रूथ 4:11 - Sunuwar Bible

¹¹ मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।

रूथ 4:11 ပူးပေါင်းရင်းမြစ်များ

उत्पत्ती 23:10

मेना एफ्रोन हित्ती आन दातेमी निश्‍‍शो बाक्‍माक्‍त। मेको आन सहर ङा गारो ङा ठेयब लाप्‍चो आ नेक्‍था बाक्‍‍शा, अब्राहाम आ लोव़ नेन्‍मेनु, मेको हित्ती एफ्रोनमी अब्राहाम कली

उत्पत्ती 24:60

लचा ङोंइती रेबेका कली आसीक गेशा “गे आं समी बाक्‍नेवे। सोशा बोशा, शुश दुमीने। इ चच युइ आन कली आन जोरी सत्रु आन कली ग्राङीन” दे आसीक गेमे बाक्‍त। उत्‍पत्ती २२:१७

उत्पत्ती 29:16

लाबान आ तमी निक्‍शी बाक्‍सा बाक्‍त। आ ङोंइती जरमेशो आ नें लेआ नु कान्‍छी आ नें राहेल बाक्‍माक्‍त।

उत्पत्ती 29:25

मिनु याकूब सुनी कना बोक्‍शा, आ मीश कोव़ङानु, लेआ बाक्‍माक्‍त। मिनु गाइश्‍शा लाबान कली “गे आं कली मार पनी? गो इन कली राहेल आ पर्बम गेय मपङा ङा? मारदे आं कली ठगेनी?” दे मदा बाक्‍त।

उत्पत्ती 29:32

मिनु लेआ कोव़ज कुरशा, तौ का थि‍माक्‍त। मेको आ नें रूबेन वोदा बाक्‍त। मारदे हना “परमप्रभु यावेमी आं श्‍येत ताप्‍तु। मुल रे आं वोंइशेम आं कली दाक्‍ब” देंमाक्‍त।

उत्पत्ती 35:23

लेआ आ तौ रूबेन, याकूब आ ङोंइती जरमेशो तौ बाक्‍माक्‍त। सिमियोन, लेवी, यहूदा, इस्‍साकार नु जबूलून नेल्‍ल लेआ आ तौ बाक्‍मा बाक्‍त।

उत्पत्ती 35:24

राहेल आ तौ योसेफ नु बेन्‍यामीन बाक्‍सा बाक्‍त।

१ राजा 21:8

मिनु इजेबेलम आहाब आ नेंमी चिठी का ब्रेक्‍ता बाक्‍त। मिनु मेकेर पिप आ छाप थोक्‍ता बाक्‍त। मिनु मेको नाबोथ आ सहर ङा खाल्‍पा नु ठेयब मुर आन कली सोइक्‍ता बाक्‍त।

१ इतिहास 2:51

साल्‍मा बेथलेहेम आ आफ बाक्‍माक्‍त। हारेफ बेथ-गादेर आ आफ बाक्‍माक्‍त।

भजन संग्रह 132:6

गोपुकीमी एफ्राथाहमी परमप्रभु यावे आ कबल पशो सन्‍दोस आ पर्बम नेंतय। मिनु गोपुकीमी मेको यार सहर ङा दिंमम थित्‍तय। १सामुएल ७:१; १इतिहास १३:५-६

हितोपदेस 14:1

जोक्‍ब तुइक्‍ब मीश मुरुमी आंम खिं रिम्‍शो सेल्‍ब। तन्‍न मूर्ख मीश मुरुमी आ खिं कली आंम गुइमी प्रेप्‍ब।

हितोपदेस 31:23

मेको आ वोंइश ठेयब मुर दुम्‍शा, सहर ङा ठेयब लाप्‍चोमी बाक्‍मेनु, रागी ङा खाल्‍पा आन दातेमी बाक्‍ब।

येरमीया 32:10

मिनु गो कागज ब्रेक्‍शा, छाप थोक्‍शा सांकछीपुकी वोइश्‍शा चांदी के शेकेल नाक्‍शा गेता।

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मत्ती 2:6

‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२

ब्‍यवस्‍था 25:7

तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।

ब्‍यवस्‍था 25:9

आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।

रूथ 1:2

मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। उत्‍पत्ती ४८:७; मीका ५:१