रोमी 5:8 - Sunuwar Bible

⁸ तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

रोमी 5:8 ပူးပေါင်းရင်းမြစ်များ

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

यूहन्‍ना 15:13

सु आ वारच आ पर्बम साइक्‍चा पुंइसीबा, मेको नेल्‍ल क्‍येङा ठेयब दाक्‍ब वारच बाक्‍ब। यूहन्‍ना १०:११; १यूहन्‍ना ३:१६

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

रोमी 3:5

गो इं मरिम्‍शो पशो परमप्रभु यावे कली रिम्‍शो देंशा कोंइताक्‍य हना, गो मार देंनय ङा? परमप्रभु यावेमी मो देंब आन कली सजाइ गेशो मरिम्‍शो बाक्‍बा ङा? शुश मुरपुकीमी मोदेंशो मिम्‍नीम।

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 5:6

ङोंइती मचाप्‍ब बाक्‍यानु, ख्रीस्‍त परमप्रभु यावे कली मटीब आन पर्बम बेक्‍त।

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?

रोमी 8:32

परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।

रोमी 8:39

इर ङामी, उइ ङामी नु रागीम बाक्‍शो मारेइ मारेइमी इं कली इं प्रभु ख्रीस्‍त येसुम बाक्‍शो परमप्रभु यावे आ दाक्‍शो रे फ्राने मचाप्‍नीम” दे यो तुइक्‍ताक्‍ङ।

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

एफिसी 2:7

मुरुमी मिम्‍ने मचाप्‍चा ङा ठेयब शिशी आंम आ दाक्‍तीकेमी ख्रीस्‍त येसु रे नोले ङा मुर आन कली कोंइचा कली पाप्‍तु। एफिसी १:७

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

१ तिमोथी 1:16

गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।

हिब्रू 8:3

ठेयब चढ़ेब नेल्‍ले भेटी नु चोशा चढ़ेचा कली योव़चा पुंइसीशो बाक्‍नीम। मोपतीके मेको ठेयब चढ़ेबमी यो मारेइ थोव़क चढ़ेचा माल्‍ब।

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 3:16

मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३