रूथ 4:6 - Sunuwar Bible

⁶ मिनु रूथ आ नेक्‍था ङा मुरुमी “गो ग्‍याप्‍ता हना, आं आंम थेरशो रू मरिम्‍शो दुम्‍ब। आं पचा माल्‍शो गेय गेन पावो। गो ग्‍याप्‍ने मचाप्‍नुङ” देंमाक्‍त।

रूथ 4:6 ပူးပေါင်းရင်းမြစ်များ

उत्पत्ती 38:8

मिनु यहूदामी ओनान कली “रिउम पतीक गेय पा इ लोक्‍ब आ मीश नु बाक्‍को। इ लोक्‍ब कली आल सेलो” दे मदा बाक्‍त। ब्‍यवस्‍था २५:५-१०

लेवी 25:25

सुइ इन मुर प्रुङग दुम्‍तीके आन रू लेयचा माल्‍तेक्‍म हना, मेको आ नेक्‍था ङा मुर जाक्‍शा, मेको लेश्‍शा ग्‍याप्‍पाइक्‍चा माल्‍ब। रूथ ४:३-४

ब्‍यवस्‍था 25:7

तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।

ब्‍यवस्‍था 25:8

मिनु मेको सहर ङा खाल्‍पापुकीमी मेको कली ब्रेश्‍शा, मेको नु लोव़ पचा माल्‍नीम। मिनु मेकोमी ‘गो एको कली मचाक्‍नुङ’ दे आ थुं मलेत्‍ताक्‍व हना,

ब्‍यवस्‍था 25:9

आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।

रूथ 2:20

मिनु नाओमीमी आ चाइमी कली “परमप्रभु यावेमी मेको कली आसीक गेवल। मिनु बेक्‍शो नु ब्रोंइशो मुर आन कली शिशी पचा मप्रोन। मेको मुर इस खाल ङा बाक्‍ब” देंमाक्‍त। रूथ ४:४

रूथ 3:13

मुलाक्‍दो एके बाक्‍को। दीसा सुनी मेको मुरुमी इ नेक्‍था ङा मुर आ पचा माल्‍शो गेय पाइब, मपाप्‍तु हना, परमप्रभु यावे ब्रोंइ‍शा बाक्‍शो खोदेंशो पा, गो एको गेय पाइनुङ। नां मसोव़म सम्‍म इपो” देंमाक्‍त।

रूथ 3:9

मिनु बोआजमी “गे सु नवे?” दे हिल्‍लो पवा बाक्‍त। मिनु मेकोमी “गो इन वाइलीम रूथ नङ। गे आंइ खाल ङा मुर बाक्‍नीनी, इन वा फेक्‍तीनी” देंमाक्‍त। इजीकीएल १६:८