रूथ 1:21 - Sunuwar Bible

²¹ गो मारेइ मारेइमी गाप्‍शा लशो नङ। मुल परमप्रभु यावेमी श्‍येत्‍थ लेश्‍शा चाक्‍ती। गे मारदे आं कली नाओमी देंनीनी? नेल्‍ल सक्ति पाइश्‍शो परमप्रभु यावेमी आं कली दोस गेशा, मरिम्‍शो पाइक्‍ती” देंमाक्‍त।

रूथ 1:21 ပူးပေါင်းရင်းမြစ်များ

अय्‍युब 1:21

“गो आं ममा आ कोव़ज रे शिश्रा यिती। शिश्रा लेश्‍शा लाइनुङ। गो ते रे श्‍येत्‍थी जाक्‍ङा, मेकेन श्‍येत्‍थी लेश्‍शा, लाइनुङ। मेको नेल्‍ल परमप्रभु यावेमी गेती। मिनु मेकोमी नेल्‍ल लेश्‍शा लाइक्‍तु। परमप्रभु यावे आ नें ठेयब बाक्‍ल” देंमाक्‍त। उपदेसक ५:१४; १तिमोथी ६:७; याकूब ५:११

अय्‍युब 10:17

गे आं मरिम्‍शो पशो आ पर्बम नक सांकछी चाक्‍नीनी। मिनु आं पर्बम इन गाइक्‍तीक तेम्‍नीनी। आं पर्बम इन हुल हुल लडाइ पाइबपुकी चाक्‍नीनी।

अय्‍युब 13:26

गे आं पर्बम कशो लोव़ ब्रेक्‍नीनी। मिनु आं ठिटा ना ङा मरिम्‍शो पशो आ पर्बम सजाइ गेतीनी। भजन संग्रह २५:७

अय्‍युब 16:8

मेकोम आं कली रोम्‍पाइक्‍ती। मिनु एको आं पर्बम सांकछी दुम्‍शो बाक्‍ब। गो रुश नु कुशुल ला लीशो बाक्‍नुङ। एको यो आं पर्बम सांकछी दुम्‍शो बाक्‍ब।

अय्‍युब 30:11

मारदे हना परमप्रभुमी आं लिब्रा प्राक्‍शा, आं कली श्‍येत गेतीके, मेकोपुकीम आं ङोंइती ‘मारेइ मारेइ पने चाप्‍नीक’ दे मिम्‍नीम।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

रूथ 1:13

रिम्‍शा बाक्‍ने चाप्‍नीसी? मेको आस कली रिम्‍शा, अर्को ग्‍युंबे मपथु बाक्‍नीसी? मदुम्‍ब, आं चाइमी निक्‍शी। मारदे हना इस क्‍येङा गो परमप्रभु यावे आ गुइ रे श्‍येत जाइब बाक्‍ती” देंमाक्‍त।