ठेयब कुम्सो 4:13 - Sunuwar Bible

¹³ इ रू दारीम रू खोदेंशो बाक्‍ब। मेकेर नेल्‍ल क्‍येङा रिम्‍शो फल फुल बाक्‍नीम। हेन्‍ना बुटा नु ब्रोव़शो रिना पाइब तेल बाक्‍नीम।

ठेयब कुम्सो 4:13 ပူးပေါင်းရင်းမြစ်များ

भजन संग्रह 92:14

मिनु मेकोपुकी शुश बर्स दुम्‍मानु यो, फल सित्‍नीम। मेकोपुकी गिग नु नक ङा नक लीनीम।

उपदेसक 2:5

गो फल फुल रूपुकी नु बाक्‍तीकपुकी यो सेल्‍शा मेकेर नेल्‍ल खाल ङा फल फुल रवापुकी ख्रुम्‍तामी।

ठेयब कुम्सो 1:12

पिप आ इप्‍तीकेमी बाक्‍मेनु, आं तेल थम ब्रोव़शो रिना पाइक्‍तु।

ठेयब कुम्सो 1:14

आं दाक्‍शो मुर एन-गेदी ङा अङगुर रूमी वाशो हेन्‍ना फू खोदेंशो बाक्‍ब।

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 4:14

ब्रोव़शो रिना पाइब तेल, हाव सुप्‍तीके, सुप्‍तीक बोट, सिन्‍कौली, शुश खाल ङा ब्रोव़शो रिना पाइश्‍शो धूप रवा, मूरे, ब्रोव़शो रिना पाइश्‍शो शी के रवा नु नेल्‍ल खाल ङा ब्रोव़शो रिना पाइश्‍शो मस्‍ला बाक्‍नीम।

ठेयब कुम्सो 4:16

उत्तर ङा फश, बोक्‍को। ए दक्‍खिन ङा फश, कुवो। आं रूमी फश पावो। मेको आ ब्रोव़शो रिना ङोन सम्‍म जाक्‍दील्‍ल। आं दाक्‍शो वोंइश मुर आ रूमी जाक्‍ल। मिनु मेकेर ङा नेल्‍ल क्‍येङा ब्रोव़शो फल जवल।

ठेयब कुम्सो 6:11

गो फोरो रवा ङा रू मेर दोशो कोच्‍वा दम्‍मा, दे कोव़थ लती। अङगुर बोटमी कोच्‍वा दम्‍मा कों, दारीम फू बोइश्‍शो बाक्‍मा कों मबाक्‍मा, दे कोव़थ लती।

ठेयब कुम्सो 6:2

आं दाक्‍शो वोंइश मुर आंम फल फुल रू लत। मेको आ ब्रोव़शो रिना पाइश्‍शो मस्‍ला रू मेर लत। मेको क्‍यारश भेडा योव़चा कली नु लिली फू खुप्‍चा कली लत।

ठेयब कुम्सो 8:2

मिनु गो इ कली आं ममा आ खिं, आं जरमेसीशो कोठाम चाक्‍गु वा। मेकेर लाइश्‍शा ब्रोव़शो मार मार सुप्‍शो दारीम शांबु तूचा गेङ वा। मेको आं दारीम रे सेल्‍शो बाक्‍ब। ठेयब कुम्‍सो ३:४

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:11

दोपा रूमी बाली नाली वापाइक्‍बा नु मेकेर वांचेर वापाइक्‍बा, मोपा परमप्रभु, परमप्रभु यावेमी ठीक पतीके नु ठेयब सेल्‍तीके रागी रागी ङा मुर आन ङोंइती दुम्‍पाइक्‍ब” देंत।

योएल 2:8

मेकोपुकी मचुमुथु गाक्‍शा, लां का खोइक्‍नीम। मिनु या कुरशो आन जोरी सत्रु आन हुलम ओव़नीम। मिनु सुइमी मेको आन कली तेक्‍ने मचाप्‍नीम।

मर्कूस 14:3

येसु बेथानीमी कोर पाइब सिमोन आ खिंमी खमे जना जन बाक्‍मेनु, मीश मुर कामी शुश क्‍येट लाइब ब्रोव़शो रिना पाइश्‍शो तेल कुरशा जाक्‍शा, मेको तेल येसु आ पियामी लुक्‍ता बाक्‍त।

यूहन्‍ना 12:3

मिनु मरीयममी मार पाप्‍तु देंशा हना, लित्रा का शुश क्‍येट लाइक्‍ब ब्रोव़शो रिना पाइश्‍शो तेल येसु आ खोइलीमी ख्रेक्‍ताक्‍व। मिनु आ चांमी फिक्‍ताक्‍व। मो पशा खिं गा नेल्‍ल ब्रोव़शो रिना पपाइक्‍तु। लित्रा का ३२७ ग्राम खोदेंशो बाक्‍ब। लूका ७:३८

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९