रोमी 8:24 - Sunuwar Bible

²⁴ मेको थमा मदुम सम्‍म आस पा बाक्‍नय। थमा दुम्‍शा नोले आस पा बाक्‍चा ममाल्‍नय। सुमी आ तने थुम्‍शो कली आस पाइबा ङा? २कोरिन्‍थी ५:७

रोमी 8:24 ပူးပေါင်းရင်းမြစ်များ

भजन संग्रह 146:5

याकूब आ परमप्रभुम वारच पाइक्‍चा पुंइसीब मुर, ग्‍येरसीशो बाक्‍नीम। मेकोपुकीमी परमप्रभु यावे, आन परमप्रभु आ लां कोव़शो बाक्‍नीम। येरमीया १७:७

भजन संग्रह 33:18

परमप्रभु यावेमी आ कली मान पा हिंब नु आ गेना हना यो दाक्‍तीक कली रिम्‍ब आन कली कोव़ब।

भजन संग्रह 33:22

परमप्रभु यावे, गो दोपा इन लां कोव़का, मोपा इन गेना हना यो दाक्‍तीके गोपुकी नु बाक्‍ल।

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

येरमीया 17:7

परमप्रभु यावे कली थमा सुइक्‍ब मुर आसीक रशो बाक्‍नीम। मेकोपुकीम परमप्रभु यावे कली आस पशो बाक्‍नीम। बजन संग्रह १४६:५

जकरिया 9:12

आस पा बाक्‍शो चोक्‍चा पुंइसीशो मुरपुकी इन बोल्‍यो ब्रोंइशा बाक्‍तीके लेश्‍शा लने। गो इन कली इन साम्‍शो क्‍येङा निक्‍शी खेयप खोइ शुश गे‍नुङ। जकरिया १०:९; यसैया ६१:७

रोमी 12:12

आस पा ग्‍येरसीशा बाक्‍कीन। श्‍येत जनीनु, फाल्‍शा बाक्‍कीन। प्रार्थना पना पन बाक्‍कीन। लूका १८:१-८; कलस्‍सी ४:२; १थिस्‍सलोनिकी ५:१७

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 15:4

ङोंइती ब्रेक्‍शो नेल्‍ल इं कली शेंचा कली ब्रेक्‍शो बाक्‍त। मेको लोव़ पढेशा, फाल्‍शा इं थुं बारपा, आस पा बाक्‍य। १कोरिन्‍थी १०:११

रोमी 4:18

“शुश रागी ङा मुर आन किकी सेल्‍तन” दे परमप्रभु यावे आ गेशो लोव़ थमा सुइश्‍शा, आस पचा ङा मबाक्‍माक्‍त हना यो, आस पा बाक्‍माक्‍त। उत्‍पत्ती १५:५

रोमी 5:2

येसु ख्रीस्‍त आ पतीके गो परमप्रभु यावे आ शिशी ताइतय। मिनु परमप्रभु यावे नु बाक्‍चा ताइनीकी, दे आस पशा, ग्‍येरशा बाक्‍तय। यूहन्‍ना १४:६; एफिसी ३:१२

रोमी 8:20

ङोंइती रे सेल्‍शो नेल्‍ल बेक्‍शा राक्‍ब दुम्‍शो बाक्‍मा बाक्‍त। तन्‍न परमप्रभु यावेमी “काबु नाक्‍त प्रोंइनन्‍नी” दे आस गेशो बाक्‍माक्‍त। उपदेसक १:४

१ कोरिन्‍थी 13:13

थमा सुइक्‍चा, परमप्रभु यावेमी आ देंशो नेल्‍ल खाप्‍ब, दे आस पा बाक्‍चा नु दाक्‍तीक सांफा बाक्‍नीम। मेको सांफामी दाक्‍तीक चहिं नेल्‍ल क्‍येङा ठेयब बाक्‍ब। १थिस्‍सलोनिकी १:३; १यूहन्‍ना ४:१६

२ कोरिन्‍थी 4:18

मारदे हना गो मिक्‍चीमी तशो थोव़क ममाइ। तन्‍न मिक्‍चीम मतशो थोव़क ला कोव़नीकी। तशो थोव़क जाम्‍शा लाइनीम। मतशो थोव़क चहिं मजाम्‍थु, गेना हना यो लीनीम। हिब्रू ११:१

२ कोरिन्‍थी 5:7

मारदे हना गो थमा सुइक्‍तीकेमी गाक्‍नीकी। ततीकेमी मगाक्‍नीकी।

गलाती 5:5

गोपुकी “ख्रीस्‍त आ पतीके ठीक दुम्‍तय” देंशा, परमप्रभु यावे आ सोक्‍तीमी तुइक्‍पाइक्‍चा पुंइसाक्‍य।

कलस्‍सी 1:23

गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

कलस्‍सी 1:27

परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

१ थिस्‍सलोनिकी 5:8

तन्‍न गोपुकी नाक्‍त ङा मुर दुम्‍शा “प्रभु यीब” दे मिम्‍ना मिम्‍न बाक्‍शा, परमप्रभु यावे आ या ङा पीतल के भोटो खोदेंशो पा, थमा सुइक्‍तीके नु दाक्‍तीके फेक्‍शा बाक्‍य। पीतल के ताकी गुप्‍शो खोदेंशो पा पाप रे प्रोंइशो बाक्‍नुङ, दे तुइश्‍शा आस पय। एफिसी ६:१४-१७

२ थिस्‍सलोनिकी 2:16

इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

तीतस 3:7

मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६

हिब्रू 11:1

थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।