रोमी 5:6 - Sunuwar Bible

⁶ ङोंइती मचाप्‍ब बाक्‍यानु, ख्रीस्‍त परमप्रभु यावे कली मटीब आन पर्बम बेक्‍त।

रोमी 5:6 ပူးပေါင်းရင်းမြစ်များ

भजन संग्रह 1:1

सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७

बिलाप 1:6

सियोन आ तमी रे पा आ मान पचा पुंइसीतीके नेल्‍ल लने थुम्‍तु। आ पिप आ तौपुकी जोतीकेम थिश्‍‍शो रोको‍श खोदेंशो दुम्‍तेक्‍म। मेको बोल मपाइश्‍शो दुम्‍शा, आन कली खेदा पाइब आन ङोंइती प्रोक्‍ना प्रोक्‍न बाक्‍नीम।

दानीएल 11:15

मिनु नोले उत्तर ङा पिप जाक्‍शा, दक्‍खिन ङा राज्‍य इन गारो हिरशो सहर पुम्‍शा, आंम के सेल्‍ब। दक्‍खिन ङा लडाइ पाइब ब्रुइनीम। मिनु मेको आन नेल्‍ल क्‍येङा बोल्‍यो लडाइ पाइब आन सक्ति यो जाम्‍शा लाइब।

गन्‍ती 7:15

चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।

रोमी 11:26

योव़सीचा पुंइसीशो अर्को रागी ङा मुरपुकीमी थमा सुदमे ङा मेरे इस्राएली नेल्‍लेमी रुप्‍शा, थमा सुइश्‍शा, ब्रोंइचा ताइनीम। “सियोनमी पाप रे प्रोंइब का ग्रूब। मेकोमी याकूब कली आ मरिम्‍शो पतीके रे प्रोंइब। मत्ती २९:३९; भजन संग्रह १४:७

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

रोमी 4:5

तन्‍न सुमी गेय मपाइब, ङोंइती मटीब मुर आन कली ठीक पाइब कली थमा सुइक्‍बा, मेको आ थमा सुइक्‍तीके ठीक बाक्‍ब। रोमी ३:२६

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

रोमी 5:7

ठीक पाइब आन बेक्‍चा आ पा ङा सुइ बेक्‍बा कों? रिम्‍शो पाइब आ पा ङा सुइ बेक्‍ने चाप्‍बा कों?

रोमी 5:8

तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

रोमी 8:32

परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

गलाती 2:20

तन्‍न गो मब्रोंइनुङ। ख्रीस्‍त आं आगामी ब्रोंइब। तन्‍न आं मुल ब्रोंइतीके गो परमप्रभु यावे आ तौ कली थमा सुइश्‍शा ब्रोंइनुङ। मेकोमी आं कली शुश दाक्‍शा, आं पशो पाप आ पर्बम साइक्‍चा पुंइसाक्‍व। यूहन्‍ना १७:२३; प्रेरित १:४

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

कलस्‍सी 2:13

ङोंइती गेपुकी मरिम्‍शो पाइब दुम्‍शा, ख्रोइक्‍तीक चिनु इन रांमी मख्रोइक्‍थु, बेक्‍शो मुर खोदेंशो बाक्‍तीनी। परमप्रभु यावेमी इं मरिम्‍शो पतीके नेल्‍ल क्‍याम्‍शा, इं कली येसु ख्रीस्‍त नु ब्रोंइपाइक्‍तु। एफिसी २:१,५

१ थिस्‍सलोनिकी 5:9

मारदे हना परमप्रभु यावे इं पर्बम मगाइक्‍ब। प्रभु येसु ख्रीस्‍त आ पतीके पाप रे ब्रोंइब सेल्‍तु।

१ तिमोथी 1:9

ठीक पाइब आन कली मब्रेक्‍शो बाक्‍ब, दे यो तुइक्‍नय। तन्‍न परमप्रभु यावे आ अरेशो लोव़ मपाइब, मटीब, परमप्रभु कली ममिम्‍ब नु मरिम्‍शो पाइब आन कली ब्रेक्‍शो बाक्‍ब। परमप्रभु यावे रे ङोन बाक्‍ब, रागी कली ला मिम्‍ब, आम आफ कली साइक्‍ब, आंम ममा कली साइक्‍ब नु मुर आन कली साइक्‍ब आन कली ब्रेक्‍शो बाक्‍ब। १कोरिन्‍थी ६:९-११

तीतस 2:12

मोदेंशो शिशीमी इं कली परमप्रभु यावे कली मगारचा ङा गेय नु रागी रागी ङा मुर आन पतीके आ पर्बम मोदेंशो मपचा, दे शेंब। मिनु मुल गेय पचा क्‍येङा ङोंइती मिम्‍चा, ठीक गेय पचा नु रागीम बाक्‍शा, परमप्रभु यावे कली मान पा हिंचा, दे शेंब।

हिब्रू 8:3

ठेयब चढ़ेब नेल्‍ले भेटी नु चोशा चढ़ेचा कली योव़चा पुंइसीशो बाक्‍नीम। मोपतीके मेको ठेयब चढ़ेबमी यो मारेइ थोव़क चढ़ेचा माल्‍ब।

हिब्रू 9:26

ख्रीस्‍त मोदेंशो बाक्‍शो हना, रागी सेल्‍चा रे मुल सम्‍म शुश खेयप श्‍येत जचा माल्‍द वा। तन्‍न मेकोमी रागी नुप्‍ची ना खेयप का पाप क्‍याम्‍चा कली आंम कली चढ़ेवा बाक्‍त। १कोरिन्‍थी १०:११; गलाती ४:४; हिब्रू १:३

१ पत्रुस 1:20

परमप्रभु यावेमी रागी सेल्‍चा क्‍येङा ङोंइती “येसु ख्रीस्‍त पाप रे प्रोंइब दुम्‍ब” दे मिम्‍शो बाक्‍माक्‍त। मेको रागी नुप्‍ची ना इन पर्बम तुइक्‍पाइश्‍शो बाक्‍त। रोमी १६:२५-२६

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

यहूदा 1:15

परमप्रभु यावे कली मटीब नेल्‍ल आन कली आन थमा मसुइक्‍तीकेमी पशो मटितीके तपाइक्‍नीम। परमप्रभु यावे रे ङोन बाक्‍ब पापीपुकीम परमप्रभु यावे कली मार मार मरिम्‍शो लोव़ पामे, मेको आन कली निसाफ पशा, सजाइ गेचा, दे जाक्‍तेक्‍म” दे लोव़ पवा बाक्‍त।

यहूदा 1:18

मेकोपुकीमी इन कली “मेको नोले ङा नाक्‍त शुक्‍शी लोव़ पाइनीम। परमप्रभु यावे कली मटिथु, आंम दला दाक्‍स पाइनीम” देंतेक्‍म। १तिमोथी ४:१; २पत्रुस ३:३

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।