ठेयब कुम्सो 3:11 - Sunuwar Bible

¹¹ ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।

ठेयब कुम्सो 3:11 ပူးပေါင်းရင်းမြစ်များ

भजन संग्रह 48:11

सियोन डांडा ग्‍येरसेक्‍ल। यहूदा ङा सहर नेल्‍ले इन निसाफ पशोमी ग्‍येरसमल।

भजन संग्रह 9:14

मिनु ब्रोंइशा, गो परमप्रभु आ योव़शो सियोन ङा ठेयब लाप्‍चोम मुर आन कली “परमप्रभुमी आं कली श्‍येत रे प्रोंइती” दे इन कली ठेयब सेल्‍शा, ग्‍येरसीशा तुइक्‍पाइक्‍नुङमी। भजन संग्रह २२:२३; भजन संग्रह १३:६

ठेयब कुम्सो 1:5

गो क्‍येर बाक्‍ती हना यो, दारशो बाक्‍नुङ। ए यरूसलेम ङा तमीपुकी, गो केदार आ ताम्‍बु नु सोलोमन आ फारतीक वा खोदेंशो क्‍येर बाक्‍नुङ। आं कली आइक्‍च ममिम्‍तीन।

ठेयब कुम्सो 2:7

मेकोमी “ए, यरूसलेम ङा तमीपुकी, गो इन कली, किश्‍श नु रोको‍श आन नेंमी अरेनुङ। आंम दाक्‍चा क्‍येङा ङोंइती दाक्‍तीक कली मपोक्‍कीन” देंत। ठेयब कुम्‍सो ८:३-४

ठेयब कुम्सो 7:11

आं दाक्‍शो मुर जाक्‍कीन। मिनु रू मेर हिरथ लस। मिनु नाक्‍दो गाउं मेर बास बाक्‍स।

ठेयब कुम्सो 8:5

आंम दाक्‍शो मुर नु क्‍येम्‍सीशा, गोरशो रागी रे जाक्‍ब सु बाक्‍बा? गो स्‍याउ रवा आ पुंमी इन कली सेंताक्‍ङ। मेकेर इन ममामी इन कली कुरतु। मेकेर इन कली थिचा कली आल थितीक रोइ पाप्‍तु।

यसैया 4:4

परमप्रभु यावेमी सियोन ङा तमी नु यरूसलेम ङा मुर आन पाप निसाफ पतीक नु क्‍याम्‍तीकेमी क्‍याम्‍ताक्‍व हना,

यसैया 53:11

मेको आ श्‍येत जशो रे मेकोमी छेङछेङ ताइब। मेको आ तुइक्‍तीकेमी शुश मुर आन कली ठीक पतीके तुइक्पाइक्‍ब। मेकोमी आन मरिम्‍शो पशो कुरब। १कोरिन्‍थी १:३०; यूहन्‍ना १:२९

यसैया 62:5

दोपा ठिटा वोंइश मुरुम मीश आल कली ग्‍युंबे पाइबा, मोपा इ कली सेल्‍बमी इ कली ग्‍युं‍बे पाइब। मिनु दोपा ग्‍युम्‍ले आ ग्‍युम्‍ली कली तशा ग्‍येरसीबा, मोपा परमप्रभु इ कली तशा ग्‍येरसीब।

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

सेफन्‍याह 3:17

परमप्रभु यावे, इन परमप्रभु इन दातेमी बाक्‍ब। मेको बोल्‍यो बाक्‍शा, श्‍येत रे प्रोंइब बाक्‍ब। मेको इन कली तशा, शुश ग्‍येरशो बाक्‍ब। मेकोमी आ दाक्‍तीकेमी इन कली नक मुर सेल्‍ब। मेकोमी इन कली तशा ग्‍येरशा कुम्‍सो पाइब। यसैया ६२:५

जकरिया 6:11

मेको सुन नु चांदी रे पा सिरपेच का सेलो। मिनु मेको सिरपेच लाइश्‍शा, यहो-सादाक आ तौ नेल्‍ल क्‍येङा ठेयब चढ़ेब यहोसु आ पियामी गुप्‍तो। जकरिया ३:८

मत्ती 12:42

निसाफ पची नाक्‍त लुक्‍च रागी ङा पिपीम बोक्‍शा, एको पाला ङा मुर आन कली दोसी सुइक्‍ब। मारदे हना मेकोमी ङोन रे कुशा, पिप सोलोमनमी दोदेंशो निप्‍स पा हुकुम पवा, दे कोव़थ जाक्‍माक्‍त। नेनीने, एकेर सोलोमन क्‍येङा ठेयब का बाक्‍ब। १राजा १०:१-१०

लूका 15:32

इ लोक्‍ब चहिं बेक्‍शा रे ब्रोंइत। जाम्‍शो रे थिस्‍साक्‍व। मोपतीके गो नेल्‍ल ग्‍येरसय’ देंमाक्‍त” दे येसुमी शेंदीमी बाक्‍त।

यूहन्‍ना 15:11

इन कली एको लोव़ मारदे पाता देंशा हना, आं ग्‍येरशो थुं इन थुंमी लील। मिनु इन थुं ग्‍येरसीशा बाक्‍ल, दे एको लोव़ पाता। यूहन्‍ना १७:१३

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

कलस्‍सी 1:18

थमा सुइक्‍बपुकी रां का बाक्‍तेक्‍म हना, येसु ख्रीस्‍त मेको रां आ पिया बाक्‍ब। मेको नेल्‍ल आन क्‍येङा ङोंइती ङा दुम्‍शा, ङोंइती बेक्‍शो रे सेंसीब यो बाक्‍ब। मोपा नेल्‍ल आन क्‍येङा ठेयब बाक्‍ब। एफिसी १:२२; प्रेरित २६:२३; १कोरिन्‍थी १५:२०; प्रकाश १:५

हिब्रू 13:13

आ मुर दुम्‍शा, मेको मेर ग्रूशा, आ नु काथा बाक्‍शा, आ बुदी शुक्‍शी पाइक्‍चा पुंइसाक्‍य। हिब्रू ११:२६; हिब्रू १२:२

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

प्रकाश 1:7

मिनु येसु ख्रीस्‍त लेश्‍शा, दोपा यीबा देंशा हना, सरीङ रे गोस्‍सुमी गिल्‍सीशा यीब। मिनु मुर नेल्‍लेमी मेको कली यिन यिन पशो ताइनीम। मेको कली साइक्‍पाइक्‍बपुकीमी यो ताइनीम। मिनु थर थर ङा मुरपुकीम मेको कली तशा, रोंका पा ङाक्‍नीम। एको थमा लोव़ बाक्‍ब। आमेन। मत्ती २४:३०; जकरिया १२:१०; यूहन्‍ना १९:३७

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९