रोमी 9:33 - Sunuwar Bible

³³ मिनु “गो सियोनम फुल्‍लु का वोइक्‍नुङ। मेको फुल्‍लुमी मुर आन कली दाइल पपाइक्‍ब। मिनु शुश मुर मेको फुल्‍लुम थोक्‍सीशा राम्‍सीनीम। सुमी मेको कली थमा सुइक्‍बा, मेको खतम मदुम्‍ब” दे ब्रेक्‍शो बाक्‍ब। यसैया ८:१४; यसैया २८:१६

रोमी 9:33 ပူးပေါင်းရင်းမြစ်များ

भजन संग्रह 118:22

खिं सेल्‍बपुकीमी गारो प्रोव़ङमेनु “एको फुल्‍लु मगार” दे ताइक्‍तमे बाक्‍त। मिनु मेको मगारथु ताइश्‍शो फुल्‍लु चहिं जग ङा सुरे फुल्‍लु दुम्‍माक्‍त। यसैया २८:१६; मत्ती २१:४२

भजन संग्रह 119:116

इन थोक्‍शा पशो लोव़ खोदेंशो पा आं कली ब्रोंइचा गेयीनी। मिनु गो इन लां कोव़शा, मुने मदोक्‍ङल।

भजन संग्रह 25:20

आं कली खाल पा प्रोंइ‍यीनी। गो मुने मदोक्‍ङल। मारदे हना इन कली जिम्‍मा गेसाक्‍यी।

यसैया 28:16

मोपतीके परमप्रभु, परमप्रभु यावेमी “कोव़ङीन गो सियोन डांडाम जग फुल्‍लु का वोइक्‍नुङ। मेको रिम्‍शो नु बोल्‍यो सुर ङा फुल्‍लु बाक्‍ब। मेको शुश क्‍येट लाइब थम बोल्‍यो जग ङा फुल्‍लु बाक्‍ब। सु सु मेको कली थमा सुइक्‍नीमी, मेको आन थुं लुक्‍च मलाइब। भजन संग्रह ११८:२२; एफिसी २:२०; यसैया ७:९

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

मत्ती 21:42

मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८

मत्ती 21:44

सुमी एको फुल्‍लुम दाल पांइसीशा राम्‍सीबा, मेको फस दुम्‍ब। एको फुल्‍लुमी सु कली चिप्‍बा, मेको चिम्‍सीशा बेक्‍ब” देंत।

रोमी 10:1

आं लोक्‍बपुकी, गो थमा मसुइक्‍ब इस्राएली आन पर्बम परमप्रभु यावे कली “थमा सुइक्‍पतीन” दे पुंइना पुंइन बाक्‍नुङ।

रोमी 10:11

मिनु परमप्रभु यावे आ लोव़मी “सु सुमी मेको कली थमा सुइक्‍नीमी, मेको मुने मदोक्‍नीम” दे ब्रेक्‍शो बाक्‍ब। यसैया २८:१६

रोमी 5:5

मिनु मोदेंशो आस पतीकेम मुर आन कली बोल्‍यो सेल्‍ब। मारदे हना परमप्रभु यावे आ सोक्‍त आ पतीकेमी परमप्रभु यावे आ दाक्‍तीके इं थुंम मोइश्‍शो बाक्‍त। भजन संग्रह २२:६; भजन संग्रह २५:३,२०; हिब्रू ६:१८-१९

गलाती 5:11

आं लोक्‍बपुकी, नेनीन, गो ख्रोइक्‍तीक चिनु ख्रोइक्‍चा माल्‍ब, दे शेंथ गाक्‍शो नङ हना, खेदा पा श्‍येत गेचा मपुंइसीङ वा। गोमी येसु ख्रीस्‍त इं पा ङा बेक्‍त, दे थमा सुतीन, दे शेंना शेंन गाक्‍शो नङ। मेको शेंतीक आ पर्बम आन थुं मनुथु श्‍येत गेतीमी। १कोरिन्‍थी १५:३०; गलाती ६:१२; १कोरिन्‍थी १:२३

फिलिप्‍पी 1:20

गो काइ मुने मदोक्‍नुङ, दे तुइश्‍शा, आस पाइनुङ। मिनु काइ महिंब दुम्‍शा, ब्रोंइती हना यो, साइक्‍तीमी हना यो, मुरपुकीमी गेना हना यो ख्रीस्‍त कली ठेयब सेल्‍मेक्‍ल, देंनुङ।

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

१ यूहन्‍ना 2:28

आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।