रोमी 7:14 - Sunuwar Bible

¹⁴ गोपुकीमी परमप्रभु यावे आ अरेशो लोव़ सोक्‍त पाइश्‍शो बाक्‍ब, दे तुइक्‍नय। गो चहिं रांम बाक्‍शा पाप आ वाइल बाक्‍ती। यूहन्‍ना ३:६

रोमी 7:14 ပူးပေါင်းရင်းမြစ်များ

उत्पत्ती 37:27

नेनीन, इश्‍माएल आ मुर आन कली लेयशा सोइक्‍तय, मसाइय्‍य। मारदे हना इं लोक्‍ब, इं आंम मुर बाक्‍ब” देंमाक्‍त। मिनु आ लोक्‍बपुकी बिस्‍समा बाक्‍त।

उत्पत्ती 37:36

मिनु मेको मिदयान ङा मुरपुकीमी योसेफ कली इजीप्‍त रागी ङा फाराओ आ नेल्‍ल क्‍येङा ठेयब गेय पाइब पोतीफर कली लेयङमे बाक्‍त।

उत्पत्ती 40:15

ङोंइती आं कली हिब्रू रागी रे खुइ पा चाक्‍तीमी। मुल जेल्‍खानम चोक्‍तीमी। गो मारेइ मरिम्‍शो मपङ” देंमाक्‍त। उत्‍पत्ती ३७:२८

१ राजा 21:20

मिनु आहाबमी एलीया कली “आं सत्रु, गे आं कली थिय्‍यी?” दे मदा बाक्‍त। मिनु मेकोम “ओं, गो इ कली थित्‍तन। मारदे हना गे परमप्रभु यावे आ ङोंइती मार मरिम्‍शो बाक्‍मे, मेको ला पना पन बाक्‍ते।

१ राजा 21:25

आहाबम आ मीश इजेबेल आ लोव़ नेंशा, परमप्रभु यावे आ ङोंइती काइ मरिम्‍शो पवा बाक्‍त। मोदेंशो मुर अर्को सुइ मबाक्‍मा बाक्‍त।

२ राजा 17:17

मेकोपुकीम आंम तमी तौ आन कली क्‍योरशा चोशा चढ़ेमे बाक्‍त। मिनु लिंक्‍यु कोव़शा, मन्‍तर तन्‍तर पामे बाक्‍त। मिनु परमप्रभु यावे आ ङोंइती मार मरिम्‍शो बाक्‍मे, मेको पना पन बाक्‍मा बाक्‍त। मिनु मेको कली गाइक्‍पदमे बाक्‍त। लेवी १८:२१

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 119:25

आं थुं लुक्‍च लशो बाक्‍ब। इन लोव़ पतीकेमी आं थुं बारपाइय्‍यीनी।

भजन संग्रह 51:6

गे आंम पर्बम आंम थुं ङा थमा मिम्‍तीकेम दाक्‍नीनी। मोपतीके गे आं थुं कली जोक्‍तीक तुइक्‍तीक शेंदीने।

प्रस्‍थान 22:3

तन्‍न नां दाप्‍शा नोले सम्‍म तुप्‍शा साइक्‍तु हना, मेको साइक्‍ब साइक्‍चा ङा सजाइ ताइब। खुइ पाइब आ खुइ पशो नेल्‍ल लेत्‍चा माल्‍ब। थाप्‍ने मचाप्‍तु हना, वाइल सेल्‍चा पुंइसीब।

हितोपदेस 30:2

थमा पा गो मुर आन दातेमी निप्‍स मपाइश्‍शो मुर दुम्‍ती। गो नु मुर आन के खोदेंशो रुप्‍तीक मबाक्‍ब।

हितोपदेस 30:5

परमप्रभु आ लोव़ नेल्‍ल थमा बाक्‍ब। सु मेकेर लशा ख्रुंइसीबा, मेको कली श्‍येत रे तेक्‍ब। भजन संग्रह १२:७

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

यसैया 52:3

परमप्रभु यावेमी “गे मोशान लेयसाक्‍नी। मिनु मोशान प्रोंइचा पुंइसीनीनी। यसैया ५०:१

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

लेवी 13:12

मिनु मेको आ रोइ कुशुलम बारना बारन लशा, चढ़ेबमी कोव़ङानु, आ गार पिया रे खोइल सम्‍म बाक्‍त हना,

लेवी 13:16

तन्‍न मेको तांइसीशो श्‍ये लेंशा बुश दुम्‍त हना, मेको मुर लेंशा चढ़ेब आ बाक्‍तीक लचा माल्‍ब।

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

आमोस 2:6

मिनु परमप्रभु यावेमी “गो इस्राएल आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी ठीक पाइब आन कली चांदी के क्‍येटीम नु मारेइ मथीब आन कली जोर का चेपल ताक्‍शा लेयतेक्‍म। आमोस ८:६

मत्ती 16:23

मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।

मत्ती 18:25

मिनु मेको जेर थाम्‍ने मचबानु, पिपीमी ‘गे, गे नु बाक्‍शो थोव़की, इ खिं रू, इ मीश तमी तौ, लेयशा, जेर थाप्‍ती’ दे मदा बाक्‍त। नेहेम्‍याह ५:५

मत्ती 5:22

गोमी चहिं इन कली मार देंनुङ देंशा हना, सु मुर नु ईख पा ब्राशा बाक्‍बा, मेको सजाइ गेचा पुंइसीब। सुमी अर्को कली मरिम्‍शो लोव़ पाइबा, मेको कछडी पचा पुंइसीब। सुमी अर्को कली ‘ए मूर्ख’ देंबा, मेको नरक ङा मीम हुम्‍चा पुंइसीब। १यूहन्‍ना ३:१५

मत्ती 5:28

गो मार देंनुङ देंशा हना, ग्‍युंबे पशो मुरुमी अर्को मीश मुर तशा वाल्‍त हना, आ थुंमी मीश वोंइश आस नाता ख्रोइक्‍ब। २सामुएल११:२; अय्‍युब ३१:१; २पत्रुस २:१४

लूका 5:8

मिनु सिमोन पत्रुसमी मो दुम्‍शो तशा, येसु आ ङोंइती पोक्‍च थेक्‍शा बाप्‍शा “प्रभु, गो पापी मुर नङ। गे नु काथा बाक्‍चा मशिरनुङ” देंमाक्‍त। लूका १८:१३

लूका 7:6

मिनु येसु मेकोपुकी नु लमाक्‍त। मिनु कप्‍तान आ खिं आ नेक्‍था जाक्‍दीम्‍मेनु, कप्‍तानमी आ वारच आन कली येसु कली लोव़ पथ सोइक्‍ता बाक्‍त। मेकोपुकीमी येसु कली “प्रभु, श्‍येत मपने। गो इन कली आं खिंम ओंइचा मशिरनुङ।

रोमी 3:9

मिनु मार देंचा देंशा हना, अर्को जात क्‍येङा गो यहूदी रिम्‍शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४

रोमी 6:6

येसु ख्रीस्‍त कली शीम केप्‍शा कांटी थोक्‍शा साइक्‍तीके इं पापम ब्रीशो थुं आ सक्ति जाम्‍त। मोपतीके मुल गो पाप आ वाइल मबाक्‍नय। गो मेको लोव़ तुइक्‍चा माल्‍नय। गलाती ५:२४

रोमी 7:18

रिम्‍शो पतीके गो नु मबा, दे रुप्‍ता। रिम्‍शो पपदाक्‍ती हना यो, रिम्‍शो पने मचबु। उत्‍पत्ती ६:५; उत्‍पत्ती ८:२१

गलाती 4:3

गोपुकी मेको खिं ङा आल खोदेंशो बाक्‍तय। कोल्‍शा इं हक मतशो सम्‍म गो एको रागी ङा सक्ति आन वाइल दुम्‍शो बाक्‍तय। गलाती ५:१; कलस्‍सी २:२०

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

ब्‍यवस्‍था 6:5

मिनु गेपुकी परमप्रभु यावे, इन परमप्रभु कली इन थुं नेल्‍लेमी, इन सोक्‍त नेल्‍लेमी नु इन बोल नेल्‍लेमी दाक्‍चा माल्‍नीनी। ब्‍यवस्‍था १०:१२; २राजा २२:२५; मत्ती २२:३७

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९