रोमी 8:34 - Sunuwar Bible

³⁴ सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

रोमी 8:34 ပူးပေါင်းရင်းမြစ်များ

अय्‍युब 33:24

मिनु मेकोमी मुर कली शिशी पा ‘मेको मुर कली बेक्‍चा रे प्रोनीन। मेको कली प्रोंइतीक थोव़क गो नु बाक्‍ब’ देंत हना, भजन संग्रह ४९:८-११

अय्‍युब 34:29

तन्‍न मेको सिक्‍सी पा बाक्‍‍त हना, सुम मेको कली दोस गेने चाप्‍बा ङा? मेकोम आ कुल ख्रुइक्‍ताक्‍व हना, सुम मेको कली तने चाप्‍बा ङा? रागी ङा मुर नेल्‍ल कली नु मुर का कली मेको कान बाक्‍ब।

भजन संग्रह 109:31

मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब।

भजन संग्रह 37:33

तन्‍न परमप्रभु यावेमी ठीक पाइब आन कली मेको आन गुइम दुम्‍चा मगेब। ठीक पाइब आन निसाफ दुम्‍मेनु, दोस मताइब दुम्‍पाइक्‍ब।

यसैया 50:8

“गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३

यसैया 53:12

मोपतीके गो मेको कली ठेयब नु सक्ति पाइश्‍शो नु वोइक्‍नुङ। मेकोमी बोल्‍यो मुर नु मार मार योक्‍सीब। मारदे हना मेको साइक्‍ब नु मरिम्‍शो मुरपुकी नु हिक्‍सीचा पुंइसाक्‍व। शुश पापी आन पाप कुरतु। मिनु हेंथे गाक्‍ब मुर आन पर्बम परमप्रभु यावे कली पुंइतु। मर्कूस १५:२८; लूका २२:३७; लूका २३:३३-३४

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

गन्‍ती 7:15

चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।

मत्ती 20:28

रागीम जरमेशो मान पपांइसीचा कली जाक्‍शो ममाइ। तन्‍न गेय पथ नु शुश मुर आन कली प्रोंइचा कली आ गिंम सोइक्‍थ जाक्‍शो बाक्‍ब” दे माइक्‍तीमी। फिलिप्‍पी २:७; १पत्रुस १:१८-१९

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

यूहन्‍ना 14:19

इच्‍का नोले थमा मसुइक्‍बपुकीमी आं कली लेंशा मताइनीम। गेपुकीमी चहिं आं कली ताइनीनी। मारदे हना गो ब्रोंइनुङ। मिनु गेपुकी यो ब्रोंइनीनी। यूहन्‍ना २०:२०

यूहन्‍ना 16:23

मेना गेपुकी आं कली मारेइ हिल्‍लो मपाइनीनी। नोफा दाइश्‍शा नेनीन, गे आं नेंमी आं आफ कली मार मार पुंइनीनु, आं आफोमी इन कली गेब। यूहन्‍ना १४:१३-१४

प्रेरित 2:24

गेपुकीमी साइक्‍पाइक्‍तीनी हना यो, परमप्रभुमी येसु कली बेक्‍शो रे सेंताक्‍व। मारदे हना आ गेना हना यो ब्रोंइशा बाक्‍ब परमप्रभु बाक्‍ब।

रोमी 14:13

मोपतीके आंम आंमा मनाक्‍मुय। थमा सुइक्‍ब लोक्‍ब आन थुं खाइक्‍पाइक्‍चा ङा गेय मपमुय। १कोरिन्‍थी १०:३३

रोमी 14:9

मारदे हना ख्रीस्‍त बेक्‍शा, बेक्‍शो रे सेंसीशा, नेल्‍ल आन कली कोव़ब दुम्‍त। बेक्‍शो, ब्रोंइशो मुर नेल्‍ल आन प्रभु बाक्‍ब।

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

रोमी 8:27

मारदे हना परमप्रभु यावे आ सोक्‍तीम इं थुं ङा लोव़ नेल्‍ल तुइक्‍ब, परमप्रभु यावेमी मार दाक्‍बा, मेको यो तुइश्‍शा, थाम सुइक्‍ब आन पर्बम पुंइब।

कलस्‍सी 3:1

गेपुकी ख्रीस्‍त नु सेंसीशो बाक्‍तीनी हना, स्‍वर्गमी बाक्‍ब दोपा बाक्‍मा, मेको मालीन। मेकेर ख्रीस्‍त परमप्रभु यावे आ ग्‍युरा गे निश्‍शो बाक्‍ब। कलस्‍सी २:१२

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।