ठेयब कुम्सो 2:14 - Sunuwar Bible

¹⁴ पहाड मेर ङा पोव़ला मेर, सेरथे फुल्‍लु मेर बाक्‍ब आं दाक्‍शो ढुकुर, इ कुल कोंइदी। इ सेंदा नेंचा तङल। मारदे हना इ सेंदा रिम्‍शो बाक्‍ब। मिनु इ कुल दारशो बाक्‍ब।

ठेयब कुम्सो 2:14 ပူးပေါင်းရင်းမြစ်များ

अय्‍युब 9:16

गो मेको कली ब्रेत्‍तुनु, लोव़ लेत्‍ताक्‍यी हना यो, मेकोम आं लोव़ नेंतु, दे थमा मसुइक्‍नुङ।

भजन संग्रह 110:3

गे लडाइ पनी नाक्‍ती इन मुर आन थुंम ग्‍येरशा इन नोले खोइक्‍नीम। सुनी ङा सीत खोदेंशो पा इन रागी ङा ठिटापुकी खुम्‍सीशा इन नेक्‍था जाक्‍नीम।

भजन संग्रह 22:3

मिनु इस्राएलीपुकीम इन कली ठेयब सेल्‍तीक कुम्‍सो पामेनु, गे का ला मेको आन तार बाक्‍नीनी।

भजन संग्रह 45:11

पिपमी इ दारस तशा, इ कली दाक्‍शो बाक्‍ब। मेको कली जिम्‍मा गेंसीशा मान पावो। मारदे हना मेको इ प्रभु बाक्‍ब।

भजन संग्रह 45:12

टायर सहर ङा मीश आलपुकी कोसेली चाक्‍शा, जाक्‍नीम। रागी रागी ङा शुश क्‍येट थीब मुरपुकीम इन शिशी माल्‍नीम।

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

भजन संग्रह 68:13

गे चहिं भेडा आन दातेमी इप्‍चा दाक्‍नीनी? चांदीम गिल्‍शो फ्रां पाइश्‍शो ढुकुर बाक्‍ब। मिनु आ ओफ्‍लापुकी टल्‍केशो सुनमी गिल्‍शो बाक्‍नीम।

भजन संग्रह 74:19

गे इन ढुकुर ब्‍वाकी ङा जन्‍तु आन कली मगेने। गे इन श्‍येत जशो मुर आन कली गेना हना यो मिम्‍शा बाक्‍कीन।

प्रस्‍थान 3:6

गो इ आफ आ परमप्रभु इ किकी पिपी अब्राहाम, इसहाक नु याकूब आन परमप्रभु नङ” दे मोसा कली लोव़ पाप्‍तु। मिनु मोसामी परमप्रभु कली तशा हिंशा, आ कुल सुम्‍साक्‍व। उत्‍पत्ती १७:१; उत्‍पत्ती २८:१-४; उत्‍पत्ती ३५:९-११; मत्ती २२:३२

हितोपदेस 15:8

परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दी‍ब। तन्‍न रिम्‍शो थुं पाइश्‍शो मुर आन पुंइशो नेंशा ग्‍येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४

ठेयब कुम्सो 1:15

ए, आं दाक्‍शो मीश आल गे दारशो बाक्‍नेवे? शुश दारशो बाक्‍नेवे। इ मिक्‍च ढुकुर के खोदेंशो बाक्‍ब।

ठेयब कुम्सो 1:5

गो क्‍येर बाक्‍ती हना यो, दारशो बाक्‍नुङ। ए यरूसलेम ङा तमीपुकी, गो केदार आ ताम्‍बु नु सोलोमन आ फारतीक वा खोदेंशो क्‍येर बाक्‍नुङ। आं कली आइक्‍च ममिम्‍तीन।

ठेयब कुम्सो 1:8

मीश आल आन दाते ङा नेल्‍ल क्‍येङा दारशो मीश आल, गे क्‍यारश भेडा आन गाक्‍तीक लां खोइश्‍शा, गोठला आन गोठ आ नेक्‍था इ पाठा आन कली योव़ङो।

ठेयब कुम्सो 5:2

गो गोल्‍‍ती, तन्‍न मइम्‍ङ। नेनीन, आं दाक्‍शो मुरुमी लाप्‍चो ख्रोकोल पाप्‍तु। “आं समी, आं दाक्‍शो मीश आल, आ ढुकुर, मारेइ मारेइम रिम्‍शो बाक्‍‍शो मीश आल लाप्‍चो रोक्‍को। आं पिया सीतम जिश्‍शो बाक्‍ब। आं चां नाक्‍दो ङा सीतम जिश्‍शो बाक्‍ब” देंत।

ठेयब कुम्सो 8:13

अङगुर रूमी बाक्‍ब आं वारचपुकीम इ सेंदा नेंचा दाक्‍नीम। इ सेंदा आं कली नेंपाइय्‍यी।

यसैया 2:21

परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०

यसैया 51:3

परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 60:8

गोस्‍स खोदेंशो पा बेरब नु ढुकुर आ बाक्‍तीकेम बेरशा लशो खोदेंशो पा बेरबपुकी सु बाक्‍मा?

येरमीया 48:28

मोआबम बाक्‍बपुकी, इन सहर प्रोंइशा, फुल्‍लु मेर लशा बाक्‍कीन। रोंगु ङा ढोडोङगा आ शोव़म ग्‍योव़ सेल्‍ब ढुकुर खोदेंशो दुमीन।

येरमीया 49:16

गे सेरथे फुल्‍लु आ पुक्‍खीम बाक्‍नेवे। इ हिंच कोंइतीके नु इ थुं ङा ठेयब लेत्‍तीकेमी इ कली जोल पाम्‍‍ताक्‍स। गे डांडा ङा बाक्‍तीक आंम के सेल्‍तीवी। गेमी इ बाक्‍तीक ककाकुली आ ग्‍योव़ खोदेंशो पा इर सेल्‍तीवी हना यो, गो इ कली मेकेर रे उइ तोक्‍नन” दे परमप्रभु यावेम देंशो बाक्‍ब।

इजीकीएल 7:16

मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।

दानीएल 9:7

परमप्रभु, गे ठीक पाइब बाक्‍नीनी। गो चहिं मुने दोक्‍शो बाक्‍नीकी। मुलाक्‍ती यहूदा ङा मुर, यरूसलेममी बाक्‍ब, इस्राएली नेल्‍ल आन नेक्‍था नु ङोन रागीम खेरचा पुंइसीशो मुर नेल्‍ल इन कली प्रोंइशो आ पर्बम दोस ताइब दुम्‍तेक्‍म।

ओबदिया 1:3

इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 3:16

मिनु ब्‍वाक्‍कु रे ग्रूशा, खोला रे कुसानु, मार दुम्‍माक्‍त देंशा हना, येसुमी स्‍वर्ग रोक्‍सीशा, परमप्रभु यावे आ सोक्‍ती परवा खोदेंशो दुम्‍शा, यिशा आ रांमी जुक्‍चशो तवा बाक्‍त। यसैया ११:२

एफिसी 5:27

मोदेंशो पा थमा सुइश्‍शा, छेङछेङ पाइश्‍शो मुरपुकी आंम कली वोइश्‍शो बाक्‍त। मेकोपुकी मारेइ मलुम्‍सीशो, मरोम्‍सीशो, थम दारशो नु परमप्रभु यावे आ मुर दुम्‍शा, दोस मताइब मुरपुकी बाक्‍नीमी। २कोरिन्‍थी ११:२; कलस्‍सी १:२२

कलस्‍सी 1:22

मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२

१ पत्रुस 3:4

मुर आन थुंमी ख्रुइश्‍शो जाम्‍शा मलाइब पांइतीके बाक्‍ब। मेको मार बाक्‍ब देंशा हना, ब्रेम्‍शो नु सिक्‍सी पा बाक्‍तीक थुं बाक्‍ब। मेको परमप्रभु यावे आ ङोंइती शुश रिम्‍शो बाक्‍‍ब।

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३

प्रकाश 5:8

मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।