ठेयब कुम्सो 5:13 - Sunuwar Bible

¹³ मेको आ चोव़चो ब्रोव़शो रिना पाइब मस्‍ला खोदेंशो बाक्‍ब। मेको आ शुंइच ब्रोव़शो रिना पाइश्‍शो मूरे याप्‍ब लिली फू खोदेंशो बाक्‍ब।

ठेयब कुम्सो 5:13 ပူးပေါင်းရင်းမြစ်များ

भजन संग्रह 27:4

गो परमप्रभु यावे नु लोव़ का पुंइनुङ। मिनु मेको माल्‍ना माल्‍न बाक्‍नुङ। मेको मार बाक्‍ब देंशा हना “गो मबेक्‍ङा सम्‍म परमप्रभु यावे आ बाक्‍तीकेमी बाक्‍शा, परमप्रभु यावे आ रिम्‍शो पतीके तचा नु आ खिंम मेको कली माल्‍शा तुइक्‍चा दाक्‍नुङ। भजन संग्रह २६:८; भजन संग्रह ४२:५; भजन संग्रह ६३:३; भजन संग्रह ८४:४,५,११

भजन संग्रह 45:2

गे वोंइश मुर आन दातेमी नेल्‍ल क्‍येङा रिम्‍शो बाक्‍नीनी। इन लोव़ यो शुश रिम्‍शो बाक्‍ब। मारदे हना परमप्रभुमी इन कली गेना हना यो लीब आसीक गेशो बाक्‍ब।

भजन संग्रह 45:3

गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।

भजन संग्रह 89:15

इन कली ग्‍येरशा ठेयब सेल्‍बपुकी ग्‍येरसीशो मुर बाक्‍नीम। मारदे हना मेकोपुकी, परमप्रभु यावे, इन ङोंइती ङा छेङछेङमी गाक्‍नीम।

ठेयब कुम्सो 1:10

गहना पांइसीशो इ चोव़चो गिश दारशो बाक्‍ब। सिक्री पांइसीशो इ शुर थम दारशो बाक्‍ब।

ठेयब कुम्सो 1:16

ए आं दाक्‍शो मुर, गे यो दारशो बाक्‍नेवे। थमा पा दारशो बाक्‍नेवे। इस ब्राख्‍ये गिग बाक्‍ब।

ठेयब कुम्सो 2:1

गो शारोन ङा गुलाफ नु बेंसी ङा लिली फू नङ।

ठेयब कुम्सो 3:6

गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।

ठेयब कुम्सो 4:11

इ शोव़ रे फू आ रस खोदेंशो याप्‍ब। ए आं ग्‍युम्‍ली, इ लें आगाम दूध नु खुदो बाक्‍ब। इ वा ङा ब्रोव़शो रिना लेबानोन ङा रिना खोदेंशो बाक्‍ब।

ठेयब कुम्सो 5:5

मिनु गो आं दाक्‍शो वोंइश मुर कली लाप्‍चो रोक्‍चा कली बोक्‍ती। आं गुइ रे ब्रोव़शो रिना पाइश्‍शो मूरे याप्‍त। मिनु आं ब्रेप्‍चो रे ब्रोव़शो रिना पाइश्‍शो मूरे याप्‍शा आग्‍लोम लुम्‍साक्‍व।

ठेयब कुम्सो 6:2

आं दाक्‍शो वोंइश मुर आंम फल फुल रू लत। मेको आ ब्रोव़शो रिना पाइश्‍शो मस्‍ला रू मेर लत। मेको क्‍यारश भेडा योव़चा कली नु लिली फू खुप्‍चा कली लत।

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

लूका 4:22

नेंबपुकीमी मेको आ पर्बम रिम्‍शो लोव़ पामे बाक्‍त। येसु आ रिम्‍शो लोव़ नेंशा छक लाक्‍शा “एको योसेफ आ तौ ममाइ ङा?” देंमुमा बाक्‍त। लूका ३:२३

प्रकाश 21:23

मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०