रूथ 2:7 - Sunuwar Bible

⁷ एकोमी आं कली ‘रिक्‍ब आन नोनोले मुठा आन नेक्‍था यो सिला गुप्‍चा गेयीनी’ दे पुंइतु। मिनु एको सुनी रे इच्‍कका ला नाइश्‍शा, सिला गुप्‍स ङा गुप्‍स बाक्‍त” देंमाक्‍त।

रूथ 2:7 ပူးပေါင်းရင်းမြစ်များ

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 15:33

परमप्रभु यावे कली मान पा हिंतीके तुइक्‍तीक कली शेंसीतीक बाक्‍ब। मिनु मान तचा क्‍येङा ङोंइती ब्रेम्‍शो थुं पाइश्‍शो दुम्‍चा माल्‍ब। हितोपदेस १८:१२; हितोपदेस २२:४

हितोपदेस 18:23

प्रुङग मुरुमी ब्रेम्‍शो लोव़ पा पुंइनीम। तन्‍न शुश शोंप पाइश्‍शो मुरुमी ठेयब लेश्‍शो लोव़ ले‍त्‍नीम।

हितोपदेस 22:29

जोक्‍ब गेय पाइब आन कली तनी? मेकोपुकी पिप आन कली गेय पाइब दुम्‍नीम। मेकोपुकीमी आइक्‍च मुर आन कली गेय मपाइनीम।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

मत्ती 5:3

“महिक्‍सीशो मुरपुकी आसीक राइनीम। मारदे हना स्‍वर्ग ङा राज्‍य मेको आन केन बाक्‍ब। यसैया ५७:१५

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

गलाती 6:9

रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। २थिस्‍सलोनिकी ३:१३

एफिसी 5:21

गेपुकी ख्रीस्‍त कली मान पा हिंशा बिम्‍मुने। १पत्रुस ५:५

रूथ 2:2

मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।

रूथ 2:21

मिनु मोआबी रूथमी “मेकोमी आं कली ‘क्‍योव़ज नेल्‍ल ओंइने मथुमु सम्‍म आं मुरपुकी नु सिला गुप्‍थ जाक्‍को’ देंत” देंमाक्‍त।

रूथ 2:6

मिनु मेको गेय पाइब आन कली कोव़ब मुरुमी “एको मोआब रागी रे नाओमी नु जाक्‍शो मोआबी मीश आल बाक्‍ब।

रूथ 2:8

मिनु बोआजमी रूथ कली “नेनो, गे अरु आन रू सिला गुप्‍थ मलावो। आं गेय पाइब मीश मुर आन नेक्‍थान बाक्‍को।