रूथ 3:7 - Sunuwar Bible

⁷ बोआज जशा, तूशा ग्‍येरसे बाक्‍त। मिनु क्‍योव़ज पुक्‍तीके आ नोले इप्‍थ लमाक्‍त। मिनु रूथ बोआज आ मतुइक्‍चा ङा पा जाक्‍शा, आ खोइली गे ङा वा हुक्‍शा, गोल्‍माक्‍त।

रूथ 3:7 ပူးပေါင်းရင်းမြစ်များ

उत्पत्ती 43:34

मिनु योसेफ आ ङोंइती रे जचा ब्‍वचा थोव़क लाइश्‍शा, मेको आन कली ख्रेप्‍पदा बाक्‍त। बेन्‍यामीन आ भाग अरु आन क्‍येङा ५ भाग खोइ शुश बाक्‍माक्‍त। मिनु मेकोपुकी योसेफ नु जशा तूशा, ग्‍येरशा बाक्‍मा बाक्‍त।

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

१ राजा 21:7

मिनु मेको आ मीश इजेबेलम मेको कली “गे इस्राएल ङा पिप बाक्‍नीनी। मिनु गे मोदेंशो पाइनीनी? बोक्‍शा, जने तूङीन। मिनु ग्‍येरसीने। गो येज्रेली नाबोथ आ अङगुर रू इन कली गेन‍न्‍नी” देंमाक्‍त।

एस्‍तर 1:10

मेको भोज दुम्‍शो ७ नाक्‍तीमी पिप अहासूरस अङगुर शांबुम रांइशा, पिपम आ दरवार ङा ७ जना शुश अधिकार पाइश्‍शो गेय पाइब मेहूमान, बिस्‍था, हारबोना, बिग्‍थान, आबाग्‍था, जेथार नु कारकस आन कली

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

उपदेसक 10:19

ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५

उपदेसक 2:24

मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

उपदेसक 8:15

मोपतीके गे ग्‍येरसीशा बाक्‍कीन। मारदे हना रागीमी मुर आन कली जचा तूचा नु ग्‍येरशा बाक्‍चा ङा लाक्‍शा, अरु मारेइ रिम्‍शो मबाक्‍ब। परमप्रभुमी गेशो ब्रोंइतीकेमी गिश श्‍येत बाक्‍त हना यो, मेको पने चाप्‍नीम। उपदेसक २:२४

उपदेसक 9:7

आंम इ लां गाक्‍को, इ जतीक थोव़क ग्‍येरशा जावो। ग्‍येरशा इ अङगुर शांबु तूङो। मारदे हना परमप्रभुमी इ पशो गेय दाक्‍ब। उपदेसक २:२४

१ कोरिन्‍थी 10:31

मोपतीके मार जाइतीनी ब्‍वाइतीनी हना यो, तूतीनी हना यो, मार पाइतीनी हना यो परमप्रभु यावे कली ठेयब सेल्‍चा कली पने। कलस्‍सी ३:१७

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४

न्‍यायाधीस 16:25

मिनु शुश ग्‍येरसीशा “सिम्‍सोन कली ग्रुंइदीन। मिनु मेकोमी आंइ कली सिल पा कोंइदल” दे पुन्‍मे बाक्‍त। मिनु सिम्‍सोन कली जेल्खान रे ग्रुंइदमे बाक्‍त। मिनु मेकोमी मेको आन कली सिल पा कोंइदा बाक्‍त। मिनु मेकोपुकीमी सिम्‍सोन कली ठेयब थाम आस दातेमी राप्‍पदमे बाक्‍त।

न्‍यायाधीस 19:22

मेकोपुकी ग्‍येरसीशा बाक्‍शो बाक्‍मानु, सहर ङा मरिम्‍शो मुरपुकीमी मेको खिं कली दि दा रे पा पुम्दमे बाक्‍त। मिनु खिं ङा लाप्‍चो कली ख्रोकोल पना पन “इ खिंमी ओव़ब मुर कली लाङगा ग्रुंइदो। गोपुकी मेको नु इप्‍नीकी” दे ग्रीमा बाक्‍त। उत्‍पत्ती १९:५-८

न्‍यायाधीस 19:6

मोपतीके जशा तूशा बाक्‍सा बाक्‍त। मिनु आ शिउमी “मुलाक्‍त नाक्‍दो का बाक्‍शा, चिनु ग्‍येरसीशा लने” देंमाक्‍त।

न्‍यायाधीस 19:9

मिनु मेको मुर, आ मीश नु आ वाइल नु लचा, दे बोक्‍मेनु, आ शिउमी “लो, कोव़ङीन, नां रिक्‍चाप्‍तु। मोपतीके मुलाक्‍त नाक्‍दो बाक्‍शा, इन थुं ग्‍येरपतीन। मिनु दीसा सुनी कना बोक्‍शा इन खिं ले‍तीन” देंमाक्‍त। लूका २४:२९

रूथ 3:6

मिनु रूथ क्‍योव़ज तुप्‍तीके लशा, आ शिमी आ देंशो खोदेंशो पवा बाक्‍त।

रूथ 3:8

मिनु नाक्‍दो उइक्‍थ दुम्‍मेनु, बोआज सेंसे बाक्‍त। मिनु आ खोइल गे मीश मुर का गोल्‍शो तवा बाक्‍त।