रोमी 8:5 - Sunuwar Bible

⁵ सु सुमी रागी ङा मुर आन थुं ङा लोव़ ला मिम्‍नीमी, मेकोपुकीमी मुरुम पशो खोदेंशो पाइनीम। सु सुमी परमप्रभु यावे आ सोक्‍तीम गेशो थुं ङा लोव़ मिम्‍नीमी, मेकोपुकीमी चहिं परमप्रभु यावे आ सोक्‍त आ दाक्‍शो पाइनीम।

रोमी 8:5 ပူးပေါင်းရင်းမြစ်များ

मर्कूस 8:33

मिनु येसु हिरशा, अर्को शेंसीबपुकी गे कोव़शा “ए सैतान, इ कुल मकोंइदी। परमप्रभु यावे आ मिम्‍शो ममाइ, मुर आन देंशो नेंबाक्‍ते” दे पत्रुस कली हुइक्‍ता बाक्‍त।

यूहन्‍ना 3:6

मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९

रोमी 8:9

इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

१ कोरिन्‍थी 15:48

ङोंइती ङा मुर खप के सेल्‍शो खोदेंशो पा, खप के सेल्‍शो बाक्‍तेक्‍म। ङोंइती स्‍वर्ग रे जाक्‍शो मुर खोदेंशो पा, स्‍वर्ग ङा मुर बाक्‍नीम।

१ कोरिन्‍थी 2:14

परमप्रभु यावे कली थमा मसुइक्‍ब मुरुम परमप्रभु यावे आ सोक्‍त ङा गेय मताइनीम। मेको नेल्‍ल मेको आन कली मूर्ख गेय खोदेंशो पा रुप्‍ने मचाप्‍नीम। मारदे हना मेको सोक्‍त ङा लोव़ बाक्‍ब। यूहन्‍ना ८:४७; १कोरिन्‍थी १:२३

२ कोरिन्‍थी 10:3

मारदे हना गो रागीम बाक्‍तक हना यो, रागी ङा मुर खोदेंशो पा मजीनीकी।

गलाती 5:17

मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। रोमी ७:१५,२३

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

२ पत्रुस 2:10

मिनु सु सु आन दला दाक्‍स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्‍ल क्‍येङा शुश सजाइ ताइनीम। मोदेंशो जोल पा शेंब काइ महिंब दुम्‍शा, ठेयब लेश्‍शा, थमा सुइक्‍ब आन कली शुक्‍शी पचा महिंनीम।