रोमी 7:23 - Sunuwar Bible

²³ तन्‍न आं रांम अर्को अरेतीक का बाक्‍ब। मेको आं थुं ङा दाक्‍शो अरेतीक नु जीब। मिनु आं रांम बाक्‍शो अरेतीकेमी आं कली ग्‍याइश्‍शा, पाप पपाइक्‍ब। गलाती ५:१७

रोमी 7:23 ပူးပေါင်းရင်းမြစ်များ

भजन संग्रह 142:7

आं कली आं चोक्‍सीतीके रे प्रोंइयीनी। मिनु गो इन कली “गे रिम्‍शो पाइब बाक्‍नीनी” देंने चबुल। मिनु आं कली रिम्‍शो पशो तशा, ठीक पाइबपुकी आं एर ओंथ बाक्‍शा ग्‍येरसीनीम।

उपदेसक 7:20

थमा पा रागीमी मारेइ मारेइ ठीक पाइब नु गेनायो पाप मपाइब सुइ मबाक्‍नीम। भजन संग्रह १४:३

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

रोमी 6:19

इन कली रुप्‍पाइक्‍चा कली चिनु लेंशा शेंनन्‍नी। दोपा गेपुकीमी इन गुइ खोइल, मिक्‍च, शोव़, रां नेल्‍लेमी ग्रांग्रा दिशो गेय पशा, अरेशो लोव़ मटिनी, मोपा मुल इन थुं, रां नेल्‍ल ठीक पतीक आ वाइल दुम्‍चा कली परमप्रभु यावे आ गेय पाइब मुर दुमीन।

रोमी 7:14

गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६

रोमी 7:21

तन्‍न आ थुंमी गो रिम्‍शो पचा दाक्‍ती हना यो, मरिम्‍शो ला दुम्‍त।

रोमी 7:25

गो परमप्रभु यावे कली इं प्रभु येसु ख्रीस्‍तम आ पतीके “गे रिम्‍शो पाइब बाक्‍नीनी” दे ठेयब सेल्‍नुङ। परमप्रभु यावे आ सोक्‍तीम ब्रीशो थुं आ देंशो टीनुङ। येसु ख्रीस्‍त नु मबेक्‍शो आं थुं नु रां चहिं पाप आ वाइली बाक्‍ब, दे तुइक्‍ताक्‍ङ। १कोरिन्‍थी १५:५७

रोमी 7:5

गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१

रोमी 8:2

मारदे हना येसु ख्रीस्‍त आ ब्रोंइचा गेब सोक्‍त आ अरेशो लोव़मी इन कली पाप पचा नु बेक्‍चा आ अरेशो लोव़ रे प्रोंइतु।

गलाती 5:17

मुर आ थुंमी मिम्‍शो पचा नु परमप्रभु यावे आ सोक्‍तीम ब्रीशो थुं आ मिम्‍शो पचा मगारब। रिम्‍शो पय देंतीनी हना यो, रिम्‍शो पने मचाप्‍नीनी। रोमी ७:१५,२३

हिब्रू 12:4

पाप नु लडाइ पा मुल सम्‍म हुश जुइक्‍थ्री मदुम्‍नी।

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।

याकूब 4:1

इन दातेमी जिचा खे‍चा ते रे जाक्‍बा? गे इन दला दाक्‍स आ पर्बम जीनीनी, ममाइ?

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३