रोमी 8:36 - Sunuwar Bible

³⁶ श्‍येत जचा आ पर्बम “इन नें आ पर्बम साइक्‍चा पुंइसीन सीन बाक्‍नीकी। क्‍योरचा चिक्‍शो भेडा खोदेंशो दुम्‍तक” दे ब्रेक्‍शो बाक्‍ब। भजन संग्रह ४४:२२; २कोरिन्‍थी ४:११

रोमी 8:36 ပူးပေါင်းရင်းမြစ်များ

भजन संग्रह 141:7

दोपा फुल्‍लु प्रोल्‍शा रू मेर फ्राइनीमी, मोपान मेको आन रुश बेक्‍शो मुर आन बाक्‍तीकेमी ब्रशो बाक्‍नीम।

भजन संग्रह 44:11

गे आंइ कली क्‍योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्‍तीनी।

भजन संग्रह 44:22

मो हना यो गो इन पर्बम नाक्‍त रे साइक्‍चा पुंइसीनीकी। मिनु क्‍योरचा चिक्‍शो भेडा खोदेंशो पा हिक्‍सीशो बाक्‍नीकी। १कोरिन्‍थी १५:३१; रोमी ८:३६

यसैया 53:7

मिनु मुरपुकीमी मेको कली दिप्‍शा श्‍येत गेम्‍तेक्‍म। मिनु श्‍येत जशा यो सिक्‍सी पा मारेइ मदें। साइक्‍चा चिक्‍शो पाठा खोदेंशो पा सिक्‍सी पा बाक्‍त। मिनु ऊन ख्रोइक्‍ब आन ङोंइती बाक्‍शो भेडा खोदेंशो पा सिक्‍सी पाप्‍तु। मेको आन कली लोव़ का यो मपव। मर्कूस १४:६५; यूहन्‍ना १:२९; प्रेरित ८:३२

येरमीया 11:19

गो साइक्‍चा कली लाइश्‍शो मारेइ पने मचाप्‍ब पाठा का खोदेंशो बाक्‍ती। मेकोपुकीमी आं पर्बम “एको रवा कली आ फल सुन्‍दा तिम्‍य। एको कली ब्रोंइशा बाक्‍ब आन रागी रे क्‍योरशा ताइक्‍तय। मिनु एको आ नें गेनायो ममिम्‍सेक्‍ल” देंशा मरिम्‍शो पशो गो मतुइक्‍तु। यसैया ५३:७

येरमीया 12:3

मो हना यो परमप्रभु यावे, गे आं कली तुइक्‍नीनी। गे आं कली कोव़शा, नाक्‍नीनी। आं थुं गे नु बाक्‍ब। मेको आन कली साइक्‍चा कली लाइश्‍शो भेडा खोदेंशो पा, कीशा लतीन। मिनु साइक्‍तीक नाक्‍त कली तिल्‍शा वोतीन। भजन संग्रह १३९:१

येरमीया 51:40

मिनु परमप्रभु यावेमी “गो मेको आन कली क्‍योरचा कली कीशा लाइश्‍शो पाठा, सांड नु क्‍यारश खोदेंशो पा चाक्‍नुङमी।

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 8:32

ठेयब मुरुम पढेना पढेन बाक्‍शो लोव़ चहिं “भेडा कली क्‍योरपाइक्‍थ लाइश्‍शो खोदेंब पा मेको कली लाइक्‍तेक्‍म। भेडा पाठा आ ऊन प्रेक्‍ग‍मेनु, ब्‍वालेइ पा बाक्‍शो खोदेंशो पा मेको ब्‍वालेइ पा बाक्‍त।

१ कोरिन्‍थी 15:30

मारदे गो शुश श्‍येत फाल्‍शा, एको लोव़ शेंना शेंन गाक्‍नुङा? रोमी ८:३६; गलाती ५:११

१ कोरिन्‍थी 15:31

आं लोक्‍बपुकी, येसु ख्रीस्‍त, इं प्रभु आ मुर दुम्‍तीनी। मिनु इन कली तशा, आं नें बोरपाइक्‍नुङ। तन्‍न शेंना शेंन गाक्‍शा, नाक्‍त किंत किंत बेक्‍चा ङा खोदेंशो दुम्‍नुङ। २कोरिन्‍थी ४:१०

१ कोरिन्‍थी 4:9

परमप्रभु यावेमी आ सोइश्‍शो, आंइ कली मुर नेल्‍ल आन क्‍येङा आइक्‍च सेल्‍शा साइक्‍चा पुंइसीचा कली वोइक्‍तु, दे मिम्‍नुङ। मारदे हना रागी रागी ङा मुर नेल्‍ल नु परमप्रभु यावे आ स्‍वर्ग ङा गेय पाइबम आंइ कली कोव़ना कोव़न बाक्‍नीमी। रोमी ८:३६; हिब्रू १०:३३

२ कोरिन्‍थी 1:9

साइक्‍चा पुंइसीशो खोदेंशो दुम्‍तक। मो दुम्‍तक हना यो “परमप्रभु यावेम बेक्‍शो मुर आन कली सेंब। मोपतीके मेको कली थमा सुइय्‍य। मेको क्‍येङा लाक्‍शा सुइमी इं कली प्रोंइने मचाप्‍नीम” दे मिम्‍शा बाक्‍तक।

२ कोरिन्‍थी 11:23

मार, मेको ख्रीस्‍त आ गेय पाइब नमी? गो यो ख्रीस्‍त आ गेय पाइब नङ। गो मेको आन क्‍येङा रिम्‍शो गेय पाइब नङ। गो गशो मुरुम खोदेंशो लोव़ पाइनुङ। गो मेको आन क्‍येङा शुश गेय पाता। मेको आन क्‍येङा शुश चोक्‍चा पुंइसाक्‍यी। मेको आन क्‍येङा तुप्‍चा पुंइसाक्‍यी। हेर हेरा साइक्‍चा पुंइसाक्‍यी। १कोरिन्‍थी १५:१०; २कोरिन्‍थी ६:४-५

२ कोरिन्‍थी 6:9

आंइ कली मतुइक्‍नीमी, तन्‍न तुइश्‍शो बाक्‍नीमी। बेक्‍चा चिक्‍शो, तन्‍न मबेक्‍शो बाक्‍नीकी। सजाइ तशो, तन्‍न साइक्‍चा मपुंसीशो बाक्‍नीकी। २कोरिन्‍थी ४:१०-११; भजन संग्रह ११८:८; प्रेरित १४:१९

फिलिप्‍पी 3:10

आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। रोमी ६:३-५; रोमी ८:१७; गलाती ६:१७