रूथ 2:10 - Sunuwar Bible

¹⁰ मिनु रूथ मेको आ ङोंइती बाप्‍शा, मेको कली “गो अर्को रागी ङा मुर नङ, दे तुइश्‍शा यो मारदे आं कली इश ङा शिशी पाइय्‍यीनी?” देंमाक्‍त। ब्‍यवस्‍था २३:४-६

रूथ 2:10 ပူးပေါင်းရင်းမြစ်များ

उत्पत्ती 18:2

मिनु मुर सां ग्रूशा, आ ङोंइती राप्‍शो तवा बाक्‍त। मेको आन कली तशा, छुल बोक्‍शा बाप्‍शा, सेउ पवा बाक्‍त। हिब्रू १३:२

२ सामुएल 19:28

आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

२ सामुएल 7:18

मिनु पिप दाऊद परमप्रभु यावे आ बाक्‍तीक ओव़शा, मेको कली “परमप्रभु यावे, गो सु नङा? आं खिं ङा मुर सु बाक्‍नीमी? मिनु गे आं कली एक सम्‍म चाक्‍यीनी?

२ सामुएल 9:8

मिनु मेफी-बोशेथम खुम्‍की पा बाप्‍शा “गो सु नङा ङा? पिपमी गो बेक्‍शो कुचुम खोदेंशो मुर, आं कली शिशी पाइय्‍यीनी?” देंमाक्‍त।

लेवी 19:34

गे मेको आन कली इन रागीम जरमेशो मुर खोदेंशो मिम्‍तीन। मेको आन कली आंम कली खोदेंशो पा दाक्‍तीन। मारदे हना गेपुकी यो इजीप्‍तमी अर्को रागी ङा मुर दुम्‍शा बाक्‍शो बाक्‍तीनी। गो परमप्रभु यावे, इन परमप्रभु नङ।

मत्ती 25:35

मारदे हना गेपुकीमी गो जचा मतथु बाक्‍ङानु, जचा गेतीनी। तूतू दाक्‍ङानु, तूचा गेतीनी। इन मतुइश्‍शो मुर इन खिं जाक्‍ङानु, बाक्‍चा गेतीनी। यसैया ५८:७

लूका 1:43

आं प्रभु आ ममा दोपा आं खिंमी आं कली ग्रुम्‍थ जाक्‍नी?

लूका 1:48

गो महिक्‍सीशो आइक्‍च नङ। तन्‍न परमप्रभु यावेमी आं कली हिक्‍ती। मुल ङा मेरे जात नेल्‍ल ङा मुरपुकीमी आं कली आसीक गेनीम।

रोमी 12:10

लोक्‍बपुकीमी दाक्‍मुशो खोदेंशो पा दाक्‍मुशा बाक्‍कीन। आंम कली मान पचा मपुंइसीथु, अरु आन कली मान पने। यूहन्‍ना १३:४-१५; फिलिप्‍पी २:३

रूथ 2:11

मिनु बोआजमी “इ वोंइश बेक्‍म नोले इ शिमी कली दोदेंशो रिम्‍शो पवी, मेको नेल्‍ल मुरपुकीम आं कली माइक्‍तीमी। गे इ आम आफ, इ जरमेशो रागी प्रोंइशा, मतुइश्‍शो मुर आंइ बाक्‍तीके जाक्‍ते। रूथ १:१६,१७

रूथ 2:13

मिनु रूथमी “प्रभु, इन ङोंइती शिशी ताता। गे आं थुं नाइक्‍पाइक्‍तीनी। गो इन गेय पाइब मबाक्‍ती हना यो, गे आं कली रिम्‍शो लोव़ पाइतीनी” देंमाक्‍त।

रूथ 2:19

मिनु आ शिमीमी “मुलाक्‍ती सिला गुप्‍थ ते लवे? इ कली शिशी पाइब मुर आसीक तवल” देंमाक्‍त। मिनु रूथमी ते सिला गुबा आ शिमी कली शेंदा बाक्‍त। “मुलाक्‍ती आं सिला गुप्‍शो रू ङा होव़प आ नें बोआज बाक्‍त” देंमाक्‍त।

रूथ 2:2

मिनु मोआबी रूथमी नाओमी कली “गो रूम लशा, सु सुम आं कली शिशी पाइनीमी, मेको आन नोनोले सिला बाला गुप्‍दी ङा?” देंमाक्‍त। मिनु आ शिमीमी “दुम्‍ब, आं चाइमी लावो” देंमाक्‍त।

रूथ 2:9

मुरपुकीम ते ते रिक्‍नीमी, मेके मेके लावो। आं गेय पाइब वोंइश मुर आन कली ‘इ कली मथिचा’ दे माइक्‍तामी। तूतू दाक्‍ते हना, वोंइश मुर आन चाक्‍शो गर ङा ब्‍वाक्‍कु तूङो” देंमाक्‍त।

१ सामुएल 25:23

मिनु अबीगेलमी दाऊद कली तशा, आ गधा रे फ्रु तोइश्‍शा, दाऊद आ ङोंइती बाम्‍माक्‍त।