रूथ 2:12 - Sunuwar Bible

¹² परमप्रभु यावेमी इ कली रिम्‍शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्‍था जाक्‍ते। मेकोमी इ माल्‍शो नेल्‍ल गेवल” देंमाक्‍त। भजन संग्रह ३६:८

रूथ 2:12 ပူးပေါင်းရင်းမြစ်များ

भजन संग्रह 17:8

मिक्‍च दोदेंशो रिम्‍शो पा वोइश्‍शो बाक्‍बा, मोदेंशो पा आं कली यो रिम्‍शो पा वोतीन। इन फ्रां आगाम पुप्‍तीनी। ब्‍यवस्‍था ३२:१०; भजन संग्रह ६१:५; भजन संग्रह ६३:८; प्रस्‍थान ३७:७-९

भजन संग्रह 19:11

मेकोमी इन गेय पाइब कली होस पा बाक्‍पाइक्‍ब। मेको लोव़ टीबपुकीम ठेयब इनाम ताइनीम।

भजन संग्रह 36:7

परमप्रभु, इन गेना हना यो दाक्‍तीक थम रिम्‍शो बाक्‍ब। मिनु मुरपुकी इन फ्रां आगाम फाम्‍सीनीम।

भजन संग्रह 57:1

परमप्रभु शिशी पने। आं कली शिशी पाइय्‍यीनी। मारदे हना आं थुं गे नु ख्रुंइसीब। एको खतम पोक्‍ब फश गिवार मनुम्‍‍म सम्‍म गो इन फ्रां आगामी ख्रुंइसीशा बाक्‍नुङ। भजन संग्रह १७:८; भजन संग्रह ९१:१-२

भजन संग्रह 58:11

मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम।

भजन संग्रह 61:4

गे आं कली इन ताम्‍बुमी गेना हना यो बाक्‍चा गेने। मिनु इन फ्रां आगाम ख्रुंइसीनुङ।ठेयब सेंदा पा। भजन संग्रह १७:८

भजन संग्रह 63:7

मारदे हना गे आं कली वारच पाइब बाक्‍नीनी। मोपतीके गो इन प्रोंइतीके तुइश्‍शा, कुम्‍सो पाइनुङ। भजन संग्रह १७:८

भजन संग्रह 91:4

मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।

हितोपदेस 11:18

परमप्रभु यावे आ अरेशो मटीब मुरुमी क्‍येट चेम्‍ब, तन्‍न मलीब। तन्‍न ठीक पाइब मुरुमी इनाम ताइनीम।

हितोपदेस 23:18

मो पाप्‍तीवी हना, इ ब्रोंइतीक नु इ मिम्‍शो नेल्‍ल जाक्‍दीप्‍ब।

येरमीया 31:16

परमप्रभु यावेमी “ङाक्‍चा नाइक्‍तीन। इन मिक्‍च रे प्रेक्‍कु मतोक्‍कीन। मारदे हना इन गेय ङा इनाम ताइनीनी। मेको आन जोरी सत्रु आन रागी रे लेश्‍शा जाक्‍नीम।

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।

मत्ती 5:12

ग्‍येरसीने। मारदे हना स्‍वर्गमी इन कली ठेयब इनाम वोइश्‍शो बाक्‍ब। साइ नेसी रे मुल सम्‍म परमप्रभु यावे आ लोव़ पाइब आन कली खेदा पा श्‍येत गेस ङा गेस पाम्‍तेक्‍म। हिब्रू ११:३३-३८; याकूब ५:१०

मत्ती 6:1

होस पांइसीने, मुर आन ङोंइती कोंइचा कली प्रुङग आन कली शिशी मपने। मारदे हना मोदेंशो पाइब आन कली स्‍वर्गम बाक्‍ब इन आफोमी इनाम मगेब।

लूका 6:35

इन जोरी सत्रु आन कली दाक्‍तीन। वारच पने। लेंशा ताक्‍चा ममिम्‍थु जेर गेने। मो पाइतीनी हना, गे ठेयब इनाम ताइनीनी। मिनु नेल्‍ल क्‍येङा ठेयब आ मुर दुम्‍नीनी। मारदे हना ‘रिम्‍शो पाइतीनी’ मदेंब नु आ अरेशो मटीब आन कली रिम्‍शो पाइब।

कलस्‍सी 2:18

सुइमी इन कली “मतुइक्‍ब मुर ननी” देंचा मगेने। मेकोपुकीमी आंम मिम्‍शो प‍शो बाक्‍नीम, स्‍वर्ग ङा गेय पाइब आन कली सेउ पचा माल्‍नीनी, दे शेंनीमी। “गो ङोमु खोदेंशो पा ततीके तुइक्‍ताक्‍क” देंनीमी। मेको मुरपुकी मो ठेयब लेश्‍शा बाक्‍शा, आन मिम्‍शो ला शेंनीम।

२ तिमोथी 1:18

प्रभुमी मेको कली आ निसाफ पतीक नाक्‍तीमी शिशी पवल। मेकोमी एफिसस सहरमी शुश गेय पाप्‍तु, दे यो तुइक्‍नेवे।

२ तिमोथी 4:8

मुल रे ठीक पतीके ङा सिरपेच गुप्‍चा दे आं कली वोइश्‍शो बाक्‍त। प्रभु ठीक निसाफ पाइब बाक्‍ब। मेकोमी आं कली आ नाक्‍तीम सिरपेच गेब। आं कली ला ममाइ, सु सुमी आ जाक्‍शो दाक्‍नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१

हिब्रू 11:26

मारदे हना इजीप्‍त ङा शोंप नु मान तशा यो मारेइ मसुइक्‍थु “ख्रीस्‍तमी श्‍येत जशो खोदेंशो पा श्‍येत जचा थमा ङा शोंप नु मान बाक्‍ब, दे मिम्‍ताक्‍व। मिनु नोले इनाम यो तांइसीब” दे तुइश्‍शा थमा सुइश्‍शो बाक्‍माक्‍त।

हिब्रू 11:6

थमा मसुइक्‍थु मेको आ थुं नुपाइक्‍ने मजाप्‍ब। परमप्रभु यावे आ नेक्‍था जाक्‍दीन्‍ने यो मजाप्‍ब। मेको बाक्‍ब, दे थमा सुइक्‍चा माल्‍ब। मिनु मेको बाक्‍‍ब, दे थमा सुइक्‍बपुकीम मेको कली माल्‍नीम। मिनु आ कली माल्‍ब आन कली तपांइसीब।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

रूथ 1:16

मिनु रूथमी “इन कली प्रोंइपाइश्‍शा, आं कली लेश्‍शा, सोइक्‍चा कली ढिपी मपाइय्‍यीनी। गे ते लाइनीनी, गो यो मेकेन लाइनुङ। गे ते बाक्‍नीनी, गो यो मेकेन बाक्‍नुङ। इन मुरपुकी आं मुर दुम्‍नीम। इन परमप्रभु आं परमप्रभु दुम्‍ब।

रूथ 2:11

मिनु बोआजमी “इ वोंइश बेक्‍म नोले इ शिमी कली दोदेंशो रिम्‍शो पवी, मेको नेल्‍ल मुरपुकीम आं कली माइक्‍तीमी। गे इ आम आफ, इ जरमेशो रागी प्रोंइशा, मतुइश्‍शो मुर आंइ बाक्‍तीके जाक्‍ते। रूथ १:१६,१७

रूथ 2:13

मिनु रूथमी “प्रभु, इन ङोंइती शिशी ताता। गे आं थुं नाइक्‍पाइक्‍तीनी। गो इन गेय पाइब मबाक्‍ती हना यो, गे आं कली रिम्‍शो लोव़ पाइतीनी” देंमाक्‍त।

रूथ 4:15

एकोमी इ कली मुल नक ब्रोंइतीक गेशा, खाल्‍पी दुमेनु, इ कली थुल्‍ब। मारदे हना ७ जना तौ आन क्‍येङा इ कली दाक्‍ब चाइमीमी रिम्‍शो पशो बाक्‍ब” देंमा बाक्‍त।

१ सामुएल 24:19

सुइमी आंम जोरी सत्रु आन कली थिश्‍शा, रिम्‍शो पा लचा मगेब। मोपतीके मुलाक्‍त इ पशो गेय आ पर्बम परमप्रभु यावेम इ कली इनाम गेवल।

१ सामुएल 24:20

मुल गो थमा पा तुइक्‍ताक्‍ङ गे पिप दुम्‍नेवे। इ पालाम इस्राएलम थम रिम्‍शो दुम्‍ब।