रोमी 8:9 - Sunuwar Bible

⁹ इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

रोमी 8:9 ပူးပေါင်းရင်းမြစ်များ

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

लूका 11:13

गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।

यूहन्‍ना 14:17

मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 3:34

परमप्रभु यावे आ सोइश्‍शोमी परमप्रभु यावे आ लोव़ पाइब। मेकोमी परमप्रभु यावे आ सोक्‍तीमी ब्री‍तीके आ लोव़ पाइब। यूहन्‍ना १:१६

यूहन्‍ना 3:6

मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९

प्रेरित 16:7

मिनु माइसीया आ नेक्‍था जाक्‍दीश्‍शा, मुल बिथीनीया रागी ओव़चा, दे थुं पामे बाक्‍त। तन्‍न येसु आ सोक्‍तीमी लचा मगेमी बाक्‍त।

रोमी 7:5

गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

रोमी 8:11

परमप्रभु यावे आ सोक्‍तीमी दोपा ख्रीस्‍त येसु कली बेक्‍शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्‍त इं आगाम बाक्‍शा, इं कली ब्रोंइचा गेब।

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

१ कोरिन्‍थी 15:23

मिनु नेल्‍ल का का पा सेंसीनीम। ङोंइती ख्रीस्‍त सेंसाक्‍व। मिनु नोले आ जाक्‍ची ना मेको कली थमा सुइक्‍बपुकी सेंसीनीम। १थिस्‍सलोनिकी ४:१६-१७

१ कोरिन्‍थी 3:16

गे परमप्रभु यावे आ खिं ननी, दे मतुइक्‍नीनी? मिनु परमप्रभु यावे आ सोक्‍त इन आगाम बाक्‍ब, दे मतुइक्‍नीनी? १कोरिन्‍थी ६:१९; २कोरिन्‍थी ६:१६

१ कोरिन्‍थी 6:17

तन्‍न प्रभु आ मुर दुम्‍यानु, प्रभु आ सोक्‍त नु इं सोक्‍त का दुम्‍नीस। यूहन्‍ना १७:२१-२२

१ कोरिन्‍थी 6:19

इन रां परमप्रभु यावे आ सोक्‍त आ खिं बाक्‍ब दे मतुइक्‍नीनी? परमप्रभु यावेमी आ सोक्‍त इन रांमी वोइक्‍तु। मिनु इन रां इन के ममाइ। १कोरिन्‍थी ३:१६

२ कोरिन्‍थी 10:7

मिनु इन ङोंइती दोपा बाक्‍नीकी, मेको कोव़ङीन। सु सुमी “गो ख्रीस्‍त आ मुर दुम्‍ती” दे आन नें बोरपदमे, मेकोपुकीमी आंइ कली यो ख्रीस्‍त आ मुर बाक्‍नीम, दे रुप्‍मेक्‍ल।

२ कोरिन्‍थी 6:16

परमप्रभु यावे आ खिं नु मूर्ति दोपा गारनीसी ङा? मारदे हना गो गेना हना यो ब्रोंइशा बाक्‍ब परमप्रभु यावे आ खिं बाक्‍नीकी। मिनु परमप्रभु यावेमी “आं मुर आगाम बाक्‍नुङ। मेको आन दातेम गाक्‍नुङ। मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम” देंशो बाक्‍त। लेवी २६:११-१२; इजीकीएल ३७:२७; १कोरिन्‍थी ३:१६

गलाती 4:6

गो आ तमी तौ दुम्‍शोपुकी परमप्रभु यावेमी आ तौ आ सोक्‍त गेचा पुंइसाक्‍य। मेको सोक्‍तीमी “आब्‍बा, आं दाक्‍शो आफ” देंब। रोमी ८:१५

गलाती 5:24

सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

एफिसी 2:22

मिनु गेपुकी यो परमप्रभु यावे आ सोक्‍तीम पतीके परमप्रभु यावे आ खिं बाक्‍नीनी।

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

फिलिप्‍पी 1:19

इन परमप्रभु यावे कली पुंइतीके नु येसु ख्रीस्‍त आ सोक्‍तीम आं कली वारच पतीके गो एको श्‍येत रे ब्रोंइनुङ, दे तुइक्‍नुङ। २कोरिन्‍थी १:११

२ तिमोथी 1:14

इं आगामी बाक्‍शो परमप्रभु यावे आ सोक्‍तीमी इ कली तुइक्‍पाइश्‍शो थमा शेंतीके कली खोतो।

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९

१ यूहन्‍ना 4:13

परमप्रभु यावेमी इं कली आ सोक्‍त गेप्‍तु। मोपतीके गो परमप्रभु यावे नु थुं का ङा दुम्‍नय नु मेको गो नु थुं का ङा दुम्‍शो तुइक्‍नय।

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 20:15

सु सु आन नें ब्रोंइतीक किताबमी मब्रेक्‍शो बाक्‍मे, मेको हुरुर पा ब्रशो मीमी हुम्‍चा पुंइसाक्‍म।