रूथ 2:2 - Sunuwar Bible

² मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।

रूथ 2:2 ပူးပေါင်းရင်းမြစ်များ

उत्पत्ती 32:6

मिनु आ सोइश्‍शो मुरपुकी लेश्‍शा जाक्‍शा, याकूब कली “गोपुकी इन लोक्‍ब एसाव आ बाक्‍तीक जाक्‍दीत्‍तक। मेकोमी ४ सहे मुर नु कुशा, इन कली ग्रुम्‍थ जाक्‍ब” दे शेंदमे बाक्‍त।

लेवी 19:10

गेपुकीमी इन अङगुर रू ङा फल काइ मलीपाइक्‍थु, मसेक्‍कीन। मिनु रूम दोक्‍शो अङगुर यो मगुपीन। मेको प्रुङग नु अर्को रागी ङा मुर आन कली बाक्‍ल। गो परमप्रभु यावे, इन परमप्रभु नङ।

लेवी 19:16

गेपुकी मुर आन पर्बम जोल पा लोव़ मपमुने। गे इन नेक्‍था ङा मुर कली साइक्‍चा ममालीन। गो परमप्रभु यावे नङ। प्रस्‍थान २३:७

लेवी 19:9

मिनु गे इन बाली नाली रिक्‍नीनु, रू आ सुर सुर सम्‍म मरिक्‍कीन। सिला बाला मगुपीन। लेवी २३:२२; ब्‍यवस्‍था २४:१९; रूथ २:२,१५,१६

लेवी 23:22

मिनु गेपुकीमी इन बाली नाली रिक्‍नीनु, रू आ कुना कुना सम्‍म मरिक्‍कीन। गेपुकीमी इन रू ङा सिला बाला यो मगुपीन। गेपुकीमी इन दाते ङा प्रुङग नु अर्को रागी ङा मुर आन पर्बम प्रोनीन। गो परमप्रभु यावे, इन परमप्रभु नङ’ दे शेंचा माल्‍नेवे” देंत। लेवी १९:९-१०

रूथ 2:3

मिनु रूथ लशा, रिक्‍ब आन नोनोले सिला बाला गुबा बाक्‍त। आ जाक्‍दीश्‍शो रू चहिं एलीमेलेक आ खिं ङा मुर बोआज आ रू बाक्‍माक्‍त।

रूथ 2:7

एकोमी आं कली ‘रिक्‍ब आन नोनोले मुठा आन नेक्‍था यो सिला गुप्‍चा गेयीनी’ दे पुंइतु। मिनु एको सुनी रे इच्‍कका ला नाइश्‍शा, सिला गुप्‍स ङा गुप्‍स बाक्‍त” देंमाक्‍त।

१ सामुएल 1:18

मिनु हान्‍नाहमी “गो इन शिशी ताइब दुम्‍ङल” देंमाक्‍त। मिनु नोले मेको लशा, आ वोंइश नु जवा तूङा बाक्‍त। मिनु नोले लेंशा आ थुं मखाइक्‍माक्‍त।