ठेयब कुम्सो 5:14 - Sunuwar Bible

¹⁴ मेको आ गुइ हीरा केप्‍शो सुन के खोदेंशो बाक्‍ब। मेको आ रां हात्ती आ दाराम नीलो हीरा क्‍येप्‍शो खोदेंशो बाक्‍ब।

ठेयब कुम्सो 5:14 ပူးပေါင်းရင်းမြစ်များ

अय्‍युब 28:16

रुप्‍तीके कली ओफीर ङा सुन, शुश क्येट लाइब ओनीक्‍स नु साफीर माइश्‍शो हीरामी यो ग्‍याप्‍ने मचाप्‍नीम।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

प्रस्‍थान 15:6

परमप्रभु यावे, इन सक्ति ठेयब बाक्‍ब। इन सक्तिमी इन जोरी सत्रु आन कली थुम्‍पाइक्‍तीनी।

प्रस्‍थान 24:10

मिनु मेकोपुकीमी इस्राएली आन परमप्रभु कली ताम्‍तेक्‍म। आ बाक्‍तीक बास साफीर माइश्‍शो हीरा खोदेंशो दिंम का बाक्‍शो बाक्‍त। मेको हाक्‍शो सरीङ खोदेंशो नीलो बाक्‍‍त। इजीकीएल १:२६

प्रस्‍थान 28:18

मेको आ नोले ङा लस्‍कर लल फिरोजा माइश्‍शो हीरा, बुश नीर माइश्‍शो हीरा नु बुश नु नीलो पन्‍ना माइश्‍शो हीरा वोइक्‍पाइक्‍चा माल्‍नेवे।

प्रस्‍थान 28:20

मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा वोइक्‍पाइक्‍चा माल्‍नेवे। मोपा हीरा नेल्‍ल आन कली सुनम क्‍येप्‍पाइक्‍चा माल्‍नेवे।

प्रस्‍थान 39:13

मिनु नेल्‍ल क्‍येङा नोले ङा लस्‍कर पीतमनी माइश्‍शो हीरा, लल रङ ङा ओनीक्‍स नु नीलो बिलौरा माइश्‍शो हीरा क्‍येप्‍ताक्‍म। मोपा हीरा नेल्‍ल कली सुनम क्‍येप्‍ताक्‍म।

ठेयब कुम्सो 7:2

इ सपु कुल कुल देंशो बोस खोदेंशो बाक्‍ब। मेकेर ब्‍वाइश्‍शो अङगुर शांबुम ब्रीशो बाक्‍ब। इ कोव़ज लिली फूपुकीमी हिरशो पुक्‍शो चेरब खोदेंशो बाक्‍ब।

यसैया 52:13

कोव़ङीन, आं गेय पाइबम ग्राना ग्रान गाक्‍ब। मेको मान पा ठेयब सेल्‍चा पुंइसीशा, थम ठेयब दुम्‍ब।

यसैया 54:11

मिनु लेंशा “गे श्‍येत जाइब, फश गिवारम राप्‍चा पुंइसीशा, थुं बारपाइक्‍चा मपुंइसीशो, गो इ गारो बोल्‍यो सेल्‍नुङ। मिनु इ जग साफीर माइश्‍शो नीलो हीरा के सेल्‍नुङ। प्रकाश २१:१८-२१

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

इजीकीएल 1:16

मेको गुगील दोदेंशो बाक्‍तेक्‍म देंशा हना, मेको जिल जिल पाइब पीत मनी माइश्‍शो हीरा खोदेंशो बाक्‍तेक्‍म। मेको गुगील आगाम अर्को गुगील बाक्‍तेक्‍म।

दानीएल 10:6

मिनु मेको आ रां बेरील माइश्‍शो हीरा खोदेंशो बाक्‍त। आ कुल चिला खोदेंशो बाक्‍त। आ मिक्‍च ब्रशो तोव़शी खोदेंशो बाक्‍त। मेको आ गुइ खोइली थाम्‍पा खुइश्‍शो कांसा खोदेंशो पा टल्‍केशो बाक्‍तेक्‍म। मेको आ सेंदा शुश मुर आन लोव़ पशो खोदेंशो नेंसाक्‍ब। इजीकीएल १:२७-२८