रूथ 4:14 - Sunuwar Bible

¹⁴ मिनु मीश मुरपुकीमी नाओमी कली “परमप्रभु यावे ठेयब बाक्‍ब। मेकोमी इ कली मुल इ खाल ङा मुर नु वोइक्‍ते। परमप्रभुम इ कली चच का गेते। एको आ नें इस्राएलम ठेयब दुम्‍ल।

रूथ 4:14 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 24:27

मिनु मेकोमी “परमप्रभु यावे, आं होव़प अब्राहाम आ परमप्रभु, गे ठेयब बाक्‍नीनी। गे इन शिशी नु इन रिम्‍शो पशो मप्रोंइथु, आं होव़प कली कोंइताक्‍नी। गे आं कली आं होव़प आ लोक्‍ब आ खिं कोंइताक्‍यीनी” दे परमप्रभु यावे कली ठेयब सेला बाक्‍त।

उत्पत्ती 29:35

मिनु लेंशा कोव़ज कुरशा, तौ का नु थि‍माक्‍त। मिनु “गो परमप्रभु यावे कली ठेयब सेल्‍नुङ” दे मेको कली यहूदा नें वोदा बाक्‍त। मिनु आल थिचा नांइसे बाक्‍त।

लूका 1:58

आ एर ओंथ बाक्‍ब नु आ खिं ङा मुर नेल्‍लेमी “परमप्रभुमी मेको कली शिशी पा, तौ थीब सेल्‍तु” देंशो नेंशा, नेल्‍ल मेको नु ग्‍येरसमा बाक्‍त।

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

१ कोरिन्‍थी 12:26

मोदेंशो पा कांइचीक दुम्‍शोपुकी, काम श्‍येत जाप्‍तु हना, नेल्‍ल श्‍येत जाइनीम। काम मान ताप्‍तु हना, नेल्‍ल गारशा ग्‍येरसीनीम।

१ थिस्‍सलोनिकी 5:18

मार दुम्‍त हना यो, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको परमप्रभु यावे आ दाक्‍शो बाक्‍ब। ख्रीस्‍त येसु आ नोले खोइक्‍ब मेको गेना हना यो देंचा माल्‍नीम। एफिसी ५:२०

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३