रोमी 9:1 - Sunuwar Bible

¹ ख्रीस्‍त आ नें ब्रशा, जोल मपथु, एको लोव़ पाइनुङ। परमप्रभु यावे आ सोक्‍तमी आं थुंमी थमा लोव़ बाक्‍ब, दे सांकछी गेब।

रोमी 9:1 ပူးပေါင်းရင်းမြစ်များ

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 2:15

मेको मुर आन थुंमी अरेशो लोव़ ब्रेक्‍सीशो बाक्‍ब, दे कोंइनीम। मेको आन थुंमी आन पशो आ पर्बम रिम्‍शो बाक्‍ब देय मरिम्‍शो बाक्‍बा सांकछी गेब। रोमी १:३२

रोमी 8:16

गोपुकीमी “आफ” देंयानु, इं थुंमी बाक्‍शो परमप्रभु यावे आ सोक्‍तीमी इं थुं कली “परमप्रभु यावे आ तमी तौ ननी” दे सांकछी गेब। २कोरिन्‍थी १:२२

रोमी 9:2

गो इं यहूदी लोक्‍ब आन कली तशा, आं थुं शुश खाइक्‍ती। मेको आन कली दो पङ, मार पङ देंशा आं थुं खुरसाक्‍यी।

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 1:23

परमप्रभु यावे कली सांकछी वोइश्‍शा, इन कली थमा पा देंनुङ, गो इन कली हुइक्‍चा कली कोरिन्‍थ मजाक्‍ङ।

२ कोरिन्‍थी 11:10

ख्रीस्‍त थमा बाक्‍ब, देंशो लोव़ लीशो खोदेंशो पा “कोरिन्‍थी आन कली आन क्‍येट मताक्‍थु, मोशा शेंताक्‍व” देंशो लोव़ आकाया रागीम ब्रशा लील, दे मिम्‍शा, मारेइ मताक्‍गु।

२ कोरिन्‍थी 11:31

गेना हना यो ठेयब सेल्‍चा पुंइसीब प्रभु येसु आ आफ परमप्रभु यावेमी गो जोल मपाइनुङ, दे तुइक्‍ब।

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

गलाती 1:20

गोम इन कली ब्रेक्‍शो लोव़ थमान बाक्‍ब, देंनुङ। जोल ममाइ, दे परमप्रभु यावेमी तुइक्‍ब।

फिलिप्‍पी 1:8

ख्रीस्‍त येसुमी आं कली दाक्‍पाइक्‍तीके थुं गेतीके गो इन कली ग्रुम्‍चा शुश दाक्‍ताक्‍ङ, परमप्रभु यावेमी मेको तुइक्‍ब।

१ थिस्‍सलोनिकी 2:5

गो इन कली मिलो शिलो मपक, दे तुइक्‍नीनी। इन क्‍येट ताइनीकी कों, दे मिम्‍शा मशेंदक, मेको परमप्रभु यावेमी तुइक्‍ब। मत्ती १२:४०; प्रेरित २०:३३

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ तिमोथी 2:7

मोपतीके परमप्रभु यावेमी एको लोव़ शेंब नु ख्रीस्‍त आ सोइश्‍शो सेल्‍ती। गो जोल मपथु, थमा लोव़ पाइनुङ। इस्राएली आन कली ममाइ, तन्‍न रागी रागी ङा मुर आन कली थमा सुइक्‍तीके आ पर्बम शेंब नु थमा लोव़ शेंब सेल्‍ती। २तिमोथी १:११; गलाती २:७-८

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।