रोमी 9:14 - Sunuwar Bible

¹⁴ मोदेंशो बाक्‍त हना, गो मार देंचा? परमप्रभु यावेमी ठीक गेय मपवा ङा? ममाइ।

रोमी 9:14 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

अय्‍युब 35:2

अय्‍युब कली “परमप्रभु आ ङोंइती ‘गो ठीक बाक्‍नुङ’ देंचा रिम्‍शो बाक्‍बा? अय्‍युब ३२:२

अय्‍युब 8:3

मार, परमप्रभुम दूली निसाफ पाइबा ङा? मार, नेल्‍ल क्‍येङा सक्ति पाइश्‍शो परमप्रभुम मार ठीक बाक्‍बा, मेको मतुइक्‍बा ङा? अय्‍युब ३४:१०

भजन संग्रह 145:17

परमप्रभु यावे नेल्‍ल ठीक पाइब बाक्‍ब। मिनु आ गेय नेल्‍ले शिशीम पाइब।

भजन संग्रह 92:15

मिनु गो “परमप्रभु यावे गेना हना यो ठीक पाइब बाक्‍ब। मेको आं सेरथे फुल्‍लु बाक्‍ब। मेको नु मारेइ मरिम्‍शो मबाक्‍ब” देंनुङ। ब्‍यवस्‍था ४२:४

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

लूका 20:16

जाक्‍शा मेको बुम्‍था पाइब आन कली साइक्‍ब। मिनु आ रू अरु आन कली गेब” दे शेंदीमी बाक्‍त। आ लोव़ नेंबपुकीमी मेको कथा नेंशा “मोदेंशो मदुम्‍ल” देंमा बाक्‍त।

रोमी 2:11

मारदे हना परमप्रभु यावेमी मुर आन कली आइक्‍च जात, ठेयब जात मतिल्‍थु ठीक निसाफ पाइब। २इतिहास १९:७; प्रेरित १०:३४; कलस्‍सी ३:२५; १पत्रुस १:१७

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।

रोमी 3:1

मोदेंशो बाक्‍त हना, यहूदीपुकीमी अरु आन क्‍येङा मार ताइनीमी? ख्रोइक्‍तीक चिनु ख्रोइश्‍शो मार दुम्‍बाक्‍ङा?

रोमी 9:30

मिनु मुल गो मार देंचा ङा? अर्को रागी ङा मुरपुकीमी ठीक दुम्‍चा ममाल्‍थु, ठीक दुम्‍तेक्‍म। तन्‍न आन ठीक दुम्‍तीके मेको आन परमप्रभु यावे कली थमा सुइक्‍तीक रे जाक्‍त। रोमी १०:२०

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

प्रकाश 16:7

मिनु गोमी मेको धूप चढ़ेतीके रे सेंदा कामी लोव़ पशो नेंता। मेकोमी “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। मारेइ मारेइ पने चाप्‍नीनी। इन पशो निसाफ थमा नु ठीक बाक्‍नीमी” देंशो नेंता। प्रकाश ९:१३; प्रकाश ६:१०-११