रोमी 7:6 - Sunuwar Bible

⁶ तन्‍न मुल गो अरेशो लोव़ रे ब्रोंइशा बाक्‍नय। मारदे हना गो मरिम्‍शो पतीक आ ग्‍याइश्‍शो रे बेक्‍तय। मुल गो येसु ख्रीस्‍त आ सोक्‍त रे पा नक गेय पाइनय। अरेशो ब्रेक्‍शो लोव़ प्रोंइने थुम्‍तय। रोमी ८:१-२; रोमी ६:२-४

रोमी 7:6 ပူးပေါင်းရင်းမြစ်များ

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

इजीकीएल 36:26

गो इन कली नक थुं का गेनुङ। मिनु गो इन थुंम नक सोक्‍त का कुर पाइनुङ। गो इन आगा रे फुल्‍लु के थुं ग्रुंइशा, मेको आ पा ङा श्‍ये के थुं कुर पाइनुङ। इजीकीएल ११:१९-२०; येरमीया ३१:३३

रोमी 1:9

मिनु गो परमप्रभु यावे आ सांकछी बाक्‍ब। गो गेय पना पान नु आ तौ आ ग्‍येरपाइक्‍ब लोव़ शेंना शेंन बाक्‍नङ। गो इन पर्बम परमप्रभु यावे कली पुंइना पुंइन बाक्‍नुङ, मेको थमा बाक्‍ब। एफिसी १:१६

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

रोमी 6:11

मोपतीके गेपुकीमी यो आंम कली पाप आ पर्बम बेक्‍शो नु ख्रीस्‍त येसु आ पतीकेमी परमप्रभु यावे कली ब्रोंइनय, दे मिम्‍तीन। २कोरिन्‍थी ५:१५; १पत्रुस २:२४

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

रोमी 6:2

मो पचा मदुम्‍ब। बेक्‍शो मुरपुकीम खांखा दोपा पाप पस ङा पस बाक्‍ने चाप्‍नीमी ङा? गो इं के पाप पतीक थुं बेक्‍त।

रोमी 6:22

मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।

रोमी 6:4

मिनु ब्‍वाक्‍कुम ग्रुम्‍यानु, गो येसु बेक्‍शा थिम्‍शो खोदेंशो दुम्‍तय। मिनु परमप्रभु यावे आ सक्तिमी ख्रीस्‍त कली बेक्‍शो रे सेंपाइश्‍शो खोदेंशो पा गो यो सेंसीशा, नक लांम गाक्‍तय। कलस्‍सी २:१२; १पत्रुस ३:२१

रोमी 7:1

आं लोक्‍बपुकी, मुल गो अरेशो लोव़ तुइक्‍ब इन कली शेंचा दाक्‍ती। मबेक्‍या सम्‍म ला अरेशो लोव़ कली टिचा माल्‍नय।

रोमी 7:2

ग्‍युंबे पशो मीश मुर आ वोंइश मबेक्‍म सम्‍म कानुनमी आस नाता लीब। आ वोंइश बेक्‍त हना, आस नाता मलीब। १कोरिन्‍थी ७:३९

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

२ कोरिन्‍थी 5:17

सुइ ख्रीस्‍त आगाम बाक्‍त हना, मेको नक सेल्‍सीशो मुर का दुम्‍ब। ङोंइती ङा नेल्‍ल जाम्‍शा लत। नेल्‍ल नक दुम्‍ने नुप्‍त। रोमी ८:१०; गलाती २:२०; गलाती ६:१५; प्रकाश २१:५

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

एफिसी 4:24

परमप्रभु यावे आ थुं खोदेंशो पा थमा पा ठीक पतीकेमी परमप्रभु यावे आ मुर दुम्‍शा बाक्‍कीन। उत्‍पत्ती १:२६-२७

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

कलस्‍सी 3:10

रिम्‍शो पाइब नक मुर दुमीन। परमप्रभु यावेमी इन थुं आ थुं खोदेंशो पा नक सेल्‍ना सेल्‍न बाक्‍ब। मारदे मो पाइब देंशा हना, आंम कली नेल्‍ल तुइक्‍पाइक्‍चा कली मोदेंशो पाइब। एफिसी ४:२४; उत्‍पत्ती १:२६-२७