रूथ 2:9 - Sunuwar Bible

⁹ मुरपुकीम ते ते रिक्‍नीमी, मेके मेके लावो। आं गेय पाइब वोंइश मुर आन कली ‘इ कली मथिचा’ दे माइक्‍तामी। तूतू दाक्‍ते हना, वोंइश मुर आन चाक्‍शो गर ङा ब्‍वाक्‍कु तूङो” देंमाक्‍त।

रूथ 2:9 ပူးပေါင်းရင်းမြစ်များ

उत्पत्ती 20:6

मिनु परमप्रभुमी मेको आ ङोमुमी “गे रिम्‍शो थुंमी पाप्‍तीवी। गो तुइक्‍नुङ। मोपतीके गो इ कली मेको कली थिचा मगेथु, आं ङोंइती मरिम्‍शो पचा मगेङ।

अय्‍युब 19:21

आं वारचपुकी, आं कली शिशी पाइय्‍यीनी, शिशी पाइय्‍यीनी। मारदे हना परमप्रभुम आं कली दिप्‍शा, श्‍येत गेशो बाक्‍ब।

भजन संग्रह 105:15

मेकोमी “आं तेल लुक्‍शो आन कली मथिने। आं लोव़ पाइब आन कली मारेइ मपतीन” दे हुइक्‍तीमी बाक्‍त।

हितोपदेस 6:29

अरु मुर आ मीश नु इप्‍ब मुर मोदेंशो दुम्‍शा, सु मेको मीश मुर कली थीबा, मेको सजाइ मतथु, मब्रोंइब। हितोपदेस ५:८-१४

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

१ कोरिन्‍थी 7:1

साइ आं कली इन ब्रेक्‍शो चिठीमी गेपुकीमी “ग्‍युंबे पचा नु मपचा, तेको रिम्‍शो बाक्‍बा?” दे हिल्‍लो पशो बाक्‍तीनी। मिनु मुल मार देंनुङ देंशा हना, वोंइश मुरुमी मीश मुर कली मथिथु बाक्‍चा रिम्‍शो दुम्‍ब।

१ यूहन्‍ना 5:18

मिनु “सु परमप्रभु यावे रे जरमेशो बाक्‍मे, मेको मुरुम मरिम्‍शो मपाइब। मारदे हना परमप्रभु यावे रे जरमेशो आन कली येसु ख्रीस्‍तमी कोव़ब। मिनु सैतानमी मेको आन कली मथीब” दे तुइक्‍नय। १यूहन्‍ना ३:९; यूहन्‍ना १७:१५

रूथ 2:10

मिनु रूथ मेको आ ङोंइती बाप्‍शा, मेको कली “गो अर्को रागी ङा मुर नङ, दे तुइश्‍शा यो मारदे आं कली इश ङा शिशी पाइय्‍यीनी?” देंमाक्‍त। ब्‍यवस्‍था २३:४-६

रूथ 2:8

मिनु बोआजमी रूथ कली “नेनो, गे अरु आन रू सिला गुप्‍थ मलावो। आं गेय पाइब मीश मुर आन नेक्‍थान बाक्‍को।