रोमी 8:28 - Sunuwar Bible28 गो परमप्रभु यावे आ योव़शो, मेको कली दाक्बपुकीमी दोदेंशो श्येत जाम्तेक्म हना यो, दोदेंशो ग्येरसाक्म हना यो, मार दुम्त हना यो, इं कली रिम्शो दुम्ब, दे तुइश्शो बाक्नय। एफिसी १:११ အခန်းကိုကြည့်ပါ။ |
रोमी 8:28
53 ပူးပေါင်းရင်းမြစ်များ
मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
गे कोरिन्थ सहर ङा ख्रीस्त येसुमी योव़चा पुंइसाक्नी। मोपतीके योव़शोपुकी दे ब्रेत्चा पुंइसीनीनी। गेपुकी ला ममाइ, ते ते इं प्रभु येसु ख्रीस्त आ नेंमी खुम्सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्चा पुंइसीनीम। येसु ख्रीस्त आंइ प्रभु, इं प्रभु, थमा सुइक्ब नेल्ल आन प्रभु बाक्ब। मिनु आ नेंमी गो नेल्ल का दुम्तय। १कोरिन्थी ६:११; प्रेरित ९:१६; प्रेरित १८:१-१७
तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
मिनु परमप्रभु यावे आ दाक्चा मार बाक्ब देंशा हना, गोपुकी ङोंइती परमप्रभु यावे कली काइ मदाक्ताक्य हना यो, परमप्रभु यावेमी इं कली दाक्ताक्व। गिश दाक्ताक्व देंशा हना, आंम तौ कली साइक्चा पुंइसीब पपाइक्चा कली रागीमी सोइक्ताक्व। इं कली मरिम्शो गेय नु सैतान आ राज्य रे प्रोंइचा, दे साइक्चा पुंइसीचा कली रागीमी सोइक्ताक्व।
ကြော်ငြာတွေ