रूथ 1:2 - Sunuwar Bible

² मेको मुर आ नें एलीमेलेक बाक्‍माक्‍त। आ मीश आ नें नाओमी नु आ तौ निक्‍शी आस नें का के माहलोन, का के किल्‍योन बाक्‍माक्‍त। मेकोपुकी यहूदा रागी ङा बेथलेहेम एफ्राथाह सहरम बाक्‍शो बाक्‍मा बाक्‍त। मिनु मोआबी आन रागी जाक्‍दीश्‍शा, मेक उइ बाक्‍मा बाक्‍त। उत्‍पत्ती ४८:७; मीका ५:१

रूथ 1:2 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

न्‍यायाधीस 17:7

मिनु यहूदा ङा बेथलेहेम रे पा जाक्‍शो यहूदा आ थर ङा रागीम बाक्‍ब लेवी ठिटा का बाक्‍माक्‍त। न्‍यायाधीस १८:३; ब्‍यवस्‍था १८:६-८

न्‍यायाधीस 3:30

मोपा मेको नाक्‍ती रे इस्राएलीम मोआबी आन कली हुकुम पामे बाक्‍त। मिनु मेको रागी ८० बर्स सम्‍म लडाइ रे नांइसे बाक्‍त।

रूथ 1:3

मिनु नाओमी आ वोंइश एलीमेलेक बेक्‍शा, नाओमी नु आ तौ निक्‍शी प्रोंइचा पुंइसमा बाक्‍त। ब्‍यवस्‍था ७:३; ब्‍यवस्‍था २३:४; नेहेम्‍याह १३:२३

रूथ 1:5

मिनु माहलोन नु किल्‍योन निम्‍फा बेक्‍सा बाक्‍त। मोपा आ वोंइश नु आ तौ निम्‍फा बेक्‍शा, नाओमी ला लीमाक्‍त।

रूथ 2:1

मिनु नाओमी आ वोंइश एलीमेलेक आ खिं ङा शुश शोंप पाइश्‍शो नु ठेयब मुर का बाक्‍माक्‍त। मेको आ नें बोआज बाक्‍माक्‍त।

रूथ 4:9

मिनु बोआजमी खाल्‍पापुकी नु मेकेर बाक्‍ब मुर आन कली “गो एलीमेलेक, माहलोन नु किल्‍योन आन थेरशो रू नेल्‍ले नाओमी रे ग्‍याप्‍ता। गे मुलाक्‍ती सांकछी दुम्‍तीनी।

१ सामुएल 1:1

रामाथाइम-सोफीम रे जाक्‍शो मुर का बाक्‍माक्‍त। मेको एफ्राइम ङा पहाड ङा सुफ आ खिं ङा बाक्‍माक्‍त। मेको आ नें एल्‍काना बाक्‍माक्‍त। एल्‍काना येरोहाम आ तौ, एलीहु आ चच बाक्‍माक्‍त। मेको आ शेर बाजे तोहु नु आ किकी बाजे जूफ माइश्‍शो एफ्राइम थर ङा बाक्‍माक्‍त। १इतिहास ६:१; १इतिहास १२:१९-२०

१ सामुएल 17:12

दाऊद बेथलेहेम, एफ्राथाह सहर ङा यहूदा ङा येस्‍से माइश्‍शो आ तौ बाक्‍माक्‍त। मेको येस्‍से के ८ जना तौ बाक्‍मा बाक्‍त। सावल आ पालाम मेको खाल्‍पा बाक्‍माक्‍त। १सामुएल १६:१-११

१ सामुएल 17:21

इस्राएली पलिस्‍ती आन ङोंइतीमी, पलिस्‍ती इस्राएली आन ङोंइतीमी लहर पा राम्‍मा बाक्‍त।