रोमी 9:17 - Sunuwar Bible

¹⁷ परमप्रभु यावेमी फाराओ कली “नेल्‍ल रागी ङा मुरपुकीमी आं सक्ति तशा, आं नें तुइक्‍तमेक्‍ल, दे इ कली वोइक्‍ता” देंशो बाक्‍त। प्रस्‍थान ९:१६

रोमी 9:17 ပူးပေါင်းရင်းမြစ်များ

एस्‍तर 4:14

मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७

भजन संग्रह 76:10

थमा पा, मुर आन गाइक्‍तीकेमी इन कली ठेयब सेल्‍ब। मिनु इच्‍का ली‍शो गाइक्‍तीकेमी इन कली ठेयब सेल्‍ब।

प्रस्‍थान 9:16

तन्‍न गो आं सक्ति रागी नेल्‍लेम तुइक्‍पाइक्‍चा कली इ कली मुल सम्‍म ब्रोंइचा गेता। आ नें रागी नेल्‍ल ङा मुर आन कली तुइक्‍पाइक्‍चा, दे इ कली ब्रोंइचा गेता। प्रस्‍थान १४:४; रोमी ९:१७

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

यसैया 19:12

गे, निप्‍स पाइश्‍शो मुरपुकी ते बाक्‍नी? गेपुकीम मुर नेल्‍ल आन परमप्रभु यावेमी इजीप्‍त कली मार पचशो बाक्‍मे, मेको लोव़ पा मुर आन कली तुइक्‍पतीन।

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

दानीएल 4:22

हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

रोमी 11:4

परमप्रभु यावेमी एलीया कली मार लोव़ लेत्‍ता बाक्‍त देंशा हना “आं नोले खोइक्‍ब, ७ हजार मुर योव़तामी। मेकोपुकीमी बाल देवता आ ङोंइती आन पोक्‍च मथेक्‍नीम” दे लोव़ लेश्‍शो ममाइ ङा? १राजा १९:१८

गलाती 3:22

तन्‍न परमप्रभु यावेमी ब्रेक्‍पाइश्‍शो लोव़मी “मुर नेल्‍ल पाप आ वाइलीम वाइल दुम्‍शो बाक्‍नीम” दे ब्रेक्‍शो बाक्‍ब। सु सुमी येसु ख्रीस्‍त कली थमा सुदमे, मेको आन थमा सुइश्‍शोमीन “पाप रे ब्रोंइचा ताइनीम” दे गेशो लोव़ खाप्‍शो ताम्‍तेक्‍म। रोमी ३:९-२०; रोमी ११:३२

गलाती 3:8

अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३

गलाती 4:30

मिनु मार ब्रेक्‍शो बाक्‍त देंशो हना “वाइलीम आ तौ कली ग्रुंइशा खेरचा। मारदे हना वाइलीम आ तौ ग्‍युंबे पशो आ तौ नु हक मताइब” दे ब्रेक्‍शो बाक्‍ब। उत्‍पत्ती २१:१०

यहोसु 9:9

मिनु मेकोपुकीमी “गो इन गेय पाइबपुकी शुश ङोन रागी रे जाक्‍शो नकी। गोपुकी परमप्रभु यावे, इन परमप्रभु आ पर्बम शुश नेंतक। मिनु इजीप्‍त रागीमी मार पवा मेको नेल्‍ल नेंतक।

१ सामुएल 4:8

आबी, मुल गो बेक्‍नय। मो देंशो ङोंइती गेनायो मदुम्‍शो बाक्‍त” देंमा बाक्‍त। “आबी, सुम आंइ कली मेको शुश सक्ति पाइश्‍शो परमप्रभु रे प्रोंइबा? मेकोम इजीप्‍ती आन कली श्‍येत गेशा गोरशो रागीम बेक्‍तीक रोइ पपाइश्‍शा साइश्‍शो बाक्‍त।