रूथ 4:1 - Sunuwar Bible

¹ मिनु बोआज सहर ङा गारो ङा ठेयब लाप्‍चोम लशा, मेकेर निश्‍शा बाक्‍माक्‍त। मिनु याम का नोले रूथ आ नेक्‍था ङा मुर जाक्‍शो तशा, बोआजमी आ नें थिशा “एके पिशा, निस्‍सो” दे ब्रेत्‍ता बाक्‍त। मिनु मेको निस्‍से बाक्‍त।

रूथ 4:1 ပူးပေါင်းရင်းမြစ်များ

उत्पत्ती 19:1

मेको परमप्रभु यावे आ स्‍वर्ग ङा गेय पाइब निक्‍शी सोदोम सहरम नाक्‍नाक्‍दो जाक्‍दीस्‍सा बाक्‍त। मेना लोत सहर आ गारो ङा ठेयब लाप्‍चो आ नेक्‍था निश्‍शा बाक्‍मेनु, ग्रुम्‍से बाक्‍त। मिनु लोतमी मेको आस कली तशा बोक्‍शा, खुम्‍की पा बाम्‍माक्‍त। उत्‍पत्ती १८:२२

उत्पत्ती 23:10

मेना एफ्रोन हित्ती आन दातेमी निश्‍‍शो बाक्‍माक्‍त। मेको आन सहर ङा गारो ङा ठेयब लाप्‍चो आ नेक्‍था बाक्‍‍शा, अब्राहाम आ लोव़ नेन्‍मेनु, मेको हित्ती एफ्रोनमी अब्राहाम कली

उत्पत्ती 34:20

मिनु हमोर नु आ तौ शेकेम आस सहर ङा लाप्‍चो ओव़शा, मेको निक्‍शीमी मुर आन कली

२ सामुएल 15:2

अब्‍सालोम सुनी कना बोक्‍शा, सहर ओव़तीक ठेयब लाप्‍चोमी बाक्‍बाक्‍माक्‍त। मिनु मुरपुकी पिप कली निसाफ पुंइथ जाक्‍बाक्‍तेक्‍म। अब्‍सालोममी मेको आन कली का का पा “तेको सहर रे जाक्‍शो नवे” देंबाक्‍माक्‍त। मिनु मेकोमी “इन गेय पाइब इस्राएल ङा एको थर रे जाक्‍शो नङ” देंबाक्‍मा बाक्‍त।

२ इतिहास 18:9

मेना इस्राएल ङा पिप नु यहूदा ङा पिप येहो-शाफात आस आस पिपम फेक्‍तीक वा फेक्‍शा, सामरीया ङा ठेयब लाप्‍चो ओव़तीक ङा चेरब तुप्‍तीक दिंमम आस आस ठेयब नित्‍तीकेमी बाक्‍शो बाक्‍सा बाक्‍त। मिनु मेको नोले दुम्‍ब लोव़ पाइब नेल्‍ल मेको आस ङोंइती नोले दुम्‍ब लोव़ पन पन बाक्‍शो बाक्‍मा बाक्‍त।

अय्‍युब 29:7

गो आं बाक्‍‍तीके रे सहर ङा ठेयब लाप्‍चो रे पा लाङगा आं नित्‍तीकेमी नित्‍थ लङानु,

अय्‍युब 31:21

गो रोम रोइक्‍च आन कली मरिम्‍शो पशो बाक्‍ती हना, ठेयब लाप्‍चोम बाक्‍बपुकीमी ‘गे ठीक पाइब बाक्‍नीनी’ देंशो बाक्‍तेक्‍म हना, रूथ ४:१-१०

भजन संग्रह 69:12

ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९

हितोपदेस 31:23

मेको आ वोंइश ठेयब मुर दुम्‍शा, सहर ङा ठेयब लाप्‍चोमी बाक्‍मेनु, रागी ङा खाल्‍पा आन दातेमी बाक्‍ब।

यसैया 55:1

मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७

येरमीया 32:10

मिनु गो कागज ब्रेक्‍शा, छाप थोक्‍शा सांकछीपुकी वोइश्‍शा चांदी के शेकेल नाक्‍शा गेता।

आमोस 5:15

मरिम्‍शो पतीक कली काइ मदाक्‍तीन। रिम्‍शो पतीक कली दाक्‍तीन। ठेयब लाप्‍चोमी ठीक निसाफ पने। मिनु मुर नेल्‍ल आन परमप्रभु यावेमी योसेफ आ लीशो मुर आन कली शिशी पाइ‍बा कों?” दे परमप्रभु यावेमी देंत। भजन संग्रह ३४:१५; रोमी १२:९

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

ब्‍यवस्‍था 16:18

मिनु मुर आन कली ठीक निसाफ पचा कली गेपुकीमी इन थर थर ङा नु परमप्रभु यावे, इन परमप्रभुमी इन कली गेशो सहर सहरम निसाफ पाइब नु ठेयब मुर योव़शा वोइक्‍चा माल्‍नीनी। ब्‍यवस्‍था १:१६-१८; गन्‍ती ११:१६

ब्‍यवस्‍था 17:5

मेको मोदेंशो ग्रांग्रा पाइब वोंइश मुर हना यो, मीश मुर हना यो इन सहर रे ग्रुंइशा, फुल्‍लु आप्‍शा साइक्‍चा माल्‍नीनी। लेवी २४:१४

ब्‍यवस्‍था 21:19

मेको आ आंम आफोम मेको कली ग्‍याइश्‍शा, सहर ङा खाल्‍पा आन ङोंइती सहर ङा लाप्‍चो आ नेक्‍था चाक्‍चा माल्‍नीम।

ब्‍यवस्‍था 25:7

तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।

यहोसु 20:4

मिनु मेको मोदेंशो सहरमी मुर साइक्‍ब मुर प्रोक्‍त हना, मेको सहर ङा ठेयब लाप्‍चोमी राप्‍शा बाक्‍चा माल्‍ब। मिनु सहर ङा ठेयब मुर आन ङोंइती आं लोव़ नेंपदल। मिनु नोले मेकोपुकीमी मेको मुर कली सहर ओव़चा नु बाक्‍तीक खिं गेचा माल्‍नीम। मिनु मेको मुर मेकोपुकी नु बाक्‍चा माल्‍ब।

रूथ 3:12

गो थमा पा इ खाल ङा मुर बाक्‍नुङ। तन्‍न आं क्‍येङा यो आं नेक्‍था ङा अर्को मुर का बाक्‍‍ब।

रूथ 3:18

मिनु नाओमीमी “आं चाइमी, एको दोदेंशो दुम्‍बा, मतुइक्‍ती सम्‍म इ थुं नाइश्‍शा बाक्‍को। मारदे हना मेकोमी मेको गेय मुलाक्‍तीन मथुमा सम्‍म आ थुं यो नाइक्‍चा मताइब” देंमाक्‍त।