रोमी 6:21 - Sunuwar Bible

²¹ इन पशो मिम्‍शा, मुल यो मुने पाइनीनी। मारदे हना इन मरिम्‍शो पशो बेक्‍पाइक्‍ब बाक्‍त, दे तुइक्‍ताक्‍नी। रोमी ८:६,१३

रोमी 6:21 ပူးပေါင်းရင်းမြစ်များ

१ राजा 2:26

मिनु पिपम चढ़ेब अबीयाथार कली “अनाथोथम बाक्‍शो इ खिंम लावो। गे साइक्‍चा पुंइसीब बाक्‍नेवे। मो हना यो मुल गो इ कली मसाइक्‍नन। मारदे हना गे आं आफ दाऊद आ ङोंइती परमप्रभु यावे आ सन्‍दोस कुरब बाक्‍ते। मिनु गे मेको आ श्‍येत नेल्‍लेम बाक्‍शो बाक्‍ते” देंमाक्‍त। १राजा १:७; १सामुएल २२:२०-२३; १सामुएल ३०:७; २सामुएल १५:२४

एज्रा 9:6

“आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८

अय्‍युब 33:27

मिनु मेको मुरुम मुर आन बाक्‍‍तीक जाक्‍शा, मेको आन कली ‘गो पाप पाता। गो ठीक पतीके कली दूली सेल्‍ता। गो आं तचा माल्‍शो सजाइ मतङ।

अय्‍युब 40:4

“गो शोर गाक्‍शो मुरुम इन कली मार लोव़ लेन्‍ने चाप्‍नुङा ङा? गो आं गुइम आं शोव़ सुम्‍नुङ। उत्‍पत्ती ३२:९; यसैया ६:५; हितोपदेस ३०:३२

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 73:17

मिनु गो परमप्रभु आ खिं ओव़ती। मेना गो मेको आन कली नोले मार दुम्‍बा, मेको नेल्‍ल तुइक्‍ताक्‍ङ।

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 14:12

मुर आन कली आंम पशो लां ठीक तांइसीब हना यो, नोले मेको बेक्‍पाइक्‍ब लां बाक्‍‍ब।

हितोपदेस 16:25

मुरुमी का निक्‍शी लां रिम्‍शो बाक्‍ब, दे मिम्‍‍नीम। तन्‍न नोले मेको लां बेक्‍‍तीक लां बाक्‍ब।

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

येरमीया 12:13

मेकोपुकीमी चेरब शोक्‍नीम। मिनु चू सिप्‍पाइक्‍नीम। मेकोपुकीमी श्‍येत पा गेय पाइनीम, तन्‍न नेल्‍ल शोर गाक्‍ब। मोपतीके मेको आन ख्रुम्‍शा मुने दोक्‍शो आंमा फाल्‍मेक्‍ल। मारदे हना परमप्रभु यावे आ ठेयब पा गाइश्‍शो इन तार जुक्‍शो बाक्‍ब। होसे ८:७

येरमीया 17:10

गो, परमप्रभु यावेमी मुर आन कली नाक्‍नुङ। आन थुंम मार बाक्‍मे, मेको कोव़नुङ। आन गाक्‍शो लां नु आन पशो कोव़शा, इनाम गेनुङमी।

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

येरमीया 31:19

गो नोले शोंइसीशा, इन गे लेत्‍ती। आं हेंथे पशो तुइक्‍तु नोले आं कुचु तुप्‍ता। गो मुने दोक्‍ती। मारदे हना गो आं ठिटा ना ङा पाप कुरशो बाक्‍ती” दे ङाक्‍शा देंत।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

इजीकीएल 43:11

मिनु मेकोपुकीम आन पशो आ पर्बम मुने पाम्‍तेक्‍म हना, मेको आन कली आं खिं दोपा सेल्‍सीशो बाक्‍मे, मेको तुइक्‍पतो। मेको आ लाङगा लतीके, खिंङगा ओव़तीके, मेको दोदेंशो तांइसीबा, आं देंशो पतीक लोव़, आं अरेशो लोव़ नु शेंतीक नेल्‍ले मेको आन ङोंइती ब्रेक्‍तो। मोपा मेको नेल्‍ले अरेशो होस पा टीब दुम्‍मल।

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

रोमी 5:12

मिनु ङोंइती मुर कामी परमप्रभु यावे आ देंशो लोव़ मटितीके मुर बेक्‍ब दुम्‍मा बाक्‍त। मिनु मेको आ तमी तौ चच युइ नेल्‍ले यो बेक्‍ब दुम्‍मा बाक्‍त। मारदे हना मेकोपुकीमी यो पाप पामे बाक्‍त। उत्‍पत्ती ३:१९; रोमी ६:२३; उत्‍पत्ती २:१७

रोमी 6:16

तेको होव़प आ वाइली दुम्‍या, मेको होव़प कली टिचा माल्‍नय, दे मतुइक्‍नीनी? “पाप पना पन बाक्‍य” देंतीनी हना, पाप आ वाइली दुम्‍शा, बेक्‍नीनी। “परमप्रभु यावे आ देंशो टिय” देंतीनी हना, परमप्रभु यावे आ वाइली दुम्‍शा, ठीक पाइब दुम्‍नीनी। यूहन्‍ना ८:३४

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

रोमी 7:5

गो येसु ख्रीस्‍त रे ङोन बाक्‍यानु, परमप्रभु यावे आ अरेशो लोव़ रे पा पाप तुइश्‍शा यो पाप आ ग्रांग्रा दिशोमी ब्रीशा शुश मरिम्‍शो पाइतय। मेको आ गाल्‍च बेक्‍तीक बाक्‍ब। रोमी ६:२१

रोमी 8:13

मो पाइतीनी हना, जाम्‍शा लाइनीनी। तन्‍न गे परमप्रभु यावे आ सोक्‍त रे पा इन रां ङा दला दाक्‍स पतीक कली साइक्‍तीनी हना, ब्रोंइनीनी। रोमी ७:२४; गलाती ६:८; एफिसी ४:२२-२४

रोमी 8:6

मारदे हना मुर आ थुंमी मिम्‍शो पाइबपुकी जाम्‍शा लाइ‍नीम। परमप्रभु यावे आ सोक्‍तीम गेशो थुंमी मिम्‍शा पाइबपुकी परमप्रभु यावे नु ब्रोंइशा थुं नाइश्‍शा बाक्‍चा ताइनीम। रोमी ६:२१; गलाती ६:८

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।

ब्‍यवस्‍था 17:6

साइक्‍चा पुंइसीब आन पर्बम मुर निक्‍शी नु सांमी ‘गो ताता, सांकछी दुम्‍ती’ देंतेक्‍म हना, ला साइक्‍चा दुम्‍ब। का ला सांकछी बाक्‍त हना साइक्‍चा मदुम्‍ब। ब्‍यवस्‍था १९:१५; १राजा २१:१०; हिब्रू १०:२८

ब्‍यवस्‍था 21:22

मिनु मुर कामी बेक्‍चा माल्‍शो सजाइ त‍शा, गेपुकीमी मेको कली रवाम क्‍युक्‍तीनी हना, गन्‍ती २५:४; यहोसु ८:२९; यहोसु १०:२६-२७; १सामुएल ३१:१०; २सामुएल ४:१२; २सामुएल २१:६,९

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

हिब्रू 10:29

मिनु परमप्रभु यावे आ तौ कली खोइलीम दिम्‍ब, शुश सजाइ गेशा साइक्‍चा पुंइसाक्‍म, दे तुइक्‍नय। ङोंइती आंम कली पाको सेल्‍शो नक कबल ङा हुश आ पर्बम शुक्‍शी पा “हुश नेल्‍ल कांइचीक बाक्‍ब, मार अर्को लोव़ बाक्‍बा ङा?” देंनीम। परमप्रभु यावे आ सोक्‍ती आ पर्बम यो शुक्‍शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५

हिब्रू 6:8

माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।

याकूब 1:15

मोपा दला दाक्‍स पामेनु, पाप ग्रूब। मेको पाप बारने थुमानु, मेको मुर नरकम लाइनीम। मेको पाप पतीके बाक्‍ब। रोमी ७:१०

याकूब 5:20

मेको मुरुमी मेको मटीब मुर कली बेक्‍चा रे प्रोंइब। मिनु मेको के शुश पाप बाक्‍त हना यो, क्‍याम्‍सीब, दे मेकोमी तुइक्‍चा माल्‍ब। भजन संग्रह ५१:१५; हितोपदेस १०:१२; १पत्रुस ४:८

१ पत्रुस 4:17

निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? येरमीया २५:२९; इजीकीएल ९:६

१ यूहन्‍ना 2:28

आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 20:14

बेक्‍पाइक्‍ब नु बेक्‍शो आन बाक्‍तीके हुरुर पा ब्रशो मी ब्रतीकेमी हुम्‍चा पुंइसाक्‍स। मेको हुरुर पा ब्रशो मीमी हुम्‍सीशो मार बाक्‍त देंशा हना, मेको निक्‍शी खेयप बेक्‍चा ङा मेको नोले ङा बेक्‍चा बाक्‍त। १कोरिन्‍थी १५:२६,५५