्‍स। मेको निक्‍शी ककाकुली क्‍येङा यो रीब पा पाइब बाक्‍ताक्‍स। गुप्‍स क्‍येङा यो बोल्‍यो बाक्‍ताक्‍स।

भजन संग्रह 119:103

इन देंशो लोव़ ब्रोव़शो बाक्‍ब। मेको खुदो क्‍येङा यो जिजी बाक्‍ब।

भजन संग्रह 148:13

मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।

भजन संग्रह 19:10

मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब।

भजन संग्रह 45:2

गे वोंइश मुर आन दातेमी नेल्‍ल क्‍येङा रिम्‍शो बाक्‍नीनी। इन लोव़ यो शुश रिम्‍शो बाक्‍ब। मारदे हना परमप्रभुमी इन कली गेना हना यो लीब आसीक गेशो बाक्‍ब।

भजन संग्रह 89:6

सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? १राजा २२:१९

ठेयब कुम्सो 1:16

ए आं दाक्‍शो मुर, गे यो दारशो बाक्‍नेवे। थमा पा दारशो बाक्‍नेवे। इस ब्राख्‍ये गिग बाक्‍ब।

ठेयब कुम्सो 1:2

मेकोमी आं कली पुक्‍पु पवल। मारदे हना इन दाक्‍तीके अङगुर शांबु क्‍येङा यो रिम्‍शो बाक्‍ब।

ठेयब कुम्सो 1:5

गो क्‍येर बाक्‍ती हना यो, दारशो बाक्‍नुङ। ए यरूसलेम ङा तमीपुकी, गो केदार आ ताम्‍बु नु सोलोमन आ फारतीक वा खोदेंशो क्‍येर बाक्‍नुङ। आं कली आइक्‍च ममिम्‍तीन।

ठेयब कुम्सो 2:1

गो शारोन ङा गुलाफ नु बेंसी ङा लिली फू नङ।

ठेयब कुम्सो 2:16

आं दाक्‍शो वोंइश आल आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 4:3

इ शुंइच लल डोरी खोदेंशो बाक्‍ब। इ शोव़ थम दारशो बाक्‍ब। इ सुम्‍तीके आगाम इ चोव़चो चेश्‍शो दारीम खोदेंशो बाक्‍नीस। ठेयब कुम्‍सो ६:७

ठेयब कुम्सो 6:3

आं दाक्‍शो वोंइश मुर आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६

ठेयब कुम्सो 7:9

इ पुक्‍पु पाइश्‍शो ब्रोव़शो अङगुर शांबु खोदेंशो बाक्‍ब। अङगुर शांबु शोव़ नु ख्रुइ रे ओंखां पा शाइश्‍शो खोदेंशो बाक्‍ब।

येरमीया 15:16

इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

येरमीया 3:20

तन्‍न दोपा थमा सुइक्‍ने मचाप्‍ब मीश मुरुम आ वोंइश कली प्रोंइबा, मोपा गे थमा सुइक्‍ने मचाप्‍ब, इस्राएल, गे आं कली प्रोंइती” दे परमप्रभु यावेम देंत।

होसे 3:1

मिनु परमप्रभु यावेमी आं कली “इ मीशेमी अर्को वोंइश खोइश्‍शा, इ कली प्रोंइतु हना यो, मुल लशा, इ मीश कली लेंशा इ दाक्‍तीक कोंइदो। इस्राएलीपुकीमी अर्को देवी देवता आन कली दाक्‍शा आन चढ़ेशो थोव़क जचा दाक्‍ताक्‍म हना यो, परमप्रभु यावेमी इस्राएली आन कली दाक्‍ब” देंत। होसे १:२

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

फिलिप्‍पी 3:8

थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।

याकूब 2:23

मिनु अब्राहाम आ पर्बम ब्रेक्‍शो लोव़ ठीक दुम्‍माक्‍त। मार ब्रेक्‍शो बाक्‍त देंशा हना “अब्राहाममी परमप्रभु यावे कली थमा सुदा बाक्‍त। मेको थमा सुइश्‍शोमी अब्राहाम कली ठीक सेला बाक्‍त” दे ब्रेक्‍शो बाक्‍त। मिनु मुरपुकीमी अब्राहाम कली “परमप्रभु यावे आ वारच” दे याइनी नें वोदमे बाक्‍त। उत्‍पत्ती १५:६; यसैया ४१:८

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५