रोमी 7:5 - Sunuwar Bible

⁵ गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१

रोमी 7:5 ပူးပေါင်းရင်းမြစ်များ

मत्ती 15:19

मुर आन थुंमी मार मरिम्‍शो मिम्‍नीम देंशा हना, मुर साइक्‍चा, मुर आन मीश लाइक्‍चा, तेल्‍लेम पचा, खुइ पचा, जोल पा सांकछी बाक्‍चा, मुर आन पर्बम मरिम्‍शो लोव़ पचा, दे मिम्‍नीम। मेको चहिं शोव़ रे ग्रूशा, उत्‍पत्ती ८:२१

यूहन्‍ना 3:6

मुर आ रां रे जरमेशो मुरपुकी रागी कली ला गारनीम। परमप्रभु यावे आ सोक्‍त रे जरमेशो मुरपुकी चहिं परमप्रभु यावे आ राज्‍य कली गारनीम। यूहन्‍ना १:१३; रोमी ८:५-९

रोमी 1:26

मोपतीके परमप्रभु यावेमी मेको आन कली आन मिम्‍शो ग्रांग्रा दिचा ङा गेय पपाइक्‍चा कली प्रोंइतु। मेको आन मीशेमी यो मगारचा ङा ग्रांग्रा दिचा ङा गेय पाम्‍तेक्‍म।

रोमी 3:20

मिनु अरेशो लोव़ पशा, सुइ ठीक मदुम्‍नीम। मारदे हना आ अरेशो लोव़ तुइश्‍शा, गो मरिम्‍शो पाइब बाक्‍नय, दे तुइक्‍नय। भजन संग्रह १४३:२; गलाती २:१६; रोमी ७:७

रोमी 4:15

मारदे हना परमप्रभु यावे आ अरेशो लोव़मी आ गाइक्‍तीक पोक्‍ब। मेको लोव़ मबाक्‍शो हना, पाप मतुंइ‍स वा। रोमी ३:२०; रोमी ५:१३; रोमी ७:८,१०

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

रोमी 6:21

इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

रोमी 7:23

तन्‍न आं रांम अर्को अरेतीक का बाक्‍ब। मेको आं थुं ङा दाक्‍शो अरेतीक नु जीब। मिनु आं रांम बाक्‍शो अरेतीकेमी आं कली ग्‍याइश्‍शा, पाप पपाइक्‍ब। गलाती ५:१७

१ कोरिन्‍थी 15:56

पाप पशोमी बेक्‍चा कली हिंपाइक्‍ब। परमप्रभु यावे आ अरेशो लोव़ तुइक्‍बमी पाप पशो यो तुइक्‍ब। मेको आ अरेशो आ सक्ति बाक्‍ब। रोमी ७:८; रोमी ११:१३

२ कोरिन्‍थी 10:3

मारदे हना गो रागीम बाक्‍तक हना यो, रागी ङा मुर खोदेंशो पा मजीनीकी।

गलाती 3:10

सु सुमी चहिं यहूदी आन पतीक पा, ठीक दुम्‍चा माल्‍मे, मेकोपुकी सराप राइनीम। मिनु “परमप्रभु यावेमी अरेशो लोव़ नेल्‍ल टिचा माल्‍ब। सु सुमी लोव़ नेल्‍ल टिशा पशा, का चहिं मटीमे, मेकोपुकी सराप राइनीम” दे ब्रेक्‍शो बाक्‍ब। ब्‍यवस्‍था २७:२६

गलाती 5:24

सु ख्रीस्‍त येसु आ मुर दुम्‍शो बाक्‍नीमी, मेकोपुकीमी आंम रां ङा दला दाक्‍स येसु ख्रीस्‍त खोदेंशो पा शीम क्‍याइक्‍ने थुम्‍शो बाक्‍नीमी। रोमी ६:६

एफिसी 2:11

ङोंइती गेपुकी परमप्रभु यावे आ देंशो लोव़ मतुइक्‍ब बाक्‍तीनी। मुर आन गुइ रे ख्रोइक्‍तीक चिनु ख्रोइश्‍शो, इस्राएलीपुकीमी इन कली “ख्रोइक्‍तीक चिनु मख्रोइश्‍शो मुर नम” देंतेक्‍म। मेको मप्रेंदीन। एफिसी ५:८

एफिसी 2:3

मिनु ङोंइती गो नेल्‍ल मोदेंशो रागी ङा मुर बाक्‍तय। गोपुकी यो मार दाक्‍तय, मेकोन पाइतय। इं रां नु थुंमी मार दाक्‍ता, मेकोन पाइतय। मोपतीके गोपुकी यो अरु मुर खोदेंशो पा गाइक्‍ब आ आल दुम्‍‍तय। १पत्रुस ४:३; कलस्‍सी ३:६

कलस्‍सी 3:5

मोपतीके इन आगामी बाक्‍शो माइत रागी ङा थुं कली सतीन। रागी ङा मुर आन थुंमी मार बाक्‍ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्‍स पचा, मरिम्‍शो मिम्‍तीके नु शिंम दुम्‍तीके बाक्‍ब। शिंम दुम्‍तीके चहिं मूर्ति पूजा पचा खोदेंशो बाक्‍ब। एफिसी ५:३

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

याकूब 1:15

मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१०

याकूब 4:1

इन दातेमी जिचा खे‍चा ते रे जाक्‍बा? गे इन दला दाक्‍स आ पर्बम जीनीनी, ममाइ?

१ यूहन्‍ना 3:4

मिनु सुम मरिम्‍शो पाइबा, मेकोमी परमप्रभु यावे आ अरेशो लोव़ मटीब। मरिम्‍शो मार बाक्‍ब देंशा हना, परमप्रभु यावे आ अरेशो लोव़ मटिचा मरिम्‍शो बाक्‍ब।