रोमी 9:4 - Sunuwar Bible

⁴ मेकोपुकी इस्राएली नम। मेको परमप्रभु यावे आ तमी तौ बाक्‍नीम। आ छेङछेङम बाक्‍चा कली योव़शो मुर नम, मेको आन कली कबल पशो बाक्‍त, आ अरेशो लोव़ तुइक्‍पाइश्‍शो बाक्‍त, परमप्रभु यावे कली दोपा मान पचा, दे तुइक्‍पाइश्‍शो बाक्‍त। परमप्रभु यावेमी मेको आन कली थोक्‍शो लोव़ पशो बाक्‍त। प्रस्‍थान ४:२२; ब्‍यवस्‍था ७:६; प्रस्‍थान ४०:३४; उत्‍पत्ती १७:७; प्रस्‍थान २०:-

रोमी 9:4 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

उत्पत्ती 17:10

गे नु इ नोले ङा तौ चच युइ आन पचा माल्‍शो कबल मार बाक्‍त देंशा हना, इ चारतीक ङा कुशुल कुल पा ख्रोइक्‍चा माल्‍नेवे। गे नु इ चच युइ, वोंइश मुर नेल्‍ल कली कुशुल ख्रोइक्‍तीक चिनु ख्रोइक्‍चा माल्‍नीम। लेवी १२:३; यूहन्‍ना ७:२२

उत्पत्ती 17:2

मिनु गो गे नु आं कबल पाइनुङ। गो इ मुर हिक्‍ने मचाप्‍चा ङा पा शुश सेल्‍नुङमी” देंमाक्‍त।

उत्पत्ती 17:7

मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।

उत्पत्ती 32:28

मिनु मेकोमी “मुल ङा मेरे इ नें याकूब ममाइ, इ नें इस्राएल देंचा माल्‍नीम। मारदे हना गे परमप्रभु नु राम्‍शी पा ग्राते, मुर नु राम्‍शी पा यो ग्राते” देंमाक्‍त। उत्‍पत्ती ३५:१०; येरमीया २०:७

१ राजा 8:11

मिनु मेकेर गोस्‍सुम सुम्‍तीके चढ़ेबपुकीम गेय पने मचाप्‍मे बाक्‍त। मारदे हना परमप्रभु यावे आ छेङछेङम आ खिं ब्रीशो बाक्‍माक्‍त। प्रस्‍थान ४०:३४-३५

नेहेम्‍याह 13:29

“आं परमप्रभु, मेकोपुकीमी इन कली चढ़ेतीक गेय नेल्‍ल मरिम्‍शो सेल्‍तेक्‍म। मोदेंशो पा मेकोपुकीमी चढ़ेब नु लेवी आन पशो कबल प्रोंइतेक्‍म। मेको मिम्‍तीन” देंती।

भजन संग्रह 147:19

मेकोमी आ लोव़ याकूब कली शेंब। मिनु इस्राएल कली आ फुल्‍लुम मुशा ब्रेक्‍शो लोव़ नु आ पतीक लोव़ शेंब। ब्‍यवस्‍था ४:८; प्रेरित १४:१६; रोमी ३:२

भजन संग्रह 63:2

गो इन कली इन बाक्‍तीकेमी ताता। मिनु इन सक्ति नु छेङछेङ ताता।

भजन संग्रह 73:1

परमप्रभु इस्राएल ङा मुर आन कली थमा पा रिम्‍शो पाइब बाक्‍ब। आन पाप क्‍याम्‍चा पुंइसीशा, रिम्‍शो थुं पाइश्‍शो आन कली रिम्‍शो पाइब बाक्‍ब। अय्‍युब २१:७

भजन संग्रह 78:61

मेकोमी आ कबल पशो सन्‍दोस आ जोरी सत्रु आन गुइमी गेप्‍तु। मोपा सक्ति पाइश्‍शो कली रोइक्‍पाइक्‍तु। भजन संग्रह १३२:८; १सामुएल ४:२१

भजन संग्रह 89:3

गे “गो आं योव़शो नु कबल पाता। आं गेय पाइब दाऊद नु कसम जाता। मार कसम जाता देंशा हना, यसैया ५५:३; भजन संग्रह १३२:११

भजन संग्रह 89:34

गो आं कबल नेल्‍ल खाप्‍नुङ। आं ङोंइती देंशो लोव़ थमा पा पाइनुङ।

भजन संग्रह 90:16

इन गेय पाइबपुकीमी इन गेय तुइक्‍तमेक्‍ल। मिनु मेको आन आल आन कली इन छेङछेङ ङा सक्ति कोंइदीन। यसैया ५:१२

प्रस्‍थान 12:25

मिनु गे परमप्रभु यावेमी देंशो खोदेंशो पा इन कली गेशो रागी जाक्‍दीश्शा, यो एको चाड मानेचा माल्‍नीनी।

प्रस्‍थान 34:27

मिनु परमप्रभु यावेमी मोसा कली “गो, गे नु इस्राएली नेल्‍ल नु एको अरेशो लोव़ पा कबल पाता, मोपतीके ब्रेक्‍तो” दें‍त। प्रस्‍थान २४:४

प्रस्‍थान 4:22

मिनु गे मेको कली ‘परमप्रभु यावेमी इन कली मार लोव़ पाप्‍तु देंशा हना, इस्राएल आं ङोंइती जरमेशो तौ बाक्‍ब। ब्‍यवस्‍था ३२:६

प्रस्‍थान 40:34

मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९

यसैया 41:8

मिनु परमप्रभु यावेमी “आं गेय पाइब इस्राएल, आं योव़शो याकूब, आं वारच अब्राहाम आ चच युइ बाक्‍ब। यसैया ४२:१९; यसैया ४३:१०; यसैया ४४:१,२१; यसैया ४५:४; भजन संग्रह १३५:४; याकूब २:२३

यसैया 46:3

“याकूब आ खिं ङा मुर, आं लोव़ नेनीन। इस्राएल आ खिं ङा लीशो मुरपुकी आं लोव़ नेनीन। गे जरमेसीनी रे इन कली कुरता। गे कोव़जीम बाक्‍नी रेन इन कली कुरता।

यसैया 5:2

मिनु मेकोमी रू दोशा, फुल्‍लु गुप्‍शा ताइक्‍ताक्‍व। मिनु नेल्‍ल क्‍येङा रिम्‍शो अङगुर बोट ख्रुम्‍तु। मेकोमी रू आ दातेमी खाल पतीक खिं का सेल्‍तु। मिनु मेकेर कोल का यो सेल्‍तु। मिनु अङगुर सिप्‍ब दे आस पाप्‍तु। तन्‍न ब्‍वाकी ङा अङगुर कका सित्‍तेक्‍म।

यसैया 60:19

मेना इ कली नाक्‍त ङा नां छेङछेङ मदुम्‍ब। नाक्‍दो तास्‍ला हाम्‍सो मदुम्‍ब। मारदे हना इ परमप्रभु इ कली गेना हना यो छेङछेङ बाक्‍ब। मिनु इ परमप्रभु इ दारस बाक्‍ब। यसैया २४:२३; प्रकाश २१:२३; प्रकाश २२:५

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

येरमीया 31:33

तन्‍न इस्राएल आ खिं ङा मुर नोले ङा नाक्‍ती ङा कबल मार बाक्‍त देंशा हना, गो आं अरेशो मेको आन थुंम वोइक्‍नुङ। मिनु आन थुंम मेको ब्रेक्‍शा गेनुङमी। मिनु गो मेको आन परमप्रभु दुम्‍नुङ। मिनु मेकोपुकी आं मुर दुम्‍नीम। इजीकीएल ११:१९; हिब्रू १०:१६-१७; येरमीया ७:२३

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

इजीकीएल 1:28

रेउ यिमेनु, गोस्‍सुम वाक्‍श दाप्‍शो खोदेंशो पा, मेको आ एर ओंथ नेल्‍ल छेङछेङ बाक्‍त। मेको परमप्रभु यावे आ छेङछेङ बाक्‍त। मिनु गो मेको तशा, खुम्‍की पा बाप्‍ती। मिनु मुर ब्‍वाक्‍शो खोदेंशो सेंदा नेंता। इजीकीएल ३:२३; इजीकीएल ८:४; इजीकीएल ९:३; इजीकीएल १०:४,१८; इजीकीएल ११:२३; इजीकीएल ४३:४; इजीकीएल ४४:४

होसे 11:1

मिनु परमप्रभुमी “इस्राएल आल बाक्‍मेनु, गो मेको कली दाक्‍ताक्‍ङ। मिनु गो आं तौ कली इजीप्‍त रागी रे ब्रेत्‍ताक्‍ङ। ब्‍यवस्‍था ७:८; प्रस्‍थान ४:२२-२३; मत्ती २:१५

गन्‍ती 7:89

मिनु मोसा परमप्रभु यावे नु लोव़ पचा कली ग्रुम्‍तीक ताम्‍बुम ओव़मेनु, मेकोमी कबल पशो सन्‍दोस सुम्‍शो शिशी बाक्‍तीके, करूब निक्‍शी आस दाते इर रे लोव़ पशो नेंतु। मोपा मेकोमी मोसा नु लोव़ पाप्‍तु। प्रस्‍थान २५:१७-२२; प्रस्‍थान २९:४२; प्रस्‍थान ३३:७; १सामुएल ३:३-१४

मत्ती 21:33

मिनु येसुमी “लो, अर्को कथा का नेनीने। मुर कामी अङगुर ख्रुम्‍शा, थारपु हिरशा, अङगुर ख्राक्‍तीक नु वोइक्‍तीक सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२

यूहन्‍ना 1:17

मोसामी परमप्रभु यावे आ अरेशो लोव़ गेप्‍तु। तन्‍न शिशी पाइब नु परमप्रभु यावे आ थमा लां कोंइब येसु ख्रीस्‍त रे बाक्‍ब। रोमी १०:४

यूहन्‍ना 1:47

मिनु येसुमी नथानेल कली आ बाक्‍तीक जाक्‍शो तशा, नथानेल आ पर्बम “काइ जोल मपाइब नु रिम्‍शो गेय पाइब इस्राएली का बाक्‍ब” देंत।

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

रोमी 3:2

अरु आन क्‍येङा शुश तशो बाक्‍तेक्‍म। ङोंइती परमप्रभु यावेमी मेको आन कली आ लोव़ तुइक्‍पाइक्‍चा कली योव़तु। रोमी ९:४; ब्‍यवस्‍था ४:७-८; भजन संग्रह १४७:१९-२०

रोमी 8:15

मारदे हना गेपुकी परमप्रभु यावे कली हिंब थुं ताक्‍शा, वाइल मबाक्‍नीनी। गोपुकी आ तमी तौ दुम्‍‍तीके मेको कली “आब्‍बा, आं दाक्‍शो आफ” दे ब्रेत्‍नय। गलाती ४:५-६; २तिमोथी १:७

रोमी 9:6

परमप्रभु यावे आ लोव़ मदुम्‍थु मलीब। मारदे हना इस्राएल रागी ङा मुर नेल्‍ल इस्राएली मदुम्‍नीम। गन्‍ती २३:१९; रोमी २:२८

२ कोरिन्‍थी 11:22

मार, मेको हिब्रू नमी? गो हिब्रू नङ। मार, मेको इस्राएली नमी? गो इस्राएली नङ। मार, मेको अब्राहाम आ चच युइ नमी? गो यो अब्राहाम आ चच युइ नङ। फिलिप्‍पी ३:५

गलाती 3:16

परमप्रभु यावेमी अब्राहाम नु अब्राहाम आ युइ का कली “इ लां रे पा रागी नेल्‍ल ङा मुरपुकी आसीक राइनीम” दे आ लोव़ गेशो बाक्‍त। शुश आन कली ममाइ “इ युइ का कली” दे ब्रेक्‍शो बाक्‍ब। मेको लोव़ खाप्‍ब चहिं ख्रीस्‍त बाक्‍ब। उत्‍पत्ती २२:१८

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

ब्‍यवस्‍था 14:1

मिनु मोसामी “गेपुकी परमप्रभु यावे, इन परमप्रभु आ तमी तौ ननी। बेक्‍शो मुर आ पर्बम इन कुशुल प्रेक्‍चा मदुम्‍ब। इन चां प्रेक्‍चा मदुम्‍ब। लेवी १९:२७-२८; येरमीया ४७:५; इजीकीएल ७:१८

ब्‍यवस्‍था 29:1

मिनु होरेब डांडामी परमप्रभु यावेमी इस्राएली नु पशो कबल नु तेम्‍शा, मोआब रागीम मोसा कली इस्राएली आन कली तेम्‍चा ङा लोव़ मार बाक्‍नीम देंशा हना, ब्‍यवस्‍था ५:२

ब्‍यवस्‍था 29:14

मिनु गो मेको कसम जशो कबल परमप्रभु यावे, इं परमप्रभु आ ङोंइती राप्‍शा बाक्‍ब इन कली ला ममाइ, ब्‍यवस्‍था ५:३; उत्‍पत्ती १७:७

ब्‍यवस्‍था 31:16

मिनु परमप्रभु यावेमी मोसा कली “गे इ किकी पिपी नु बाक्‍चा चिक्‍शो बाक्‍नेवे। गे बेक्‍ङे नोले मेको मुर आन लशो रागीम जाक्‍दीश्‍शा, मेको रागी ङा आन मतुइश्‍शो देवी देवता आन कली खोइक्‍नीम। आं कली प्रोंइशा, गो नु पशो कबल क्‍याम्‍नीम।

ब्‍यवस्‍था 4:13

मिनु मेकोमी गे नु कबल पाप्‍तु। आ अरेशो १० ओटा लोव़ गे टिशा पने, दे गेप्‍तु। मिनु मेकोमी मेको लोव़ फुल्‍लु निक्‍शी तार मुशा गेप्‍तु। प्रस्‍थान ३१:१८

ब्‍यवस्‍था 7:6

मारदे हना गे परमप्रभु यावे, इन परमप्रभु आ आंम मुर बाक्‍नीनी। परमप्रभु यावेमी नेल्‍ल जात जात ङा मुर आन दाते रे इन कली आंम मुर सेल्‍चा, दे योव़तु। प्रस्‍थान १९:५-६

हिब्रू 9:1

ङोंइती ङा कबलमी ठेयब सेल्‍चा कली अरेशो लोव़ नु रागीम परमप्रभु यावे आ बाक्‍तीक बाक्‍शो बाक्‍माक्‍त। प्रस्‍थान २५:३१; प्रस्‍थान २५:२३; प्रस्‍थान २५:३०

हिब्रू 9:10

मेको पतीके जचा थोव़क, तूचा थोव़क, चिक्‍चा नु चढ़ेचा आ पर्बम बाक्‍नीम। मेको नेल्‍ल मुर आन मिम्‍शो शोर गाक्‍शो गेय बाक्‍नीम। नक लोव़ मजाक्‍‍म सम्‍म मेको माइत लोव़ टिशा पामेक्‍ल, दे वोइश्‍शो बाक्‍माक्‍त। लेवी ११:-; गन्‍ती १९:-

हिब्रू 9:3

फारतीक वा आ आगा नेल्‍ल क्‍येङा चोव़खो कोठा बाक्‍‍शो बाक्‍माक्‍त।

हिब्रू 9:5

सन्‍दोस आ तारी करूब निक्‍शी वोइश्‍शो बाक्‍तेक्‍म। मेको निक्‍शीमी “परमप्रभु यावे एकेर बाक्‍ब” दे आ शिशी पतीक कली वांकु गेशा वोइक्‍तेक्‍म। मेको नेल्‍ल आन पर्बम मुल का का पा शेंने मचाप्‍नुङ।

हिब्रू 9:6

मोदेंशो ताम्‍बुमी चढ़ेबपुकीमी नाक्‍त किंत किंत ओव़शा, परमप्रभु यावे कली आन पचा माल्‍शो गेय पाम्‍तेक्‍म। गन्‍ती १८:३-४