रोमी 7:4 - Sunuwar Bible

⁴ आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

रोमी 7:4 ပူးပေါင်းရင်းမြစ်များ

यसैया 54:5

मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।

यसैया 62:5

दोपा ठिटा वोंइश मुरुम मीश आल कली ग्‍युंबे पाइबा, मोपा इ कली सेल्‍बमी इ कली ग्‍युं‍बे पाइब। मिनु दोपा ग्‍युम्‍ले आ ग्‍युम्‍ली कली तशा ग्‍येरसीबा, मोपा परमप्रभु इ कली तशा ग्‍येरसीब।

मत्ती 26:26

मिनु जना जन बाक्‍मानु, येसुमी आ गुइमी शोब्‍ले शेशा “गे रिम्‍शो पाइब बाक्‍नीनी” दे प्रार्थना पशा जिक्‍शा, शेंसीब आन कली योक्‍शा “दांइ‍सीने, ताक्‍शा जने। एको आं रां बाक्‍ब” देंत। १कोरिन्‍थी १०:१६; १कोरिन्‍थी ११:२३-२५

मर्कूस 4:20

रिम्‍शो खपीम शोक्‍शो खोदेंशोपुकीमी चहिं परमप्रभु यावे आ लोव़ नेंशा, आन थुंमी वोइक्‍नीम। मिनु गेडा का के ३०, ६० सहे का गेडा सम्‍म सिश्‍शा ग्रेल्‍नीम” दे शेंदीमी बाक्‍त।

यूहन्‍ना 15:8

गेपुकी आं शेंसीब दुम्‍शा, शुश फल सिप्‍ब दुम्‍तीनी हना, आं आफ आ सक्ति कोंइनीनी। मोपा गेपुकी आं शेंसीब दुम्‍नीनी। मत्ती ५:१६

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

यूहन्‍ना 6:51

गो स्‍वर्ग रे यिशो ब्रोंइतीक शोब्‍ले नङ। सुमी मेको शोब्‍ले जाइबा, मेको गेना हना यो परमप्रभु यावे नु बाक्‍शा ब्रोंइ‍ब। मिनु रागी ङा मुर आन कली ब्रोंइपाइक्‍चा, दे मार शोब्‍ले गेनुङ देंशा हना, आं गेशो शोब्‍ले आं रां बाक्‍ब” दे शेंताक्‍व। मर्कूस १४:२२

रोमी 6:11

मोपतीके गेपुकीमी यो आंम कली पाप आ पर्बम बेक्‍शो नु ख्रीस्‍त येसु आ पतीकेमी परमप्रभु यावे कली ब्रोंइनय, दे मिम्‍तीन। २कोरिन्‍थी ५:१५; १पत्रुस २:२४

रोमी 6:14

पापमी इन कली मारेइ पपाइक्‍ने मचाप्‍ब, मारदे हना परमप्रभु यावे आ अरेशो लोव़मी इन कली दोसी मसेल्‍थु, परमप्रभु यावेमी शिशी पाइक्‍चा पुंइसाक्‍नी। रोमी ७:४-६; १यूहन्‍ना ३:६; रोमी ५:१७,२१

रोमी 6:2

मो पचा मदुम्‍ब। बेक्‍शो मुरपुकीम खांखा दोपा पाप पस ङा पस बाक्‍ने चाप्‍नीमी ङा? गो इं के पाप पतीक थुं बेक्‍त।

रोमी 6:22

मुल गेपुकी मरिम्‍शो पचा रे प्रोंइचा पुंइसीशा, गे परमप्रभु यावे आ वाइल दुम्‍तीनी। मुल इन रिम्‍शो पतीके रे गे परमप्रभु यावे आ मुर दुम्‍शा, गेना हना यो मेको नु ब्रोंइशा बाक्‍चा ताइनीनी।

रोमी 7:3

आ वोंइश मबेक्‍थु, अर्को वोंइश खोइश्‍शा लत हना, मेकोम आस नाता ख्रोइक्‍ब। तन्‍न आ वोंइश बेक्‍शा नोले अर्को वोंइश खोइक्‍तु हना, मेको मीश अरेशो लोव़ रे मारेइ दोस गेचा मपुंइसीब, मारदे हना मेको आ वोंइश बेक्‍ने थुम्‍शो बाक्‍ब।

रोमी 7:6

तन्‍न मुल गो अरेशो लोव़ रे ब्रोंइशा बाक्‍नय। मारदे हना गो मरिम्‍शो पतीक आ ग्‍याइश्‍शो रे बेक्‍तय। मुल गो येसु ख्रीस्‍त आ सोक्‍त रे पा नक गेय पाइनय। अरेशो ब्रेक्‍शो लोव़ प्रोंइने थुम्‍तय। रोमी ८:१-२; रोमी ६:२-४

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

१ कोरिन्‍थी 10:16

गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२

२ कोरिन्‍थी 11:2

इन कली मिम्‍शा, गो परमप्रभु यावेमी रुश पशो खोदेंशो दुम्‍ती। मारदे हना रिम्‍शो ग्‍युम्‍ली ग्‍युंबे पा गेशो खोदेंशो पा, इन कली ख्रीस्‍त कली गेतन्‍नी। एफिसी ५:२६-२७

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

गलाती 5:18

परमप्रभु यावे आ सोक्‍तीमी चहिं इन कली गेय पपाइक्‍तु हना, रिम्‍शो पाइनीनी, अरेशो लोव़ मटीब यो मदुम्‍नीनी।

एफिसी 2:15

दोपा साम्‍तु देंशा हना, यहूदी आन कली अरेशो, शेंशो, फुल्‍लुम मुशा ब्रेक्‍शो लोव़ ङा गेय नेल्‍ल आ रां साइक्‍चा गेशा साम्‍तु। मिनु मेकोमी जात निक्‍शी के जात का सेल्‍शा, नक मुर सेल्‍तु। मोपा दुशा बाक्‍चा गेप्‍तु। कलस्‍सी २:१४

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

फिलिप्‍पी 4:17

इन गेशो क्‍येट ममिम्‍नुङ, तन्‍न परमप्रभु यावेमी इन मो पशो तशा, इन कली रिम्‍शो पाइब। गो मोदेंशो तचा दाक्‍नुङ।

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

कलस्‍सी 1:22

मुल येसु ख्रीस्‍तमी आ रां साइक्‍चा गेशा, इन कली परमप्रभु यावे आ मुर दुम्‍पाइक्‍तु। मोपा इन कली दोस मताइब, काइ हेंथे मपाइब, परमप्रभु यावे आ मुर सेल्‍शा, आ ङोंइती राप्‍पाइक्‍तु। एफिसी ५:२७

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

कलस्‍सी 2:14

नेल्‍ल गेचा चिक्‍शो दोस नु सजाइ ब्रेक्‍शो कागज लाइश्‍शा, कांटी थोक्‍शा साइक्‍तीक शीम वोइक्‍तु। एफिसी २:१५

कलस्‍सी 2:20

गेपुकी ख्रीस्‍त नु बेक्‍तीनी हना, रागी ङा थोव़क नेल्‍ल इन कली आइक्‍च बाक्‍ब। मिनु मारदे गेपुकी रागी ङा मुर खोदेंशो पा पाइनीनी? मारदे गेपुकी रिती थिती पचा टीनीनी? गलाती ४:९-१०

हिब्रू 10:10

मिनु गोपुकी येसु ख्रीस्‍त आ रां चढ़ेशोमी गेना हना यो परमप्रभु यावे आ मुर दुम्‍तय” दे रुब्‍य। यूहन्‍ना १७:१९

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९

प्रकाश 21:9

मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।