रूथ 1:5 - Sunuwar Bible

⁵ मिनु माहलोन नु किल्‍योन निम्‍फा बेक्‍सा बाक्‍त। मोपा आ वोंइश नु आ तौ निम्‍फा बेक्‍शा, नाओमी ला लीमाक्‍त।

रूथ 1:5 ပူးပေါင်းရင်းမြစ်များ

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

लूका 7:12

मिनु सहर ङा ठेयब लाप्‍चो आ नेक्‍था जाक्‍दीम्‍मानु, मुरपुकीमी बेक्‍शो मुर का कुरशा पि‍शो तामे बाक्‍त। मेको वोंइश बेक्‍शो मीश मुर आ कांइचीक तौ बाक्‍माक्‍त। मेको मीश मुर नु सहर ङा शुश मुर मलामी लशो बाक्‍मा बाक्‍त।

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२

रूथ 1:2

मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। उत्‍पत्ती ४८:७; मीका ५:१

रूथ 1:4

मिनु मेको आ तौ निक्‍शीमी मोआबी मीश आल चाक्‍ग्‍से बाक्‍त। का आ नें ओरपा, का आ नें रूथ बाक्‍माक्‍त। मेकोपुकी मेकेर १० बर्स बाक्‍मा बाक्‍त।

रूथ 1:6

मिनु नोले नाओमी आ चाइमी निक्‍शी नु मोआब रे आ रागी लेत्‍चा चिक्‍ता बाक्‍त। मारदे हना मोआब रागीम बाक्‍मेनु, नाओमीमी “परमप्रभु यावेम आ मुर आन कली मिम्‍शा, मेको आन कली जचा गेप्‍तु” देंशो लोव़ नेना बाक्‍त। २राजा ८:३