ठेयब कुम्सो 4:15 - Sunuwar Bible

¹⁵ मेको रू ङा ब्‍वाक्‍कु बुक्‍तीक ब्रोव़शो ब्‍वाक्‍कु बुक्‍तीक बाक्‍ब। मिनु लेबानोन रे पा शाइश्‍शो खोला बाक्‍नीम।

ठेयब कुम्सो 4:15 ပူးပေါင်းရင်းမြစ်များ

भजन संग्रह 46:4

मिनु ठेयब खोला का बाक्‍ब। मेको रे पा ब्राशो आइक्‍च खोलापुकीमी परमप्रभु आ बाक्‍तीके सहर कली ग्‍येरपाइक्‍नीम। मेको नेल्‍ल क्‍येङा ठेयब आ बाक्‍तीके सहर बाक्‍त। यसैया १२:५

हितोपदेस 5:16

इ बुक्‍शो ब्‍वाक्‍कु, लां मेर लचा गेनेवे? अरु मीश रे थिशो आल लांमी बाक्‍मानु, इ कली रिम्‍शो दुम्‍बा?

हितोपदेस 5:18

इ बुक्‍शो ब्‍वाक्‍कुम आसीक तवल। इ ठिटा बाक्‍ची ना ग्‍युंबे पशो मीश आल नु ग्‍येरसीशा बाक्‍को। उपदेसक ९:९

उपदेसक 2:6

रिम्‍शो पा बारना बारन ल‍शो रवा आन कली ब्‍वाक्‍कु लुक्‍चा कली ठेयब दोम्‍ली सेल्‍तामी।

ठेयब कुम्सो 4:12

ए आं समी, आं ग्‍युम्‍ली, गे चोक्‍शा वोइश्‍शो रू नु सुशा वोइश्‍शो ब्‍वाक्‍कु बुक्‍तीक खोदेंशो बाक्‍नेवे।

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

येरमीया 2:13

मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८

जकरिया 14:8

मेको नाक्‍त यरूसलेम रे पा ब्रोंइचा गेब ब्‍वाक्‍कु शाइश्‍शा यीब। मिनु मेको उइक्‍थ पूर्ब ङा समुन्‍द्र गे नु उइक्‍थ पच्‍छिम ङा समुन्‍द्र गे शाइक्‍ब। मेको होशो नु सिक्‍‍शो नेल्‍ल नाक्‍त शाइक्‍ब। इजीकीएल ४७:१-८

यूहन्‍ना 4:10

मिनु येसुमी मेको मीश मुर कली “परमप्रभु यावेमी इ कली मार गेचा दाक्‍ब, दे तुइक्‍ताक्‍वी हना, नु ब्‍वाक्‍कु पुंइब, आं कली, सु बाक्‍नुङ, दे तुइक्‍ताक्‍वी हना, आं कली ‘ब्‍वाक्‍कु गेयी’ दे पुंइदी वा। मिनु ब्रोंइचा गेब ब्‍वाक्‍कु गेन वा” दे मदा बाक्‍त। यूहन्‍ना ७:३८-३९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 7:38

सु सुमी आं कली थमा सुइक्‍नीमी, मेको आन रां रे ब्रोंइचा गेब ब्‍वाक्‍कु बुक्‍ब, दे परमप्रभु यावे आ लोव़मी ब्रेक्‍शो बाक्‍ब” दे शेंताक्‍मी। यसैया ५८:११; येरमीया ३१:१२

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०