रूथ 2:4 - Sunuwar Bible

⁴ मेना बोआज बेथलेहेम रे जाक्‍माक्‍त। मिनु मेकोमी रिक्‍ब आन कली “परमप्रभु यावे गेपुकी नु बाक्‍ल” देंमाक्‍त। मिनु रिक्‍बपुकीमी यो “परमप्रभु यावेमी इन कली आसीक गेवल” देंमा बाक्‍त। रूथ १:२

रूथ 2:4 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

उत्पत्ती 28:3

मिनु नेल्‍ल क्‍येङा सक्ति पाइश्‍शो परमप्रभुमी इ कली आसीक गेवल। मिनु इ कली सोशा बोशा, शुश सेलल। हिक्‍ने मचाप्‍चा ङा पा शुश दुम्‍पदल।

१ इतिहास 2:51

साल्‍मा बेथलेहेम आ आफ बाक्‍माक्‍त। हारेफ बेथ-गादेर आ आफ बाक्‍माक्‍त।

भजन संग्रह 118:26

परमप्रभु यावे आ नेंमी जाक्‍ब आसीक रशो बाक्‍ब। गो परमप्रभु यावे आ खिं रे पा इन कली आसीक गेनीकी। मत्ती २१:९; मत्ती २३:३९

भजन संग्रह 134:3

सरीङ नु रागी सेल्‍ब परमप्रभु यावेमी सियोन रे इन कली आसीक गेवल। भजन संग्रह ११५:१५

येरमीया 31:23

मुर नेल्‍ल आन परमप्रभु यावे, इस्राएली आन परमप्रभुमी “गो मेको आन शोंप लेश्‍शा गेता हना, मेकोपुकीमी लेंशा यहूदा रागी नु मेको आ सहरपुकीम ‘गे ठीक पाइब नु परमप्रभु यावे आ डांडा, परमप्रभु यावेमी इ कली आसीक गेवल’ देंनीम। जकरिया ८:३

गन्‍ती 6:24

परमप्रभु यावेमी इन कली आसीक गेवल। इन कली गेना हना यो कोव़ङल। उत्‍पत्ती २४:१,३५; भजन संग्रह १२१:-

लूका 1:28

गाब्रीएल मरीयम आ बाक्‍तीके जाक्‍शा, मरीयम कली “परमप्रभु गे नु बाक्‍ब। इ कली दाक्‍शा, आसीक गेते” दे सेउ पवा बाक्‍त।

२ थिस्‍सलोनिकी 3:16

थुं नाइक्‍चा गेब प्रभुमी दोदेंशो बाक्‍तीनी हना यो, इन कली गेना हना यो थुं नाइक्‍चा गेवल। प्रभु गेपुकी नेल्‍ल नु बाक्‍ल। यूहन्‍ना १४:२७

१ तिमोथी 6:2

सु सु आन होव़प थमा सुइक्‍ब बाक्‍मा, मेको आन पर्बम “थमा सुइक्‍ब लोक्‍ब दुम्‍शा, मान गेचा ममाल्‍नुङ” दे ममिम्‍तमेक्‍ल। मेकोपुकीमी ङोंइती क्‍येङा रिम्‍शो पचा माल्‍नीमी, दे मतो। मारदे हना मेको आन गेय गेब थमा सुइक्‍ब नु दाक्‍शो मुर दुम्‍त। मोदेंशो पचा शुश शेंदो। फिलेमोन १६

२ तिमोथी 4:22

प्रभु गे नु बाक्‍ल। आ शिशी गे नु लील।

यहोसु 24:15

तन्‍न परमप्रभु यावे आ नें ठेयब सेल्‍चा मदाक्‍नीनी हना, सु कली ठेयब सेल्‍नीनी? मुलाक्‍ती योव़ङीन। गे इन किकी पिपीमी खोला आइक्‍ची हांबुम पूजा पशो देवी देवता आन कली ठेयब सेल्‍नीनी देय मुल बाक्‍शो एमोरी आन रागी ङा देवी देवता आन कली ठेयब सेल्‍नीनी? योव़ङीन। तन्‍न गो नु आ खिं ङा मुरुमी परमप्रभु यावे कली ला ठेयब सेल्‍नीकी” देंत। ब्‍यवस्‍था ६:१३-१४

न्‍यायाधीस 6:12

मिनु परमप्रभु यावे आ स्‍वर्ग ङा गेय पाइब मेको आ ङोंइती ग्रूशा मेको कली “गे महिंथु लडाइ पाइब मुर, परमप्रभु यावे गे नु बाक्‍ब” देंमाक्‍त।

न्‍यायाधीस 6:16

मिनु परमप्रभु यावेमी मेको कली “गो गे नु बाक्‍नुङ। मिनु गे मिदयानी नेल्‍ल आन कली साइक्‍नेवे” देंमाक्‍त। प्रस्‍थान ३:१२

रूथ 2:3

मिनु रूथ लशा, रिक्‍ब आन नोनोले सिला बाला गुबा बाक्‍त। आ जाक्‍दीश्‍शो रू चहिं एलीमेलेक आ खिं ङा मुर बोआज आ रू बाक्‍माक्‍त।

रूथ 2:5

मिनु बोआजमी आ गेय पाइब आन कली कोव़ब कली “एको मीश आल सुम?” दे हिल्‍लो पवा बाक्‍त।

रूथ 4:11

मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।

१ सामुएल 17:37

आं कली जोइ नु वां आन शोव़ रे प्रोंइब परमप्रभु यावेमी मेको पलिस्‍ती आ गुइ रे यो प्रोंइब” देंमाक्‍त। मिनु सावलमी “लावो, परमप्रभु यावे गे नु बाक्‍ल” देंमाक्‍त।