रोमी 8:31 - Sunuwar Bible

³¹ मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

रोमी 8:31 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

१ राजा 8:57

परमप्रभु यावे इं परमप्रभु इं किकी पिपी नु बाक्‍शो खोदेंशो पा गोपुकी नु यो बाक्‍ल। मेकोमी इं कली गेनायो मप्रोनल।

२ राजा 6:16

मिनु मेको परमप्रभु यावे आ लोव़ पाइबमी “महिनो। मेकोपुकी नु बाक्‍शो आन क्‍येङा गो नु बाक्‍शो शुश बाक्‍नीम” देंमाक्‍त।

१ इतिहास 19:15

मिनु अम्‍मोनीपुकी यो अरामी प्रोक्‍शो तशा, योआब आ लोक्‍ब अबीशै आ ङोंइती रे प्रोक्‍शा सहर ओव़मा बाक्‍त। मोपतीके योआब यरूसलेम लेम्‍माक्‍त।

१ इतिहास 5:22

मेको लडाइम शुश मुर बेक्‍मा बाक्‍त। मारदे हना मेको लडाइ परमप्रभु रे पा दुम्‍शो बाक्‍माक्‍त। मिनु मेकोपुकी ग्‍याइश्‍शा लाइक्‍चा मपुंइसामा सम्‍म मेको आन बाक्‍तीकेम बाक्‍मा बाक्‍त।

भजन संग्रह 118:6

परमप्रभु यावे गो नु बाक्‍तीके गो महिंनुङ। मुरपुकीमी आं कली मार पाइक्‍ने चाप्‍नीमी ङा? रोमी ८:३१; भजन संग्रह ५६:५; हिब्रू १३:६

भजन संग्रह 46:11

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 46:7

मुर नेल्‍ल आन परमप्रभु यावे गोपुकी नु बाक्‍ब। याकूब आ परमप्रभु आंइ बोल्‍यो दरवार बाक्‍ब। ठेयब सेंदा पा।

भजन संग्रह 56:11

गो “परमप्रभुमी श्‍येत रे प्रोंइब” दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा?

भजन संग्रह 56:4

मिनु गो परमप्रभु आ लोव़ ठेयब सेल्‍नुङ। मेकोमी प्रोंइब, दे थमा सुइश्‍शा, महिंथु बाक्‍नुङ। मुरपुकीमी आं कली मार पाइक्‍ने चाप्‍नीमी ङा? भजन संग्रह २७:१; भजन संग्रह ११८:६; यसैया १२:२; यसैया ५१:१२; मत्ती १०:२८

भजन संग्रह 56:9

मिनु गो इन कली “वारच पाइय्‍यीनी” दे पुनुनु, आं जोरी सत्रु लेश्‍शा प्रोक्‍नीम। मिनु परमप्रभुमी आं कली दाक्‍ब, दे तुइक्‍नुङ।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

यसैया 8:10

गे सल्‍ला पा लोव़सी गारपाइक्‍नीनी, तन्‍न मेको शोर गाक्‍शो दुम्‍ब। लोव़ पने, तन्‍न इन लोव़ मगाप्‍ब। मारदे हना परमप्रभु गो नु बाक्‍ब।

येरमीया 1:19

मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 42:11

मुल गे बेबीलोन ङा पिप क्‍येङा महिनीन। मारदे हना गो इन कली मेको आ गुइ रे प्रोंइचा नु श्‍येत मगेपाइक्‍चा कली गेपुकी नु बाक्‍शो बाक्‍नुङ।

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

रोमी 3:5

गो इं मरिम्‍शो पशो परमप्रभु यावे कली रिम्‍शो देंशा कोंइताक्‍य हना, गो मार देंनय ङा? परमप्रभु यावेमी मो देंब आन कली सजाइ गेशो मरिम्‍शो बाक्‍बा ङा? शुश मुरपुकीमी मोदेंशो मिम्‍नीम।

रोमी 4:1

इं किकी अब्राहाममी रिती थिती धर्म पशो तशा, परमप्रभु यावेमी ठीक दुम्‍पदा ङा? ममाइ।

ब्‍यवस्‍था 33:29

गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५

यहोसु 10:42

मिनु यहोसुमी मेको आन पिप आन कली नु आन रागी नेल्‍ल कली कालेम ग्रात। मारदे हना परमप्रभु यावे, इस्राएली आन परमप्रभुमी इस्राएली आन पा ङा लडाइ पाप्‍तु।

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०